MAZMUR 135:17 - Allah Wene Fano Wene Hupla Inane

¹⁷ It inesanggo werek oba nen he holharek lek, nen inambelema nen set endephogo ekhe wiliferek legat.

MAZMUR 135:17 ပူးပေါင်းရင်းမြစ်များ

YEREMIA 10:13

We aneba nek hilinglame ugunem, i huli-huli warek mene a'nogoba nen i eindep ane mimi isikhe. Kweangma unggut-unggut andoma Aren ohena lakfei wagarek, nen Arenat meiso anggelek elekwe eilabut kulunghogo lakfikherek, nen sogoi re Aren obalik warogo fisogoba andoma nen lakfei wagarek.

YEREMIA 51:17

A'nogo hilingitikhe mene andoma haluk he afuni nen, an nebe re kembu higi, nen wenggelek mene welagi le'ma o, iluk fut fili'lagwi. Ap emas elalharek inelu mene re iren tugwi kembu alik hilingiri'lagwi mene omanogo re ebe mene re fuk, nen eluk ogo werek legaren he inelokhe longgo ugun.

HOSEA 13:2

O yogondak ogore, afuni Efrayim mene andi re, Allah ane sagalogo weak hilingituat werek. Iren he, tugwi kembu afuni inendawimo nen wenggelfuluk perak mene agauwak hilingisogo inenggiba wuri'lagwi. A'nogo wutfuluk iren ikhi logolik he: ”Wam, yi mene ti mene tugwi kembu yoma faget warogo nole'ni o,” iluk ugunem, afuni nen he sapi eak alik waganek meneba hai inambe saluk watarek andi re higit nogo a!

HABAKUK 2:19

Hiren he, e mene yagati logoligat he, ”Heluk ame,” igik, helep mene yagati logolik he, ”Menlame,” igik, ikhi lagep andi, it andi nen onggo yagahisogoin nogo? Elokhe fanorogo iluk he, emas mene inom, perak mene inom, ebene labulogo pugunhogo afe halek meneat he, areagun werek lego. A'nogo hilingiti legep andi nen, Allah nen homan hinobagauwak.