MAZMUR 132:17 - Allah Wene Fano Wene Hupla Inane

¹⁷ At Daud en tagomangge mene, o yoma enupogot logouwagaluk, An nen menfagain o. Ap ayonggo fagain mene andi, aren ferinarek logouwageluk An nen omamet fikhi logogin.

MAZMUR 132:17 ပူးပေါင်းရင်းမြစ်များ

1RAJA-RAJA 11:36

A'nogo meneat he, afuni inunggulenu misigat mene nek he, o kota Yerusalem nagainafuri nen An faget hilingiti logouwagaluk wenagaisogo fesigiba yoma, An namingmingengge Daud en tagomangge mene misigagun ekhe nen An faget ferinarek logouwagaluk herakfagain o.

1RAJA-RAJA 15:4

Oba nen he, raja Daud alisikhogo re, Tuhan Allah at Daud en apne wanhi lagaikhe mene a'nogo nen he at Abia oba omalik misik ekhe at obali'mo raja logolik o Yerusalem oba andoma melalinafik, nen o kota andi liokhogo ferinarek welagik, hilingiti logouwageluk wogetikhe.

2 RAJA-RAJA 8:19

Oba nen he Tuhan nen amingmingengge Daud wene wareti logolik ”Hat hambisangmangge mene re raja menlagu mondok logogun,” iluk yagatikhesik a'luk he At Tuhan nen afuni Yehuda mene leget fisigi'lek welagaikhe.

2 TAWARIKH 21:7

oba nen he, At Tuhan nen Daud wene wareti logolik, ”Hat hambisangma mene nen he mondok-mondok andoma afuni Israel mene melalinafi logolik enek logogun o,” iluk wene waretikhe a'nogo nen he, At Tuhan nen raja a'nogo weaget figi'lek welagaikhe.

MAZMUR 148:14

Aren he againafuri inunggulenu At onggwaregen mene omanogo inoba inomamet fesikhemo re, andiba At againafuri Israel endawi hundik mene a'nogo nen At obaget fogeratu mondok logouwak. Tuhan fogerasuok!

MAZMUR 89:25

An nendawinggen at oba hundik mondok logolik, oba lombokhogo mondok logogin. Omameba ferinarek mondok logouwagaluk he, An nen ekhe inom omamet fikhi logogin.

MAZMUR 92:10

Tuhan neisena, it Hat haselei mene andi re inebe felelenghogo leget fisigik, it afuni inanini weak mene mondogat telfol isigik igin mene andi re, nit mondogaren he ninelu welago.

YEHEZKIEL 29:21

Ningginik sambul wene andi ambi agu halok he An nen Israel unggulenu mondok omame hokho mene hilingisogo fagain o. A'nogo hilingisogo fembik hat Yehezkiel en hane haferogo ugunem afuni mondogaren holhi logogun. Andiba re iren An Tuhan iluk inelu asugun o,” ikhe.

LUKAS 1:69

Telninabuageluk he, at amingmingengge Daud en tagongge mene omame werek mene menfikhemo werek yi.

1 SAMUEL 2:10

Neisena Tuhan, hane pogoroba nen unggunggu aneba pak ugunem haselei mene inailo a'luk oak yaleik-taleik ugunem inebe mondok wolelenggen tagalogo inosigin o. Hat neisena Tuhan nen afuni kweangma mene mondogat wene inoba figik, kotik, igin mene, at ebe kain enupogot asuageluk wendeberogo menfesigin mene andi, omame wogetunem ungguloak uan asigin o,” iluk Allah fogeratikhe.