MAZMUR 132:11 - Allah Wene Fano Wene Hupla Inane

^11-12 Haren he, Daud yagati logolik, ”Hat hamlogo ap ekhe nen, hobali'mo ferinarek logouwagaluk, enupogot menfoumo logogin o. Hat hagainafuri yi'nogo hilinginabigin, iluk wene wathisasigi mene andi, An noba lomborogo logolik, yi'nogo hilingiti logoino, iluk, komorinafigi mene andi inom, nane hologo hilingiti logogun halok, iren tagomangge mene ap ekhe hat hobali'mo, inenupogot mondok menlarik laga logogun o. Nen wene watheti mene andi, nane oak wanigin lego,” iluk hombuk palogo wene waretigin andi.

MAZMUR 132:11 ပူးပေါင်းရင်းမြစ်များ

2 SAMUEL 7:12

A'nogo hilingiti logombigen, hobuk hat hebe wa'lasumo, hebe warek hombalak salinafukwaba salhafunem he, hobulu'mo, hat hamlogo mene ekhe menfagain o. A'nogo menfoumo, aren enek he An nawi wusigin o. Nen, aren melalinafi logogin oba kerajaan andoma An nen mondok-mondok abolok leget foumo hambuksek logogin. Nen at ambisangma mene ekhe nen raja mendek logolik melalinafi logogin.

2 SAMUEL 7:14

At andi eisenare anat hilinglagik, nen athe an namlogo hilinglagik, ugun o. Halok he, at weak ekhe hilingite halok, ineisugwi nen inagainafuri inelu asuageluk wene inoba fagarek a'nogo hak, An nen at oba wene fikhi logogin.

2 SAMUEL 7:16

Haren hagainafuri hokhorogo taginafi logoinogoluk hilinghafik, afuni Israel mene ferinarek mondok-mondok logoinogoluk homametfigik, ikhi logogin o, iluk igi mene andi, Daud yagasi lano o,” iluk yagatikhe.

1RAJA-RAJA 1:48

A'nogo fogerati logolik, samban mel ikhe: Neisena Tuhan Allah nit afuni Israel mene nen fogethaforek mene neisena. Yogondak an namlogo ekhe nobuali'mo enupogot logouwageluk menfegen o, neisena. Menfegenma nebe neluk logolik neilenggen higi andi nen, fogethafi lagi o, neisena, iluk ikhe,” iluk yagatikhe.

1RAJA-RAJA 8:25

Haren an neisena wene wareti logolik he, haren tagomangge mene nen hat an nane hologo hilingiti lagen andi hak eberogoat hilingiti logogun halok, haren tagomangge mene hombalagen ta'larik laga logogun mene ekhe afuni Israel mene inogogwi raja nek hilinglarik laga logogun o, iluk wene waretigin hagat yogondak an neisena Daud hamingmingengge wene waretigin mene mondogat tiphogo nek hilingi'no o, neisena.

2 TAWARIKH 6:16

An neisena ba Haren wene wareti logolik he, Hat hambisangma mene nen, haren hilingiti lagen hakhogo, An nawene melalek a'nogo hologo nek hilingitu halok he, mondok-mondok andoma ap misik ekhe hat hambisangma mene nen afuni Israel mene inobaget raja mendek logolik melalinafi logogin, iluk yagatigin. Nit afuni Israel mene nineisena Tuhan Allah, yogondak he Haren hamingmingengge an neisena Daud andiba wene waretigin mene andoma mondogat tiphogo nek hilingfein o, neisena.

2 TAWARIKH 7:18

An nen hat heisena Daud oba wene wareti logolik, Hat hambisangma mene re hundik-hundik it afuni Israel mene faget raja menlaga logogun, iluk wene waretigi mene a'nogo tiphogo hilingisigin.

MAZMUR 110:4

Tuhan nen wene watheti logolik, ”Ap an eisewerek mene enu Melkisedek welagaikhe andi hak, hat hebe re, hetok mondok a'nogo logogin,” iluk wene wathetikhe mene andi re, ane oak wanigin lego.

MAZMUR 89:33

iren wene taganet fogoin andi nen he, An nen wene inoba fembik enggin-fenggin inoba fagain o.

MAZMUR 89:35

An nen he, wene waretigi mene andi ebe hilingiti'lek kamo igin lego. Nane oak wanigin legaro.

MAZMUR 89:37

Mo werek kwelek andoma aren tagomangge mene re inenupogot mondok logogun. Aren tagomangge mene ta'larik laga logolik, ap it mene mondok inenupogot aga logogun.

MAZMUR 89:5

Hat hebe kain henupogot logolik ferinarek logogin oba andi re, inenggi mondok-mondok andoma faget An nen nenggi omamerogo fisogo logogin o, nen mo lagagik-pigik andomaba re hat hagainafuri tagomangge mene nen ferinarek logogun,” iluk yagati, isigin a'nogo.

BILANGAN 23:19

Allah re, afuni nen, Nambigen igi e, igik, ineranen wene igik, agarek andi hak ikherek mondok lego. At Allah re, An nen yi'nogo hilingisigin, iluk abok yagaisaluk he, ebe tiphogoat hilingiterego. Nen, Aren ugunem ebe arat hilinglagarek enego.

LUKAS 1:32

Nen, omalik andi alue asimbik kain agunem he, afuni nen he, Tuhan Allah kain welagarek a'nogo amlogo higi o, iluk ikhi logogun. At omba Daud andi enupogot logolik, afuni aren ferinarek welagaikhe a'nogo obali'mo re, nineisena Tuhan nen, at andiat menfagain o.

KISAH PARA RASUL 2:30

At Daud ebe Allah ane yagaisikhi lagaikhe mene andi nen he, Allah nen hombuk palogo wene mel iluk waretikhe mene eluat welagaikhe: Hat kain welagendek andi hak logouwageluk, ap haren tagongge mene ekhe hobali'mo menfagain o, iluk wene waretikhe.

IBRANI 6:18

Wene hombuk palogo yagaisasikhe andi re, nit Allah awe a'ma kwi wago mene halok ninendawimo nen, ”Fanotninabigin,” iluk eberek welago mene ninendawinggen hambukhogo logouwageluk nirat yaganisasikhe. Abok igik, hombuk palhik, wene pire isikhe andem, niren he, Allah eranen ikherek mondok lek, iluk ninendawinggen hambukhogo logouwageluk yaganisasikhe andi.

1 SAMUEL 15:29

At Allah nit afuni Israel mene nineisena fogeratorek mene andi, nit afuni higit he lego, andi nen he eranen wene igik, yi'nogo hilingisigin ilugen, hobuk hunogoat mene igik, ikherek mondok lego,” iluk yagatikhemo,