MAZMUR 131:1 - Allah Wene Fano Wene Hupla Inane

¹ Samban uogeluk lagakhi logolik Daud en wuni ikhi lagaikhe mene. Tuhan neisena, an nobabut he lagoksek welagi lek, winik-wonok ikhi lagi legat. Nen wene hokho mene andoma faget murok lagalagi lek. Athe an nen hilingisu elo'lek mene faget murok lagalagi legat andi.

MAZMUR 131:1 ပူးပေါင်းရင်းမြစ်များ

2 SAMUEL 6:22

Nen haren tak hendawimo seramet fanhen andi endebat hangge meneat he, hobuk hokhorogoat inendawimo seramet nobagagun halok mene ogore nendawimo nen fano nek anggagain o. Haren he, at elo'lek, iluk hendawimo seramet fanhen andi higirat meneat he, it namingmingengge mene egen andi nen an agaukhogo hilingnafi logogun aro,” iluk yagatikhe.

AYUB 42:3

Haren heinok an wo'niikhi logolik, An Allah nendawimo kagalek logolik yi mene ti mene hilingitirek meneat he, hat honggot logolik, nane sebeligiluk ikhi lagen andi nenahalok? iluk heinok wo'neegen andi, hat elalin hilingiti lagen mene andi an nen futfigi'lek nonggot logolik igimo o, neisena.

MAZMUR 101:5

Ap ekhe nen wene ero le'maat linglong engge are ekhe abok palogo weaget fagain mene andi re, an nen eiloak leget fagain. It ap inendawimo leget fakhikhi logolik wonoget fakhagarek mene re, An nen ekhe fisikhi logogin mondok lek.

MAZMUR 122:1

Wuni Daud en watikhe mene Allah awi wuri'mo lagakhi logolik fogerati lagaukwa awuni. It afuni ekhe nen he, nineisena Tuhan aiba lagauwogen eme! iluk yaganetunem nesanggo holhiresik he, an nendawimo hokhorogo nagaiyegeti lagi.

MAZMUR 124:1

Wuni Daud en watikhe mene Allah awi wuri'mo lagakhi logolik watukwa awuni. Tuhan ebe nit werekwe a'lep lek logoumo nen he, ninggin la'lep anggegep? Hit Israel mene nen, nane wurep waganogo mel ikhi logoino:

MAZMUR 133:1

Samban uogeluk lagakhi logolik Daud en wuni ikhi lagaikhe awuni. It Allah againafuri mene inebe misik seberogo welagaikharek mene andi re, mondok fano hilingi'mo re an he nagaiyego!

MAZMUR 139:6

Haren yi wene ti wene mondok elonggoma mene helu welagendek mene andoma re, an nen futfoumo re mondok elo'lek, an nendawimo nen wenggelhamo nen ogore wenggelogo lalek hak.

AMSAL 21:4

Ap a'mage weak mene nen wene weak mene hilingiterek andi re, leget fakhikherek mene inom foget fakhikherek mene inom endawimo peterogo werek andi nen hilingiterek.

YEREMIA 17:16

Oba nen he Tuhan neisena, an nen Hat hoba afuni andoma weak-weak alomat fisanogen iluk nane ninghogo yagaheti mene ekhe werek legat anggigi. It inoba enggin hokho mene asi weri'lago mene andoma faget an mondogat nabit welagi. Neisena Hat he helurego, an nane ikhi lagi mene andem faget Tuhan Hat he mondok helu welagen.

YEREMIA 45:5

Nenahalok halok hat honggwaregen wene engginhogo hoba asu hak mene herarik laga lagen nogo? A'nogo hilingitu lego, Barukh nagailak! Afuni mondogat he An nen enggin mene inoba fagain, oba nen he hat enek he hagap telogo hobagaumo hebe heluk logogin o. Hat hebe yikwe tikwe lagunem he, An nen fetharek mondok logogin. Iluk An Tuhan nen nane mondogat igi o,” iluk ikhe yagati.

BILANGAN 12:3

At Musa andi obabut he, afuni kweangma yoma welagaikharek mene mondogat inom higitsek lek. It ekhe inobabut fetaksek hangge meneat he, arenek he obabut mondok sebelek agun welagaikhe.

MATIUS 11:29

An nasungge kwalek su a'le sakhore'ma re, fano kwalogo wokhisamo se weagat hogoin andi nen he, hinomoloba waluk, an nobabut enago logolik inawe a'ma hak welagirek a'nogo furogo yagaisilik nikhi logoino o. A'nogo nikhi logogun halok, hinendawinggen hambuk igin o,” iluk yagaisasikhe.

KISAH PARA RASUL 20:19

It afuni Yahudi mene nen nebe noasuogeluk nabok palhi logolik weak hilingnafu kwelek, nonggwaregen nendawinggen sebelogo fogerakhigi'legat, le hokhorogo aga logolik he, Tuhan Allah awe a'ma logolik at faget hilingiti lagi hineluaro.

ROMA 11:33

At Allah oba mene hokhorogo welagik, endawimo mondok kagalek welagik, wene mondok elu welagik, ikherek andi nailo e. Aren wene elugun waterek mene, nit afuni ninelu asugun nogo? Aren yi mene ti mene hilingiterek mene niren futfogoin nogo?

ROMA 12:16

Afuni ekhe hinelokhoma fisigik, ekhe hinambotma fisigik, igi'lek he, hinendawirogo higithogo nek hilinginafi logoino o. Kaindek inobabut hilingitarek mene andi, hilingiti'lek he, inawe a'ma logolik hilingitarek mene andiat hilingiti logoino o. Hinendawimo nen he: ”An wene mondok nelu o,” iluk hinonggwaregen fogerakhagubo.

ULANGAN 17:20

Aren a'nogo hilingiti logogin halok obabut sebelasimbik, an enek fano it afuni yoma sebelek hak anggigi'lek, Tuhan Awene melalek werek mene a'nogo obabut ninggi'nogo iluk ogore sagalogo figik lek hilingitik, hilingiti logogin. A'nogo hilingiti logolik at ebe inom aren tagomangge mene inom it inunggulenu mene a'nogo halinafu mondok logogun o,” iluk yagaisasikhe.

1 TESALONIKA 2:10

Nit hit wene eberogoat iluk wanhigip mene halok ninom logolik afuni nen, ”It weak hilingita,” iluk wene ninoba figi'legat, tegelek logolik higithogo nek hilingiti lagagu a'nogo, hit Allah hinomat hinelumo re, ”Andi eberogoat,” iluk ugun andi.

1 SAMUEL 16:13

A'nogo yagatikhemo, at Samuel en amusu a'nogo wanhikhesik he, Daud unggul oba warogo ogogwi ineilhanem menfesikhe. A'nogo menfugu kwelek aremnogoat, Allah Areagun Daud endawimo peterogo kwisikhe, kwisikhemo huli andiba nen Daud ebe eluk werek kwelek nineisena Tuhan Areagun endawimo mondok welagaikhe. A'nogo hilingi'luk, at Samuel aiba o Rama ambotkwe wagaikhe.

1 SAMUEL 16:18

A'nogo yagaisasikhemo holhukwasik, at aminmingengge ekhe nen he, ”Ap enu Isai aiba Betlehem mene andi amlogo gitar watu elu mondok mene. At andi obabut tentara logolik weim ailo lek hilingiti logou hak mene. Obabut oba inom, elokheba inom mondok fano. Wenenggak fano ikherek mene. A'nogo ugunem, at nineisena Tuhan nen lebethugu mondok welagarek mene were'ma higi o,” iluk yagatikhe.

1 SAMUEL 16:22

A'nogo waluk nugunem, hobuk at Saul en wene at Isai oba yi'nogo lakfesikhe: ”An at Daud nendawinggen mondok hundik welagi o. Halok he, at yoma mondok logolik, an lebetniikhi logouwageluk kino yagaheti o,” iluk yagatikhemo yagasi lagaukwa.

1 SAMUEL 17:15

at Daud enggi ekhe sambul he eisena anggo domba konigiluk Saul herakfuluk ambotkwe o Betlehem waga lagaikhe.

1 SAMUEL 18:23

Iren a'nogo yagatukwa meneat he, at Daud en mel yagaisasikhe: ”Hit hinendawimo nen he ap inoe raja ina'logomi woginapluk ineamalugwi agu aple andi re serek anggegeba? An yi re nangge yi mene ti mene nelagaik welagimo re, elo'lego.” iluk yagaisasikhe.