MAZMUR 130:7 - Allah Wene Fano Wene Hupla Inane

⁷ Hit afuni Israel mene hineisena Tuhan nen endawi hundik mondok logolik, telninafu mondok welagarek andi nen he, ”Nit hobuk telninabigin,” iluk, serogo mondok logouwok.

MAZMUR 130:7 ပူးပေါင်းရင်းမြစ်များ

MAZMUR 130:4

A'nogo meneat he afuni Hat hebe inailorogo, hawe a'ma logouwagaluk inaweak sebelogo leget fisugu mene andi nek he, Haren hamolo welagen andi.

MAZMUR 131:1

Samban uogeluk lagakhi logolik Daud en wuni ikhi lagaikhe mene. Tuhan neisena, an nobabut he lagoksek welagi lek, winik-wonok ikhi lagi legat. Nen wene hokho mene andoma faget murok lagalagi lek. Athe an nen hilingisu elo'lek mene faget murok lagalagi legat andi.

MAZMUR 131:3

Yago hit Tuhan againafuri mene re, yogondak huli nen hobuk mondok-mondok logogun huli andoma re At oba nek hinendawinggen eberek mondok logoino o.

MAZMUR 40:3

Kilingelema wea'ma andoma higit were'ma nen fesi mondok lou'lakse'ma andoma higit were'ma Aren lisogo wo'nafesik, neisok helep oba fanoma andoma fanorogo fuluk laga logouwageluk nobagaikhemo welagi o.

MAZMUR 71:5

Tuhan neisena, Hat he an nendawinggen hoba eberek mene welagenma re, an nebe sougeba nen engge Tuhan hoba nendawinggen tibet fesigisik welagirego.

MAZMUR 86:15

Oba nen he, neisena Tuhan Allah, Hat he hendawi hundik ninafik, hendawirogo welagik, hendawi hundik mondok welagik, tiphogo nek hilingninobagagik, hobabut sebelek oba hilingninobagagik, ikhi lagen.

MAZMUR 86:5

Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.

YESAYA 55:7

Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.

ZEFANYA 3:12

O andoma re, afuni inunggulenu ekhe inedawimo sebelfakhaluk An nen lebetninabuageluk hilingitarek mene nek he o andoma femhogo logouwageluk herakfisagain. It enek he o andoma higit logogun.

LUKAS 14:22

A'nogo yagatikhemo, at ap a'nogo lagaikhesik ambotkwe wagaikhesik he, oe a'nogo mel yagatikhe: Noe. Yaganeten a'nogo woginarek wagi meneat he, o fena mondok selek werego, iluk yagatikhe.

ROMA 8:24

A'nogo hilingninabigin o, iluk anggugunem, Allah nen telninafikhemo welago. Mene re, sa hagen, ”Hobuk yi'nogo hilinglasigin,” iluk endawimo anggugu were'ma, ebe arat hilinglagunem eilenggen halugat he, hobuk endawimo angguguat logogin nogo? A'nogo ekhe welagaikharek lek andi nen he, niren, ”Hobuk yi'nogo hilinglasigin,” iluk anggikhi lago mene andi, ebe arat hilinglagunemen, nineilenggen hogo halok he, ninendawimo nen a'nogo ekhe anggikhi logogun mondok lego.

IBRANI 10:35

Halok he, attak weak hilinghinafu kwelek hinendawimo puk welagagip mene andi kobokhogo herakfisigi'lek, yogondak ya a'nogoat logogun halok, onggo hokho mene wokhisagain andi nen he, ninghogo logoino o.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.