MAZMUR 130:5 - Allah Wene Fano Wene Hupla Inane

⁵ Neisena Tuhan nen, ”Yi'nogo hilinghabigin,” iluk wene wa'netigin mene andi, eberogoat hilingnabigin iluk, nenangorogo eberek welagirek.

MAZMUR 130:5 ပူးပေါင်းရင်းမြစ်များ

KEJADIAN 49:18

Allah Henupogot neisena, haren telninabigin mene andiat serogo welagirego.

MAZMUR 119:114

We Harenat an nebikhit agik, hawe a'ma fetnarek welagik, hilingiti lagen, an he Haren wene watnisasigin mene omanogoba nek eberek welagi.

MAZMUR 119:42

An he Hat hane palek a'nogoba tiphogo hilingiti lagimo re, andiba it afuni nen an inabiret nobagainogo re, onggo yagaisikhi logogin.

MAZMUR 119:49

An hamingmingengge noba wene eberek logolik werek mene watnetigin mene a'nogo hendawimo ebetnean o.

MAZMUR 119:74

An he Haren wene watnetigin mene andiba nek eberek welagimo re, it afuni wene melalek futfuluk hilingiri'lagwi mene nen, an ineilenggen nealuk he inagaiyek asugun o.

MAZMUR 119:81

Haren an nagap telnabi we'lep iluk an nendawimo warikhi logolik welagi, an he Haren wene watnetigin mene a'nogoba eberek logolik welagi.

MAZMUR 27:14

Tuhan oba nek hinendawinggen eberek mondok logoni, hinendawimo leigeti'lek hambukhogo logoni, we, At Tuhan oba nek hinendawinggen tibet fuluk logoni, iluk samban isikhe.

MAZMUR 33:20

Andiba nit ninendawinggenma nen nineisena Tuhan oba himbiret fuluk logogun. We Arenat nit lebetninafik ninili wo'ninafik, ikherek.

MAZMUR 40:1

Afuni nen wuni wulak fuluk inebe seberogo ugunem melalinafu mene faget, at Daud awuni a'nogo.

MAZMUR 62:1

Afuni nen wuni wulak fuluk inebe seberogo ugunem yanggulinafu mene faget, wani unggulenu Yedutun andi bene, at Daud en watikhe awuni.

MAZMUR 62:5

Hiren he at ebe yabu lego mene werek oba andi nen sebelogo pelak fogoin iluk hilingiti lagep. Hit he hineranen wene lalinafu aple nek hinagaiyek, hit hinambeba nen afuni fanot fisikhi lagep oba nen he, hinendawimo nen he hururung inafi lagep.

YESAYA 26:8

Tuhan nineisena, nit he Haren wene tekhogo ikhi lagen mene omanogoba higithogo hilingiti lagolik, Hat hebe nenangot hafu welago. Nit ninendawinggen ma nen fogethafik, ninagaiyegetik ugu mene re Hat hebeat welagen.

YESAYA 30:18

A'nogo hilingitu kwelek oba nen Tuhan nen endawi hundik hilinginaferek mene a'nogo hit hinoba inuk hisagain iluk nenangot hisikhi logolik werek. Hit endawi hundik hilinghinabigiluk fik-fouksek logolik werek. Andi re At Tuhan he ebe Allah tiphogo mondok hilingiterek mene hilingi'mo re, ap At oba inendawinggen tibet fuluk logogun mene re inagaiyekhogo logouwago.

YESAYA 8:17

Tuhan ebe At againafuri Yakub en tagomangge mene inoba nen hina'lagaba nen he an nen hobuk fano asigin iluk At oba nendawinggen himbirik logolik mondok welagi o.

LUKAS 2:25

Andi sambul ap o Yerusalem mene ekhe enu Simeon. At obabut he, fano, Allah ailorogo logolik, mondok higithogo hilingiti lagaikhe. A'nogo hilingiti logolik, afuni Israel mene inendawimo fanorinabi wesigin mene andi nenangorogo were'ma, Allah Areagun oba louk isikhemo welagaikhe.

LUKAS 2:38

A'nogo ugu were'ma, at Yesus agaisa eisena inom kwisukwasik welagaukwa andi sambul inoba wagaikhesik he, mel isikhe: ”Allah neisena a,” iluk hai watikhesik he, it afuni o Yerusalem mene inanggele'ma nen, Allah nen hobuk telninabigin iluk nenangorogo welagaukwa mene mondogat yagaisikhi logolik, ”Ebe waga yi,” iluk, yenggerek a'nogo abok yagaisikhi lagaikhe.

IBRANI 6:18

Wene hombuk palogo yagaisasikhe andi re, nit Allah awe a'ma kwi wago mene halok ninendawimo nen, ”Fanotninabigin,” iluk eberek welago mene ninendawinggen hambukhogo logouwageluk nirat yaganisasikhe. Abok igik, hombuk palhik, wene pire isikhe andem, niren he, Allah eranen ikherek mondok lek, iluk ninendawinggen hambukhogo logouwageluk yaganisasikhe andi.