Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MAZMUR 130:4 - Allah Wene Fano Wene Hupla Inane

4 A'nogo meneat he afuni Hat hebe inailorogo, hawe a'ma logouwagaluk inaweak sebelogo leget fisugu mene andi nek he, Haren hamolo welagen andi.

အခန်းကိုကြည့်ပါ။ ကော်ပီ




MAZMUR 130:4
22 ပူးပေါင်းရင်းမြစ်များ  

A'nogo yagatikhemo, at Daud en Natan mel yagatikhe: ”An At Tuhan elokhoma mondok weagat hilingiti o,” iluk yagatikhe. Yagatikhemo, at Natan nen he, ”Hat weak hilingiten mene andi, Allah nen sagalogo herakfisikhemo re, hebe wa'lasigin lego.


Hat hawiloba nen kwanirogo hilingiti lagen mene andoma herakfuluk he, hendawinggen sebel fakhaluk Tuhan ambit waga logoin o.


Tuhan neisena, an naweak hilingiti mene mondok hokhore'ma re, Haren wene watneten higithogoat naweak lek hilingisogo nobagain o.


Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.


Tuhan en ikhi logolik he, ”Hit weak hilingitu mene hinenggiba mep yuguli'mo unggum hinoba werek oba nen ogore An nen sue yanggwi esi eil kut andi higit pugunet hinobagagin o, nen hiren weak hokhorogo hilingitik, enggin mene hinoba welagik, hilingik welagep oba nen ogore, An nen mondogat sagalogo legetfisagain aro. Ma re, wene hinoba werek mene andi An nen korogo wokhagain enggere noba we'ni o.


Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.


It inebe mondogaren inalue mene inom, yenggerugwi mene inom An nebe mondogat inelu andi nen he, afuni ekhe nen it ekhe inoba An ineisena Tuhan nebe inelu asuageluk yagaisikhi logogun mondok lego. Iren mondok kwanirogo hilingiti lagaukwa mene andoma An nen sagalogo legetfisambik he, it inaweak andoma oba ekhe ebesigin mondok lego. Iluk An Tuhan nen nane mondogat igi o,” ikhe.


Nit Hat hawe a'ma lombokhogo logou ninabiren weak hilingitorek meneat he, Hat nit ninebe hendawi nen nit weak hilingitorek mene sagalogo leget fisaluk, hendawit ninafendek andi o, neisena.


A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.


A'nogo hilingitukwama hobugen he, it afuni Allah againafuri o propinsi Yudea mene inom, Galilea mene inom, Samaria mene inom, weagerinafi'lek fano liokhogo welagaukwa. Were'ma, Allah Areagun en leberisugunem inendawinggen wurik agik, Tuhan Allah oba inailorogo welagik, ikhi logolik he, inebe hokhorogo sik-pik ikhi lagaukwa.


Yogondak nit Kristus Yesus ninom hundik welago mene halok Allah nen wene ninoba fuluk weagetninabigin lego.


Wene ninoba fesikhe andi ebe re yi. At Kristus ebe hulisanem logolik hilingitikhe andiba, Allah nen yi afuni ti afuni mondogat at onggwarek inom lambukhogo ninobagasikhe. Aren a'nogo ninobagakhi logolik, nit afuni nen weak hilingitorek mene wene ninoba figi'lek sebelogo herakfisasikhe andi. Aren a'nogo hilingitikhe wene andi niren yagaisilik nikhi logouwageluk ninoba fesikhe.


A'nogo wo'nisasikhemo, ebe amep wulagaisogo watukwa andiba, ninonggo palogo telninafik, nit weak hilingiti lagagu mene legetfisigik, isikhe andi. At Allah endawimo kagalek logolik ninebe futninobagasikhesik he, obabut mondok fano a'nogo nen hokhorogo endawitninafikhe andi.


Allah nen a'nogo hele fikhalogo telninafikhe andi, ebe re, at amlogo nenat hele fikhalogo telninafik, yi weak ti weak hilingiti lagagu mene andi, arenat horogo legetfisigik, isikhe andi.


Mene re, Allah nen o tik hak watikhe mene ningsek mondogat logogin andiba lisu mel iluk palek werek andi: ”Ninoe Enupogot onggwarek againafuri wenaginafikhe mene andi inebe elu o,” iluk isikhe. Nen, wene ekhe re, ”It ekhe nen he, An nebe ninoe Enupogot amlogo aro, iluk, ili'lagwi mene halok, Weak hilingisugun ninabiro, iluk herakfisaluk kwanirogo helalaga logouwago,” iluk, isikhemo lisu palek werek andi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ