MAZMUR 130:3 - Allah Wene Fano Wene Hupla Inane

³ Nineisena Tuhan, niren weak hilingiti lago mene andoma, hendawimo eberek mondok welagen halok he, sa hagen endawinggen sebel fakhaluk, kamo u hak nogo?

MAZMUR 130:3 ပူးပေါင်းရင်းမြစ်များ

EZRA 9:15

Afuni Israel mene ineisena Tuhan Allah, nineisena Hat he mondok katukhogo nek hilingiti lagen mene, oba nen hilingik kwelek nit nineluk logouwageluk ninobagegen. Afuni ninaweak hilingik kwelek he nit Hat helokhoma we'luk u aple re elo'lek oba nen, nit Hat hambit ninaweak fagesi waga lago, neisena,” iluk samban igi.

AYUB 10:14

A'nogo hilingitigindik a'luk he, an weak hilingitunem nealuk, at aweak lek hilingisogo fagain lek iluk heilenggen fuluk welagen.

AYUB 15:14

Afuni andi re weak hilingiti'legengge ekhe werek anggegen? Weak hilingitarek enek. Ap ariginik mene andi Allah elokhoma fanot fisa hak nogo a?

AYUB 9:20

An nen tiphogo nek hilingiti logolik weak ekhe hilingiti'lek iluk ikhi lagiba nen nambeba nen he agaumsek mene wulibi weri'lago. An nane igin iluk nambeba nen ikhi lagi mene andoma re, At Allah weaget fikhi logolik hakhogonek ikhi lagi.

MAZMUR 143:2

Nit afuni re Hat helokhoma weak hilingiti'lek mene ekhe logou lek hak hilingi'mo re, An hamingmingengge yi re wene noba mene ero pilingnabu fugo,

MAZMUR 76:7

At Yakub eisena Allah nineisena, it ap wam kuda ba lagaluk weim yabi lagaikharek mene inom, kuda ebe inom ogore, Hat hane pararagen he it inebe mondogat wa'lagaikha.

YESAYA 53:6

Nit ninebe mondogat he wam domba longgo ikherek andi hak nonghong isugusik welagagu, kwe inanggwe lombok lagaikharek andi hak ninobabut lombogen weak hilingiti logagu. Nit ninebe mondogaren weak hilingiti lagagu mene a'nogo Tuhan nen waganogo at oba fakhasikhe.

NAHUM 1:6

A'nogo At Tuhan nen anini inoba fugunem andi re ap sa hagen hambuget haluk logou hak nogo? Nen At anini endu amulok hak lagagunem he ap sa hagen omamerogo mendek logou hak nogo? At a'mage het-pethogo lagagu mene a'nogo afuni inoba fugu sambul andi re, helep mene ogore mondok wolelenggenhogo At elokhoma re wul higit hilinglagarek.

MALEAKHI 3:2

Oba nen he ap sa hagen linggene Tuhan weinam asi wesigin oba andi hambuget haluk logou hak nogo? At ebere ap posiemanggen endu oba weragaisogo wurik asuageluk fano pugunhogo obabut palharek andi hakhogo inom, nen it sabun wurikhogo hilingitarek andi hakhogo inom hilingik logogin.

ULANGAN 9:27

Haren it afuni Israel mene inobabut mondok weak inane hologo hilingisu lek, inungguloak helep, weak mondok hilingitarek mene andi heilenggen woginafun o. We, it hamingmingengge mene Abraham inom, Ishak inom, Yakub inom, inoba ebe'no o, neisena.