MAZMUR 125:1 - Allah Wene Fano Wene Hupla Inane

¹ Samban ugunem lagakhi logolik ikhi lagaukwa awuni. Afuni Tuhan oba inendawinggen eberogo anggagarek mene andi re, Punu Sion hambuk lele warek were'ma abolo'lek mondok-mondok welagarek andi higit werek.

MAZMUR 125:1 ပူးပေါင်းရင်းမြစ်များ

1 TAWARIKH 5:20

It ap weim yafu aple inelu mondok welagaikhe inap andoma nen he, ”Allah nineisena, Haren lebetnisan o,” iluk kino yagatukwama, Allah nen he iren yagatukwa mene a'nogo higithogo esanggo holhikhesik he, it ap Hagri inap inom, it fena inebe misik sebe iluk inebikhit weim yabi kwi waga lagaukwa mene omanogo inom, inoba inomame leget fisasikhesik he, inalonget fisasikhe.

2 TAWARIKH 20:20

A'nogo hilingitukwasik hubet o weigiluk ugu kwelek, it afuni a'nogo wulibi lagaukwasik he o Tekoa horokhogo leimo omanogo lagaukwa. It lagunem he at Yosafat en wene inoba fikhi logolik he, yi'nogo yagaisasikhe, ”Yago hit afuni Yehuda mene inom, nen Yerusalem mene inom, hit logoin mene andi ambisangma fano agunem hogoin enggere, hit hineisugwi nabi nen yagahisaga mene andi furogo wanino. Nen, it hinaselei mene wagu halok hinendawinggen hambukhogo logobagaigen he, hit hineisena Tuhan Allah ba hinendawinggen tibet feino!” iluk yagaisasikhe.

MAZMUR 120:1

Samban oba kabogesuogeluk laga logolik ikhi lagaukwa awuni. An noba enggin-fenggin logolik neisena Tuhan yagatunem, Aren onggo yaganeterek.

MAZMUR 121:1

Allah awi wuri'mo lagakhi logolik wuni watukwa awuni. An koma nen lebe'nea wesugun? iluk neilenggen tom oba liago-liago welagirek.

MAZMUR 122:1

Wuni Daud en watikhe mene Allah awi wuri'mo lagakhi logolik fogerati lagaukwa awuni. It afuni ekhe nen he, nineisena Tuhan aiba lagauwogen eme! iluk yaganetunem nesanggo holhiresik he, an nendawimo hokhorogo nagaiyegeti lagi.

MAZMUR 123:1

Allah awi wuri'mo lagakhi logolik wuni watukwa awuni. Tuhan neisena Hat hebe o pogoroba melalinafi lagen mene a'nogo, an neilenggen Hat hoba liakharek logolik welagi.

MAZMUR 124:1

Wuni Daud en watikhe mene Allah awi wuri'mo lagakhi logolik watukwa awuni. Tuhan ebe nit werekwe a'lep lek logoumo nen he, ninggin la'lep anggegep? Hit Israel mene nen, nane wurep waganogo mel ikhi logoino:

MAZMUR 147:11

We At Tuhan he it afuni At oba inailorogo logolik hilingitarek mene andi inom, nen afuni Aren endawi hundik hilingninabuageluk oba eberek werek mene andi inom, inoba nek he agaiyek mondok werek.

MAZMUR 20:8

It ap ekhe fena nen he inangge kereta amboloba lagaluk weim yabik lagaikharek mene a'nogoba inendawinggen tibet fagarek. Nen it ekhe fena re inanggo kuda ba inendawinggen tibet fagarek. Oba nen nit he nineisena Tuhan Allah a'nogoba nek tipsek mondok welago.

MAZMUR 25:2

Neisena Allah, an he we Hat hoba nek nendawimo eberogo anggikhi lagi o! Nen it afuni an naselei mene nen pelaknobagakhi logolik, nenggali warogo hilingnobagauwageluk herak nobagagun o, neisena.

MAZMUR 25:8

At Tuhan andi obabut he fano logolik higithogo nek hilingiterek mene hilingi'mo re, afuni inendawinggen nonghong ugunem, kwe logoinkwe yagaisikherek.

MAZMUR 27:1

At Tuhan andi re an liatnafik, telnafik ikherek mene hilingi'mo re. An nen nailotirek mene ekhe werek lego. Tuhan he an nalong palogo himbirengge higit fetnarek were'ma re, an he nendawimo youk igi'lek hampukhogo logogin.

MAZMUR 34:22

It afuni weak hilingitarek mene andi re, inaweak hilingitarek mene andiba inebe wa'lasugun. It afuni ekhe nen it ekhe eberogo anggagarek mene inoba inabiret fisugu halok he, wene inoba fisagain.

MAZMUR 46:5

At Allah ebe awi kota esin legoma welagarek oba i ekhe elesi wulibisogo o kota Tuhan Awi mondok horek mene a'nogoba kwelabi lagunem he, o a'nogo oba fanot fikherek.

MAZMUR 46:6

At Allah ebe o andoma welagarek andi nen he, o kota andi, leget fisamo re mondok elo'lek. O hil mogolhu kwelek At ebe we'luk leberisugu mondok logogin.

MAZMUR 62:2

An nebe Allah ninom hundik were'ma hambukhogo welagirek. At oba nenat an nagap telek welagirek.

MAZMUR 62:3

At ebe helep tom hakhogo fe'narek welagik, nagap telogo nobagagik, hilingiterek. Nen At ebe o kota leget ninghogo waganogo kwelabek andi higit fetnarek were'ma re, an naloak nalo-halo u lek hak.

MAZMUR 62:6

We At Allah ninom hundik were'ma an nebe nendawinggen hambukhogo welagirego, At oba nenat nagap telek werego.

MAZMUR 62:7

At ebe helep tom hakhogo fetnarek welagik, nagap telogo nobagagik, hilingiterek. Nen At ebe o kota leget ninghogo waganogo kwelabek andi higit fetnarek were'ma re, an naloak nalo-halo u re lek hago.

AMSAL 10:25

Sogoi sielu funha wagunem he ap ina'mage weak mene omanogo legetfisikherek, oba nen ap higithogo hilingitarek menere hambukhogo mondok-mondok logogun.

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

YESAYA 14:32

Ap Filistin inaben yonggongge lakfisa wesugun mene andoma inoba re niren onggo ninggi'nogo yagaisogoin nogo? Niren yagaisikhi logolik Tuhan en o Sion a'nogo re mondogat wute o, nen At againafuri enggin-fenggin hugu welagaikharek mene re o andi elonggoma inagap telek logogun o, iluk yagaisogoin o.

YESAYA 26:3

Tuhan, ap endawinggen hambuksek mene andi re Hat hoba endawinggen eberogo anggaluk hilingitunem he Haren at oba endawinggen hambukhogo, ailo legengge logouwageluk wogeti lagen.

YESAYA 26:4

Hineisena Tuhan Allah andi re At awea'ma ninobagaluk fetninarek mondok werek enggere, At oba nek hinendawinggen eberogo anggikhi logoni.

YESAYA 51:11

Andiba afuni Tuhan nen fikhalogo fisagain mene re sugulogo we'luk, it o Yerusalem kwi waga logolik inagaiyegen ngai-wai liafi logogun, a'nogo hilingitunem inagaiyek hokhorogo hilingiti logolik inoba mondok heanerogo nek logogun. Fong watu mene inom, enggin-fenggin hugu mene inom omanogore mondogat legasumo re iren inagaiyegetik, inanggilugetik, hilingitu mondok logogun.

YESAYA 51:16

An nenat pogot tiaganet figirik, kweang ero inom talogo fesigi. An nen Sion oba ikhi logolik, hit he An nagainafuri o, An nen hit hinoba wene yagahisikhi logogin, An nomameba re hit nawea'ma fethinarek logogin o,” iluk ikhe isikhe.

YESAYA 51:8

It mondogat he su eluk- elugengge nen palherek andi hak, kain domba esi mene pel-pel en palhunem hangge mondogat legasugun o. Oba nen he, inagap telhu mene An nen wogisagain mene andi re mondok-mondok logogin, nen An nen inalonget fisagain mene andi re hinerembul oba andoma mondok-mondogat logogin o,” iluk ikhe.

YESAYA 52:1

Hat Yerusalem yi, heluk asimbik he menlame o! Hendawinggen hambuget fakhan! Hasu re halong werek mene laberan! Yerusalem kota tegelek mondok welagen mene yi re, hat hanggwe ambe palekwe andi nen afuni emerek mene ekhe kwi waga logogun mondok lego.

OBAJA 1:21

It afuni o Yerusalem oba inomame asimbik logogun mene nen he o Edom pin talogo inoasi kwimbik o andoma sebelugun. Andi nen he, An Tuhan nebe re it faget raja mendek logolik melalinafi logogin o,” iluk yagaisasikhe.

MIKHA 4:2

A'nogo we'luk iren ikhi logolik, ”Nit he, afuni Israel mene ineisena Tuhan Allah aiba lagauwogen we'ni o. Lagaumo re, At ebe o Sion kota Yerusalem oba logolik, ane At againafuri yagaisigik, komorinafik, hilingiti logogin andiba re, Aren nit wene hilingiti logogun mene yaganisugunem, higithogo hilingiti logogun nen he, lagauwogen we'ni o,” iluk ikhi logogun.

ZAKHARIA 1:14

nen, malaikat a'nogo nen he, Tuhan Omame Mondok Hokho mene a'nogo nen ikhe mene a'nogo an yaganeti logolik yi'nogo ikhe, ”An nen he, o kota Yerusalem An Nawi mondok horek mene andi faget nendawi hundik anggikhi logolik, obaget ebetu welagi o.

ZAKHARIA 1:17

Malaikat a'nogo nen an mimingnafi logolik wene yi'nogo yagaisano iluk yaganeteat, ”Tuhan Omame Mondok Hokho mene a'nogo nen ikhi logolik he, At Awi kota a'nogoba andoma re nekhengge sik-pikhogo hilinglasigin o, nen aren nekhengge Yerusalem lebethambik An nonggwarek mene iluk fagesigin iluk wene wate ino,” iluk yaganete.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.

WAHYU 14:1

A'nogo yethigiri'mo nen, ombo'ne yethigi hak he, at Domba Eak a'nogo tom Sion oba mendek were'ma yethigi. Andi re, at ebe inom, it afuni inebe 144.000 nen, at Domba Eak inom, Eisena inom, emberek inenu it andi inebe lombok inelhaba lisu palek were'ma yerisigi.