MAZMUR 123:4 - Allah Wene Fano Wene Hupla Inane

⁴ It afuni inenggi werek mene nen li'norogo hilingninabi'lagwi mene andoma inom, nen it ap wonoget fakhagarek mene andoma nen puliarogo ninobagali'lagwi mene andoma inom, obabut mondogat hogo o, neisena.

MAZMUR 123:4 ပူးပေါင်းရင်းမြစ်များ

NEHEMIA 2:19

A'nogo fesukwama, it Sanbalat inom, Tobia inom, Kesyem aiba Arab mene a'nogo inom, inesanggo holhukwasik, wagaukwasik endo ya'ninafik, inane asegen wo'nisigik, ikhi logolik, ”Hit ninggi'nogo hilingisuogeluk hilingiti lagep? Ap raja andi ninabit, iluk folim hibisuogeluk hilingiti lageba?” iluk yaganisasukwa.

AYUB 12:5

Hit he, hinebe mondok fanorogo logolik he, ap alomat lagu mene a'nogo weagerogo fisikhi lagep, nen ap inebe warogo lahak mene a'nogo inoba re hiren ekhe inom lambisogengge warogo fisikhi lagep.

AYUB 16:4

We hit hinebe ari an logoilema, nen an he hit logoumo nen he, an nen ogo hiren ikhi lagep andem hakhogo ikhi logoile aro. An nunggul kwanit hikhi logolik, wene ane uan horok fanorogo nek yagaheti logoile aro.

MAZMUR 119:51

Ap winik-wonok agarek mene nen he an sebelogo nobagali'lagwi, oba nen he, an nen Hat hawene melalek a'nogoba nen taganhogo ekhe laga lagi lek.

YESAYA 32:11

Huli yiba re hit hineluk fanorogo welagik, enggin mene mondogat le'ma hit we selekhogo welagik ikhi lagep. Oba nen yogondak yare hinailo nen hinoak legeti logoni! Hinasu nonggologo herakfuluk, kain karung mene pelagi su laberogo inobakheba pukhogo logoni.

YESAYA 32:9

Hit hemi enggin-fenggin legengge welagep mene andoma inom nen yi aik ti aik higi'lek welagep mene andoma inom he hinesanggo fanorogo holini o!

YEREMIA 48:11

Tuhan ane ikhi logolik, ”O attagen engge Moab he aselei mene nen ane yingiti'legengge fanorogo nek werek. Athe hele warogo huginabi lagaikharek oba andoma ekhe waluk lagaikharek lek. At he, i anggur agai elesophogo hinago fuluk i oak amu meneba keralhi'lek were'ma anggur agai a'nogo amben sang-pang eti logolik enduk fano welagarek andi hangge werek.

YEREMIA 48:27

O attak he, Moab en Israel faget he, ap hinaginaferek mene inom ap inangge wanhunem fakfisagarek mene inom higit endo yatik, hinunggul halhigik, hilingiti lagagip lek nogo?

YEREMIA 48:29

Hit he, mondok winik-wonok ikhi lagep! Hiren wonoget fakhigik, hinendawimo leget fakhigik, hinane elabin polok igik, ikhi lagep mene andoma re An mondogat nelu welagi o!

AMOS 6:1

A'nogo ikhesik hobuk ekhe mel ikhe: ”Hit o Sion hinagaiyekhogo welagep mene andoma inom, nen hit o Samaria fanorogo welago iluk anggikhi lagep mene andoma inom, hit afuni hinunggulenu Israel mene hinogogwi kaindek hinebe lego welagep mene yi nen he, wene fanorogo pilingisogo yaganisoageluk it hinagoromi re hit hinoba wagaikharek andi nen he, eige hit he alomat hinabigin o.

KISAH PARA RASUL 17:32

”At wa'lagaikhesi'mo nen, eluget fesikhemo werego,” iluk yagaisugunem, inesanggo holhukwasik, it ekhe nen he, Paulus endo yatukwa. Nen, it ekhe nen he, ”Wene egen andi, nit ninesanggo hobuk holuageluk henggi ekhe sambul halok yaganisagain aro,” iluk yagatukwa.

KISAH PARA RASUL 26:24

At Paulus ebe elelerogo wene a'nogo isikhesik ekhe inom igin ha'ma nen he, at Festus nen ane hokhorogoat he, ”Paulus. Lugulugwi palhen higi. Haren yi wene ti wene hokhorogoat yanggulhi lagen andi nen lugulugwi paluageluk hilinghafemo higi,” iluk yagatikhe.

1 KORINTUS 4:13

ninabok weak palhunem, ninane liokhogo yagaisigik, ogorek. A'nogo hilingiti lagoba nen, o fagearen yogondak huli afuni yoma mondogaren he, ologoilong wulakfisagarek hak, nit a'nogoat hilingninafuat werek.

1 SAMUEL 17:42

Waga logolik, eilenggen Daud yetha wagaikhesik ebe futfesikhesik he, at ebe alage oan fano mene nen he, ane asegen waganogo endo agaikhe.