MAZMUR 121:8 - Allah Wene Fano Wene Hupla Inane

⁸ Hat wesigiluk wagunem inom lageluk lagunem inom Aren kagalharek logolik yogondak inom hobuk inom, setharek mondok logogin o,” iluk wuni watukwa.

MAZMUR 121:8 ပူးပေါင်းရင်းမြစ်များ

2 SAMUEL 5:2

Nen, o attak he, at Saul ebe nit ninoe raja logolik, fetninarek werek kwelek, hat ogore, ap tentara Israel mene weim yabuogoluk ugunem, haren woginarek weim yabi laga lagagin anggigi. Nen, nineisena Tuhan nen ogore, wene mel wathetikhe anggigi: Hat hebe an nagainafuri inoe raja asimbik ferinarek logoino o, iluk wene wathetikheat anggigi,” iluk yagatukwa.

EZRA 8:21

It a'nogo wagaikha ma re I Ahawa esanggoma aremnogo nen wene menfikhi logolik he, nit ebekhalem lagunem nineisena Allah nen, nit ninebe inom, ninagainafuri inom, fanorogo tegelogo wo'ninarek loakhogo re, niren sumburu ninggi'lek logolik, ninebe ninendawinggen sebel fakhaluk logouwogo, iluk nane meneti.

EZRA 8:31

Arigin fuluk he nit a'nogo o Yerusalem logoin iluk he, tugi attak meneba werek kwelek tanggal 12 oba re i Ahawa a'nogo herakfuluk wulibi lagagu. Wulibi wagagusik kweba andoma wagunem afuni nen kwe palninabi we'luk ninoasi nogo iluk At Allah nen ninalong palogo wo'ninarek wagaikhe.

MAZMUR 113:2

Yogondak inom hobuk logogun huli andoma inom mondok-mondok, At Tuhan enu nek fogeratu mondok logogun.

MAZMUR 115:18

A'nogo meneat he nit nineluk welago mene yi nen, hundik-handik nineisena Tuhan fogerati logouwogo, iluk Haleluya, igi andi.

MAZMUR 125:2

Tom-tom andoma nen o Yerusalem haningisogo kwelabek werek a'nogo hak, At Tuhan nen it againafuri omanogo o yogondak huli nen hobuk huli andoma mondok mondogat sebelogo ferinarek logogin.

MAZMUR 131:3

Yago hit Tuhan againafuri mene re, yogondak huli nen hobuk mondok-mondok logogun huli andoma re At oba nek hinendawinggen eberek mondok logoino o.

AMSAL 2:8

Tuhan nen he afuni higithogo hilingitarek mene ferinarek welagik, nen At oba inendawi hundik welagaikharek mene awe a'ma ferinarek welagik, ikherek.

AMSAL 3:6

Haren yi aple ti aple hilingiti logolik Tuhan oba nek ebethikhi logoino, Arenat hat hoba ineluk fanorogo welagaikharek mene re yi'nogo iluk inukhesigin werego.

ULANGAN 28:19

Hiren ekhe mene ekhe mene hilingiti logogun mene andoma re homan ugu logouwak.

ULANGAN 28:6

Hiren ekhe mene ekhe mene hilingiti logogun mene andoma fano nek aga logogin.