MAZMUR 121:7 - Allah Wene Fano Wene Hupla Inane

⁷ Hat hebe weaget habinogoluk, At Tuhan awe a'ma hobagaluk were'ma, heluk fano logoinogoluk setharek mondok logogin.

MAZMUR 121:7 ပူးပေါင်းရင်းမြစ်များ

KEJADIAN 28:15

Wene yi hendawimo eberek mondok logoino. An nen fetharek logolik, lebethiikhi logogin o. Hat koma kwe lagen halok, An nen o kweang yibaat wokharek wesigin. An wene watheti mene andi ebe mondogat hilinglasuageluk, an nen hat kofologo herakhobagagi'lek setharek mondok logogin o,” iluk yagatunem abi hasikhe.

1 TAWARIKH 4:10

Oba nen he at Yafes nen Allah it afuni Israel mene nen fogerati lagaukwa mene a'nogo ba samban ikhi logolik he yi'nogo isikhe, ”Neisena Allah, an fanot nobagambik an nawi wilayah elonggo wogologo hokhot nobagain o. An ou-pou higi hanogoluk enggin mene andi an noba nen korogo lakfigik, an nebe kwe palogo fetnarek welagik, hilingiti logoin o, neisena,” iluk samban isikhe. A'nogo samban isikhemo re at Allah nen kino yagatikhe mene a'nogo higithogo hilingfesikhe.

MAZMUR 145:20

It afuni At oba inendawi hundik werek mene re, Aren kagalinarek werek. Oba nen he, afuni inobabut weak mene re inebe leget fisikherek.

MAZMUR 34:22

It afuni weak hilingitarek mene andi re, inaweak hilingitarek mene andiba inebe wa'lasugun. It afuni ekhe nen it ekhe eberogo anggagarek mene inoba inabiret fisugu halok he, wene inoba fisagain.

MAZMUR 41:2

Afuni nen it ekhe inenggi lek were'ma fut fisagarek mene andi re, inagaiyek hikhi logouwak. At Tuhan nen he ap andi oba nonghonghogo were'ma lebethikhi logogin.

MAZMUR 97:10

At Tuhan nen he it afuni At againafuri mene omanogo At awea'ma ferinarek logolik werek, nen Aren he it andi afuni wene melalek sagalogo fuluk hilingitarek mene inenggimo nen lologo wulak fisikherek. Ariginik enggere, hit afuni Tuhan hinendawirogo welagep mene nen he, weak hilingitarek mene andi faget hinabiret fisikhi logoni o.

AMSAL 12:21

Ap fano hilingitarek mene re enggin ekhe oba asigin mondok lek, ap weak hilingitarek mene andi hundigat oba weak mene nek aga logogin.

BILANGAN 6:24

Hineisena Tuhan nen fethinarek logolik, fanothinafi logouwago.

MATIUS 6:13

Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.

ROMA 8:28

At Allah endawimo anggaluk nit ninayonggo fesikhesik, nit at ebe ninendawi welago mene halok, at ninom logolik, yi mene ti mene fano asuageluk, hilingnisili'logo ninelu o.

2 TIMOTIUS 4:18

A'nogo telnafesik, hobuk afuni nen yi weak ti weak hilingnabuogeluk ugunem, arenat telnafi logombik he, telogo wo'narek pogoroba at awe a'ma logogun oba andoma kwigin andi faget, at fogeratu mondok logouwok, iluk, ”Amin,” igi andi.