MAZMUR 120:7 - Allah Wene Fano Wene Hupla Inane

⁷ An nen it inoba fanorogo welagaikharek mene faget yagaisikhi lagi oba nen he iren weim awene nek inendawirogo welagaikharek.

MAZMUR 120:7 ပူးပေါင်းရင်းမြစ်များ

2 SAMUEL 20:19

Nit ninawi kota Abel ari re mondok hokho mene hilingik, nen o afuni Israel mene werekwe andoma nen he o arire tiphogo nek hilingitarek aiba, nen ebe ogore yi wene ti wene onggorengge we wonghogo werek awi.’ Oba nen he, nenahalok noe haren wolelenggenhogo fagain iluk hilingiti lagen? Noe hat he At Tuhan anggweang onggwaregen mene ari weagerogo fagain iluk hendawimo hamolo logolik hilingiti lagen a?” iluk yagatikhe.

MAZMUR 109:4

An nen it faget nendawi hundik hilinginafi logolik inobaget samban ugu kwelek oba nen, iren an noba fu'mo hikhibet niili'lagwi.

MAZMUR 34:14

hiren wene weak mene ekhe igik, Hit hinambeba nen it ekhe lalinafik, ikhi logogubo.

MAZMUR 35:20

It inane fano sakhorogo igi'lek he, iren afuni fano inebe seberogo werek mene omanogo lalinabugun mene nek inawene kagalhu werek.

MAZMUR 55:20

It andi re inobabut hebelhi'lek, Allah ba inom inailo anggigi'lengge nen hilingitunem he, At Allah etok mondok werek mene a'nogo nen an nane ikhi lagi mene a'nogo esanggo holnafi logogin o, nen it he inomame leget fisagain.

MATIUS 5:9

Nen, afuni inom weagat were'ma, it ekhe nen lambulogo fisagarek mene andi, at Allah nen he, yi an nagainafuri o, iluk yagaisagain andi nen he, inendawimo inagaiyek hikhi logouwak.

ROMA 12:18

Afuni mondogat hinom fano lambukhogo logouwogeluk, hit hinobabut fano hilingisu mene nek higithogoat hilingiti logoino o.

IBRANI 12:14

Hit hinebe tegelogo Allah mene fisigi'lek logogun halok he, at ebe hineilenggen hogoin mondok lek andi nen he, afuni mondogat hinom fano lambukhogo logolik, hinebe at faget fisaluk weak hilingiti'lek fano tegelek mondok logouwogeluk hinomamerogo hilingiti logoino o.

HAKIM–HAKIM 11:14

A'nogo isukwama, at Yefta nen ap yonggongge ekhe raja Amon meneba wene onggo yi'nogo yagasi loageluk lakfisikhi logolik he,