MAZMUR 120:6 - Allah Wene Fano Wene Hupla Inane

⁶ An he it ekhe afuni inebe seberogo logolik fanorogo welagaikharek inabit mene andoma ninom mondok aninurogo welagi o.

MAZMUR 120:6 ပူးပေါင်းရင်းမြစ်များ

MAZMUR 57:4

At ebe pogoroba nen an nane onggo yaganetik, nen nagap telnafik, ikherek. It afuni an noba enggin-fenggin fagarek mene omanogo re Aren enek leget fisikherek. At Allah nen an noba tiphogo nek hilingiterek mene inom, nen hundik-handik endawit naferek mene inom inuk neagain logou hago.

YEHEZKIEL 2:6

Oba nen he hat afuni wa'lagaikharek mene yi sa, It inobabut an nawe a'ma logou inabit andi nen he, it inebe inom, inane ugunem inom, hailo asu fugo. Hat hebe it andi inobabut he, pimen kwagisugunem aik weak andi hangge inom, panggi alok hokho andi hangge inom, ililim aik palinaferek mene andi hangge inom, inanggele'ma logogin andi nen he, hailo asu fugo.

MATIUS 10:16

A'nogo yagaisasikhesik he, ekhe mel yagaisasikhe: ”An nen, hit hinobabut wam domba obabut hangge mene, it afuni inobabut mene olo mene obabut weak andi hangge mene inanggele'ma heakhogo lakhinobagagin andi re, hinobabut kisu obabut hibil-hebelhogo hilingiterek andi hak hilingitik, sue pel obabut enago welagarek andi hak welagik, ikhi logoino.

MATIUS 10:36

Wene ebe hokho mene minggilasugun a'nogo re it inawi misi'mo mene nen aro.

TITUS 3:3

It a'nogo hilingiti logogun andi re, nit attak ninendawinggen lek ninobabut kembu hak, komore'legat nong-honghogo hilingiti logolik he, afuni inogogwi kaindek inawe a'ma welagaikharek hak, inoba aigage lagagik, inendawimo nen yi mene ti mene ninamolo anggigik, agarek andi mene awe a'ma hak welagagu. A'nogo logolik, it ekhe weagerinafik, wene palhik, it ekhe nit inabiretninobagagik, niren it ninabiret fisigik, ikhi lagagu.