MAZMUR 120:1 - Allah Wene Fano Wene Hupla Inane

¹ Samban oba kabogesuogeluk laga logolik ikhi lagaukwa awuni. An noba enggin-fenggin logolik neisena Tuhan yagatunem, Aren onggo yaganeterek.

MAZMUR 120:1 ပူးပေါင်းရင်းမြစ်များ

MAZMUR 102:2

Tuhan neisena, an nen samban ikhi lagi mene andi hesanggo holnabin o, nane hoba ikhi lagi mene andi Hat hesanggoma asi waga logouwak.

MAZMUR 107:13

It a'nogo weak logolik, Allah nen telinabuagaluk, inane hokhorogo ayonggo fugunem, Aren enggin inoba werek mene korogo wokhikhi lagaikhe.

MAZMUR 118:5

An noba yi enggin ti enggin hikhi logolik, neisena Tuhan nen, telnabuagaluk ayonggo fugunem, nane esanggo holheresik, an nebe telnaferek.

MAZMUR 121:1

Allah awi wuri'mo lagakhi logolik wuni watukwa awuni. An koma nen lebe'nea wesugun? iluk neilenggen tom oba liago-liago welagirek.

MAZMUR 122:1

Wuni Daud en watikhe mene Allah awi wuri'mo lagakhi logolik fogerati lagaukwa awuni. It afuni ekhe nen he, nineisena Tuhan aiba lagauwogen eme! iluk yaganetunem nesanggo holhiresik he, an nendawimo hokhorogo nagaiyegeti lagi.

MAZMUR 123:1

Allah awi wuri'mo lagakhi logolik wuni watukwa awuni. Tuhan neisena Hat hebe o pogoroba melalinafi lagen mene a'nogo, an neilenggen Hat hoba liakharek logolik welagi.

MAZMUR 124:1

Wuni Daud en watikhe mene Allah awi wuri'mo lagakhi logolik watukwa awuni. Tuhan ebe nit werekwe a'lep lek logoumo nen he, ninggin la'lep anggegep? Hit Israel mene nen, nane wurep waganogo mel ikhi logoino:

MAZMUR 125:1

Samban ugunem lagakhi logolik ikhi lagaukwa awuni. Afuni Tuhan oba inendawinggen eberogo anggagarek mene andi re, Punu Sion hambuk lele warek were'ma abolo'lek mondok-mondok welagarek andi higit werek.

MAZMUR 126:1

Allah awi wuri'mo lagakhi logolik wuni watukwa mene. At Tuhan nen o Yerusalem a'nogo ambotkwe fanot fesikhemo, niren kwelakhasugu re inabi wokhugu mene hak hilingi'mo hasugu.

MAZMUR 127:1

Wuni Salomo nen watikhe awuni. O Tuhan nen wute lek mene halok he, it ap o wutarek mene andoma re yabu we alomarogo hilingitarek. Nen At Tuhan nen o kota kagalek werek lek halok he, it ap o andoma faget kagalek werek mene andoma re we alomarogo kagalek welagaikharek.

MAZMUR 128:1

Samban uogeluk wuni warik lagakhi lagaukwa mene. It afuni inendawinggenma nen eberogo anggigik Allah nen wene melalek yagaisikherek mene a'nogoba higithogo welagik, hilingitarek mene andoma re inagaiyek anggikhi logouwak.

MAZMUR 129:1

Samban uogeluk wuni warik lagakhi lagaukwa mene. Israel yei, hat hebe sougeba nen engge, it haselei mene nen hoba enggin-fenggin fikhi lagaukwa mene a'nogo yaganisan o.

MAZMUR 130:1

Allah awi wuri'mo lagakhi logolik wuni watukwa awuni. An nebe kiling elema hangge weak mondok hikhi logolik, neisena Tuhan henu hombuk palhi lagi o.

MAZMUR 131:1

Samban uogeluk lagakhi logolik Daud en wuni ikhi lagaikhe mene. Tuhan neisena, an nobabut he lagoksek welagi lek, winik-wonok ikhi lagi legat. Nen wene hokho mene andoma faget murok lagalagi lek. Athe an nen hilingisu elo'lek mene faget murok lagalagi legat andi.

MAZMUR 132:1

Allah awi wuri'mo lagakhi logolik wuni watukwa awuni. Tuhan neisena, At Daud ebe inom, nen at oba yi enggin ti enggin hikhi lagaikhe mene andoma inom, haren oba ebe'no o.

MAZMUR 133:1

Samban uogeluk lagakhi logolik Daud en wuni ikhi lagaikhe awuni. It Allah againafuri mene inebe misik seberogo welagaikharek mene andi re, mondok fano hilingi'mo re an he nagaiyego!

MAZMUR 134:1

Samban uogeluk lagakhi logolik wuni ikhi lagaukwa awuni. Yago, hit Tuhan amingmingengge mene hinebe mondogat inom, o hubanggo At Awi wuri'mo andoma wene faget andogoti lagep mene hinebe mondogat inom, Tuhan fogerasubagaigen we'ni o.

MAZMUR 18:6

Wa'lagaikharek mene a'nogo nen he an haningisogo kwelaknabi weri'lagwi, nen wa'lari'lagwi mene andi re hele wepsek were'ma hakhogo an neralukwe a'nogo wepsek logolik werek.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 50:23

Afuni nen wam yi mene ti mene warogo An nobaget fou hak he, ap andi nen An nalong anggaluk legeisogo nobagakhi logogin andi aro. Nen it ekhe kwe pikhithogo laga logogun mene andi inoba re, inagap telinabigin mene andi re An noba nen inugisikhi logogin o, iluk ikhe.

YUNUS 2:2

”Tuhan neisena! An weak logolik nane hokhorogo hayonggo fikhi lagi mene yi hesanggo holin o. Afuni wa'la'luk wagaikharek oba yoma nen telnabinogen iluk hayonggo fikhi lagi mene yi, hesanggo holimbik futnobagaino, neisena

YUNUS 2:3

An nebe i laut elema ma'lima Haren pelakfanhenma, ma'lima nen i omamerogo nera'lukwe nabung-habung niigik, i ha'labu nen esinggen foinalogo sebelnabi wagik, ili'lago yi.

LUKAS 22:44

Endawinggen ago watfesikhe mene re, endawimo mondok weak logolik hobuk samban engginhogo ugunem, likhak mep hangge mene tephigik kweangma ting-tung pisikhe.]

IBRANI 5:7

At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.

1 SAMUEL 1:20

A'nogo wogotikhemo, omalik a'ma agaikhesik he, eak ap takhasikhe. Takhasikhesik, mel isikhe, ”An neisena Tuhan kino yagatimo neak wo'nete,” iluk isikhesik enu Samuel salhikhe.

1 SAMUEL 1:27

An neak yi re, neisena Tuhan samban oba kino yagatigi a'nogo, Aren nane esanggo holhesik, wo'netemo nen he, omalik yi ebe Tuhan onggwarek faget mondok logouwageluk wogosigilugen waluk wagi o,” iluk yagatikhe. A'nogo mondogat hilingitukwasik, iren Tuhan fogeratukwa.