MAZMUR 12:6 - Allah Wene Fano Wene Hupla Inane

⁶ Oba nen At Tuhan nen ikhi logolik, ”Afuni inenggi lek mene enggin-fenggin hilingfisigik, afuni weak-peakhogo welagaikharek mene inom wene palhik, hilingfisugunem, iren ninoba fanorogo nek logoilo ago, iluk anggagarek mene andi, yogondak An nen hilinginabigiluk arat waga lagi o,” ikhe.

MAZMUR 12:6 ပူးပေါင်းရင်းမြစ်များ

2 SAMUEL 22:31

At Allah nen hilingiterek mene andi re endebengge iluk ogo ekhe taganet lagarek lek, Tuhan nen abok wene wa'nisasikhe mene andi re eberogo anggikhi logogun fano. Afuni At a'ma hina'lasi kwagarek mene re sing itarek hak ferinarek werego.

AYUB 20:19

Aren he ap amu mene sebelogo fisigik, ap inangge lek mene inoba weaget fisigik, o aren wute lek meneba nen telogo heligik hilingiti laga.

AYUB 28:1

No perak heratarek oba obalik werek enek, nen emas eil fano mene weinam asuageluk endu oba weratuba ogo obalik weregat.

MAZMUR 119:140

Haren wene watnisasigin mene andi re mondok omame hilingi'mo re andiba eberogoat anggogorek, an he mondok nendawi hundik welagi.

MAZMUR 18:30

It afuni an naselei mene warogo lakfisoageluk he Harenat nomame wo'neti lagen, At Allah nen lebetniikherek oba nek it naselei mene inomame were'ma eroma a'nogoat tolulurogo kwi laga lagi.

MAZMUR 19:8

Nineisena Tuhan nen komotninafikhe wene andi re, higit mondok werek. Wene andi nen inendawinggen agaiyeget fikherek. Tuhan nen wene yi'nogo ti'nogo melalogo fesikhe mene andoma re mondok-mondok logogin mene. Afuni inendawinggen abirengge mene re, wene andi nen inendawimo kagalherek.

MAZMUR 66:10

Neisena Allah, afuni nen perak ebe wurik mene wanuogeluk endumo weragaisogo obabut palharek hak, we Harenat nit ninobabut mondogat pil-pal nisikhi lagen.

MAZMUR 76:10

afuni o kweangma yoma sebelogo fisugunem werek mene omanogo, Haren inagap telinabigiluk, Hebe feisakhogo menla'luk wene katokhogo palhi lagen.

MAZMUR 9:13

A'nogo hilingiti logogun andi re, it inoba yi enggin ti enggin hikhi logolik were'ma inom, yi ou ti ou hikhi logolik were'ma inom Aren inoba onggoragi'lek eberek mondok werek andi nen, it afuni ina'mageba hilingitarek mene andoma re Aren unggum wogisikherek.

KELUARAN 3:7

A'nogo salhikhemo, At nineisena Tuhan nen he, mel yagatikhe: ”An nagainafuri afuni Mesir mene nen inamingmingengge higit ferinarek logolik, yi enggin ti enggin hilinginafunem telinabuageluk nayonggo fugu mondok welagaikharek andi, An arat neilenggen isigik, nesanggo holhik, igi o. It yi enggin ti enggin hili'lagwi andi An mondogat nelu o.

KELUARAN 3:8

Andi nen, An nen it afuni Mesir mene nen ferinarek werek andi telogo woginarek o andoma nen o ekhe mondok hokho fanoma andoma lageluk pi wagi o. O andire, kweang mondok muli fanoma, yi mene ti mene nenggarek mene mondok hokhorogo were'ma yogondak afuni inunggulenu Kanaan mene inom, Het mene inom, Amori mene inom, Feris mene inom, Hewi mene inom, Yebus mene inom werek.

KELUARAN 6:1

At Allah nen a'nogo yagatikhesik, ekhe mel yagatikhe: ”Tuhan Nebe re, Anaro.

AMSAL 22:23

Andi re At Tuhan he it inebikhit a'luk inili waganogo afuni inenggi lek mene inoba enggin fenggin fisagarek mene andoma re inebe ineluk waganogo wanigin enggere.

AMSAL 30:5

At Allah re wene warisikherek mene omanogo tiphogo nek hilingiterek, athe afuni At awea'ma hina'lasi wagaikharek mene andoma inobaget inasing itarek hakhogo kwe palengge higit werek.

YESAYA 14:22

Tuhan Omame Hokho mene a'nogo nen mel isikhe, ”An nen o Babel pin kwikhi logolik felelenghogo leget fisagain o, ap misik iluk ogo ekhe An nen agap teligin lek. Nen yenggerugwi magendek mene ogore ekhe ineluk logouwageluk herakfisagain legat, iluk An hineisena Tuhan nen igi.

YESAYA 33:10

Tuhan en inunggulenu andi mene inoba ikhi logolik, ”Yogondak An menlasimbik he An nomame mondok hokho logolik hilingitirek mene a'nogo inuk hisagain o.