MAZMUR 119:88 - Allah Wene Fano Wene Hupla Inane

⁸⁸ An nen Hat hawene melalek andi hologo nek hilingiti logogin nen he, Haren hendawi hundik mondok welagen mene a'nogoba nagap telnabin o.

MAZMUR 119:88 ပူးပေါင်းရင်းမြစ်များ

MAZMUR 119:124

Haren hendawi hundik hilingfisikhi lagen mene andi higithogo re an ogo a'nogoat hilingnobagain o, Haren wene menfegen mene andi yaganeti logoin o.

MAZMUR 119:146

An nagap telogo nobagainogen iluk Hat henu hombuk palhafi lagi o, an he Hat hawene melalek andiat nenggi pukhogo fisogo logogin.

MAZMUR 119:149

Tuhan neisena, Hat hendawi hundigen an nane hesanggo nolnabin o, Haren katokhogo nek hilingiti lagen mene a'nogoba an neluk yi halnafi logoin o.

MAZMUR 119:159

Tuhan neisena, an nen Hat hawene melalek a'nogoba nendawi hundik welagi mene andi heilenggen nean o, Hat hendawi hundik a'nogoba nagap telnabin.

MAZMUR 119:2

It afuni Tuhan nen yi'nogo hilingi'no ti'nogo hilingi'no iluk ikherek mene a'nogo higithogo hilingitik, nen inendawinggenma nen inom inebe abirengge nen inom At Tuhan ebe herasugun iluk ninghogo herakhigik, hilingiri'lagwi mene andoma re inagaiyek hikhi logouwak.

MAZMUR 119:25

An nebe wul oba wengik welagi mene yi re, Haren wene watnisasigin mene a'nogo higithogo fano hilingisogo menobagain o.

MAZMUR 119:40

Haren wene tekhogo fesigin mene a'nogo nek hologo hilingiti logogin iluk nendawimo omamet figimo re, Haren neluk ket mene wo'nomo.

MAZMUR 25:10

It afuni nen ambi At Tuhan nen abok wene warisasikhe mene omanogoba inom, At Awene melalek oba inom, hologo nek hilingitu werek halok he, Aren ogo endawi hundik oba inom tiphogo nek hilinginaferek meneba inom, hilinginafu mondok werek.

MAZMUR 78:5

It inunggulenu Israel mene inoba re, Aren Awene melalek inelurogo logogun mene wogisasikhe, nen it Yakub ambisangma mene inoba re wene yi'nogo hilingiti logoino ti'nogo hilingiti logoino iluk awene melalek a'nogo wogisasikhe. Aren it inambu inombalak inoba yagaisikhi logolik he, hit hinagainafuri inoba yagaisikhi logoino aro, iluk yagaisasikhe.