MAZMUR 119:4 - Allah Wene Fano Wene Hupla Inane

⁴ Tuhan nineisena, Hat hawene melalek a'nogo niren tiphogo hilingiti logouwageluk wo'nisegen.

MAZMUR 119:4 ပူးပေါင်းရင်းမြစ်များ

EZRA 7:21

Nen, hit o propinsi Efrat barat fikhit welagep mene nen uang kerajaan mene halhi lagep mene omanogo hinoba yagahisikhi lagi andi. Ap Ezra Allah Pogoroba mene awene melalek mondok elu-pelu agun andi nen yi mene ti mene kino yagahisugu halok he, weak-weakhogo nek wogeti logoino;

KELUARAN 7:6

A'nogo yagatikhemo, at Musa Harun emberegen wene Tuhan nen, Yi'nogo hilingi'no, ti'nogo hilingi'no, iluk yagaisasikhe mene higithogo hilingitukwa.

YEREMIA 7:23

An nen he we An nebe it inobaget ineisena Allah were'ma it An nagainafuri a'luk logouwageluk he An nane hologo hilingiti logoino iluk enek he yagaisasigi. Nen, it inendawimo inagaiyekhogo logouwageluk he An nawene melalek higithogo hilingiti logoino iluk yagaisasigiat.

YEHEZKIEL 20:19

Hit hineisena Tuhan Allah re An aro, An nawene melalek inom yi'nogo hilingi'no ti'nogo hilingi'no iluk melalek werek mene omanogo inom hologo nek hilingiti logoino.

YOHANES 14:15

At Yesus nen wene a'nogo warisasikhesik he, wene ekhe mel yagaisasikhe: ”Hit an hinendawinggen hundik halok he, an nen hit yi'nogo hilingiti logoino, ti'nogo hilingiti logoino, iluk yagahisikhi lagi mene andi hilingiti logogun o.

YOHANES 14:21

At sa nen, an nen, yi'nogo hilingiti logoin o, ti'nogo hilingiti logoin o, iluk yagahisigi mene andi, nane hologo hilingiterek halok, an nebe endawinggen hundik mene at andi aro. Nen, neisena nen at andi endawinggen hundigat. Nen, an nen at andi nendawinggen hundik logolik, nebe futnobagauwageluk yagasigin o,” iluk yagaisasikhemo,

ULANGAN 11:13

Ariginikmo re, wene melalek an nen yogondak yagahisikhi lagi mene andi re hologo nek hilingiti logoino. Hineisena Tuhan Allah oba nek hinendawinggen hundik hilingiti logolik, Arenek hinebe hineluk mondogaren apne wanhi logogun.

ULANGAN 11:22

An nen hit hinoba wene melalek yagahisikhi lagi mene andi hiren hologo nek hilingiti logoino. Hiren hineisena Tuhan Allahba hinendawi hundik mondok hilingiti logolik, Aren yi'nogo hilingi'no iluk yagahisikherek mene andi hilingitik, At oba tiphogo welagik hilingiti logoino.

ULANGAN 12:32

Wene an nen, yi'nogo hilingiti logoino, iluk mondogat yagahisigi andi, hiren wene hunogo mene ekhe oba labelhik, ekhe sebelogo pelafik, ugun mondok lego,” iluk yagaisasikhe.

ULANGAN 30:16

Hit hinenggi welagi'legat nineisena Tuhan Allah nen o andoma wokhinarek kwimbik fanothinafu kwelek, hinebe andoma logolik, fano welagik, hinunggulenu hokho agik, ubagaigen he, nineisena Tuhan Allah ane hologo ebe hinendawinggen hundik logolik, Aren, yi'nogo hilingiti logoino, ti'nogo hilingiti logoino, iluk komorogo yaganisikherek wene andi mondogat hologo higithogo hilingiti logoni o, iluk o yogondak yiat yagahisigi o.

ULANGAN 4:1

At Musa nen afuni Israel mene mel yagaisasikhe: ”Hit hinebe hineluk logolik, o hit hinombalak ineisena Tuhan Allah nen wokhisagain oba andoma elok sebeli kwimbik logoubagaigen he, wene An nen yagahisigi mene andi mondogat hologo hilingiti logoino o.

ULANGAN 4:9

Hit hineluk logolik, wene hilinglagunem hineilenggen tomok hegep mene andi hinendawimo eberek mondok logoubagaigen he, wene yagahisigi mene andi fanorogo futfembik he, hinendawimo eberek mondok logoino o. A'nogo logolik he, hiren hinagainafuri inom, hinombalak inom, wene hilinglagaikhe a'nogo mene yagaisikhi logoino o.

ULANGAN 6:17

At nineisena Tuhan Allah nen wene komotninafe mene andi mondogat hologo higithogo hilingiti logoino o.

ULANGAN 6:3

Andi nen he, hit afuni Israel mene nerugwi nagaila'lak. Hinesanggo fanorogo holini o. Nineisena Tuhan Allah nen ninombalak yagaisikhi logolik, O kweang muli fanoma yi mene ti mene mondok hokhorogo were'ma andoma logolik hinunggulenu hokho asimbik fano mondok logogun iluk wene warisasikhe andi hak logobagaigen he, wene komotninafikhe wene yagahisikhi lagi yi, fanorogo hologo higithogo hilingiti logoino.

YOSUA 1:7

Ma re, An namingmingengge Musa nen he, yi'nogo hilingi'no, ti'nogo hilingi'no, iluk yagahisasikhe mene andi mondogat ekhe sagalogo hilingiti'lek hologo hilingi'nogen he, hendawingggen hambukhogo hailo lekhogo logoino o. Wene andi mene endebat halok ekhe pelakfigi'lek, higithogo nek hilingisigin halok, haren yi mene ti mene faget hilingitunem he, higirenek hilinglaga logogin o.

1 YOHANES 5:3

Nit Allah nen ta'ninafe mene halok ninebe lombogen he, ”Allah ane andi eberogoat,” iluk ninendawinggen at oba himbiret fogorek andiba, it afuni kweangma mene inobabut inetogat logolik weak hilingitarek mene andi mabenetfisaluk ninomame agorek andi. A'nogo mabenetfisaluk ninomame agorek andi nen, wene Allah nen komotninafikhe wene andi enggin fuk, serego. Andi nen he, niren, ”Allah ebe ninendawi welago,” iluk u hak he, aren wene komotninafikhe wene andi hologo higithogo hilingiti logouwogo.