MAZMUR 119:155 - Allah Wene Fano Wene Hupla Inane

¹⁵⁵ It afuni inobabut weak mene andoma re Hat hawene melalek a'nogo hologo hilingiri'lagwi le'ma re, Haren telinabu re elo'lek

MAZMUR 119:155 ပူးပေါင်းရင်းမြစ်များ

AYUB 5:4

at againafuri omanogo re it ekhe nen telinabu lek hak hilingi'mo re; O wene pilingituba andoma nen wene it inoba mene pilingitunem he, it ekhe nen inebikhit a'luk leberisa re elo'lek hilingik welaga.

MAZMUR 10:4

It ap weak hilingitarek mene nen he Tuhan faget inafe wonget fisaluk inobakhe nigik hilingirik lagaikharek, a'nogo hilingitarek andi re iren foget fakhikhi logolik Allah re ebe lego, iluk hilingitarek.

MAZMUR 18:27

Nen, it afuni inebe enogo fakhaluk werek mene omanogo inoba re Haren ogo mondok horek welagen mene a'nogo weinamet fikhi lagen, oba nen he afuni weak hilingitarek mene inoba re Hat hinom weim palek welagen.

AMSAL 1:7

Nen ninelu mondok asuageluk halok, attak-attak he, hineisena Tuhan along anggikhi logolik, At oba nek hinailo anggikhi logoino o. Afuni kembu mene re, inendawinggen kagalek mene andi inabit welagik, yagaisugunem inabit mondok welagik agarek andi.

YESAYA 46:12

Ap winik-wonok ikhi lagep mene yoma sani, hiren anggikhi logolik inomame agaikharek mene re yatma werek iluk anggikhi lagep mene andi re An nane hinesanggo holini o.

YESAYA 57:19

An nen ap yatkwe werek mene inom, horok-horokwe werek mene inom, fano liokhogo welagaikharek mene afuni mondogat inoba wogisagain. An nen nagainafuri fano higirinabigin.

YESAYA 59:11

Nit he ninailo nek a'luk ninendawimo heiselhunem welago o, niren higithogo hilingitarek mene herati lagoba nen were'ma hikhi lago lek, ninagap telhu mene faget eberek welagoba nen we tulemat hilingiti lago.

LUKAS 16:24

Eilenggen liagisasikhesik, ane hokhorogo mel yagatikhe: Abraham neisena e! An endu aik hokhoma yoma heinet hokho wati lagi yoma hendawi nean o. Lazarus nen enggi tum ima pelakfembigen, i magaisogo re, nameliba sakho uageluk, fei wesuageluk yagasin o, iluk yagatikhemo,

ROMA 3:11

Nen, afuni wene futfili'lagwi mene ekhe legaro. An Allah nebe furogo inelu asuogeluk hera'nabi'lagwi mene ekhe legaro.