MAZMUR 119:141 - Allah Wene Fano Wene Hupla Inane

¹⁴¹ An yi re we yenggerugwi higit logolik sebelek welagi, oba nen he wene Haren yaganeti lagen mene andi re ekhe taganet fikhi lagi mondok lek.

MAZMUR 119:141 ပူးပေါင်းရင်းမြစ်များ

MAZMUR 119:109

An he, nebe neiloak legasu hakhogo nek hilingiti lagi, oba nen an he Hat Hawene melalek andi re nonggorasu lek hago.

MAZMUR 119:16

Haren hawene melalek menfegen mene andomaba re an nagaiyek mene hilingnobagali'lago, nen Haren yaganeti lagen mene andoma an nen nonggot asigin lek.

MAZMUR 119:176

An he domba longgo ikherek hak longgo igirik logolik, Hat hawene melalek a'nogo taganet figi'lek welagi andi nen he, Hat hebe we'luk an hamingmingengge yi herak nabime o.

MAZMUR 22:6

Iren telninabin o iluk inane humetunem he Haren lologo fisikhi lagagin, nen it inendawimo nen Hat hoba nek tipsek mondok were'ma re Haren it inendawinggen heiseluageluk oboget isikhi lagagin mondok lek.

MAZMUR 40:17

It hat fogethafarek mene andoma mondogaren he inendawimo hai higik, inagaiyegetik ugu mondok logouwago. Nen it telninafendek mene andi inagaiyek mene nen he, nineisena Tuhan andi re esin mondok werego iluk ugu mondok logouwago.

AMSAL 15:16

Inangge endebengge were'ma Tuhan faget inailo anggikhi logolik logogun andi fano, oba nen inangge hokhorogo were'ma inendawi fiti logolik logogun andi nek he mondok enggin.

AMSAL 16:8

Higithogo hulingisugun oba ambisangma endebengge helogoin andi fano, oba nen tiphogo hilingiti'legengge nen ambisangma hokhorogo helogoin andi nek he mondok weak.

AMSAL 19:1

Ap kembu mene nen ineranhogo wene lalinafu welagaikharek andi re mondok weak, oba nen ap enggi lek mene nen eluk higithogo werek andi nek he mondok fano.

AMSAL 3:1

Wene an nen yagaheti lagi mene andoma re honggorasu fugo, namlogo. An nen wene melalek yagaheti lagi mene andoma eberek mondok logogin halok he,

YESAYA 53:3

At andi re yi enggin ti enggin higik, heinet weakhogo wato welagik ugu were'ma, at ebe inendawimo seramet fisigik, agaiseratik, agarek. Ap misik iluk ogo ineilenggen at oba kwelakha inabit welagaikharek. Nen niren ogore at faget ninendawimo seramet fogoregat.

LUKAS 6:20

A'nogo hilingitunem, at Yesus nen agoromi ane wanhi lagaukwa mene omanogo eilenggen inoba fesikhesik he, mel yagaisasikhe: ”Hit hinelagaik mene halok, Allah awe a'ma hinobagagin andi nen he, hinendawimo hinagaiyek hikhi logoino o.

LUKAS 9:58

A'nogo yagatikhemo, at Yesus nen mel yagatikhe: ”Olo mene andi re, awi senggele'ma welagarego. Nen, sue tarogo nikherek mene andi re, a'nogoat awi wurik welagaregat. A'nogo meneat he, an abat ta'lasi wagagi mene andi nek he, nogo ikhi logogin oba nawi wurik he, mondok lego,” iluk yagatikhe.

2 KORINTUS 8:9

Ninoe Enupogot Yesus Kristus obabut fano nen endawitninafikhe a'nogo hit hinelu mondok anggigi. Athe, ebe Allah mene logolik he, eilmo werek welagaikhe meneat he, at elagaik agaikhe andiba, hit ebe mene hineilmo werek asubagaigeluk, at ebe nit afuni mene agaikhesik elagaik agaikhe andi.

YAKOBUS 2:5

Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.