MAZMUR 119:1 - Allah Wene Fano Wene Hupla Inane

¹ It afuni nen Tuhan Awene melalek yi'nogo hilingi'no ti'nogo hilingi'no iluk palek werek mene a'nogoba nek hologo hilingiti logolik, inebeba weak mene ekhe hilingiti'lek werek mene andoma re inagaiyek hikhi logouwak.

MAZMUR 119:1 ပူးပေါင်းရင်းမြစ်များ

LUKAS 11:28

at Yesus nen he, mel isikhe: ”At andi nek lego. It ekhe Allah ane andi inesanggo holiluk higithogo hilingiti logogun halok he, inendawimo agaiyek hokhorogo hikhi logouwagaro,” iluk yagatikhe.

YEHEZKIEL 11:20

A'nogo hilingisumo, iren An nawene melalek inom, yi'nogo ti'nogo hilingiti logoino iluk melalinafirek mene inom, omanogo futfuluk hilingiti logogun. It he An nagainafuri asugun nen An he it ineisena Allah asigin.

YAKOBUS 1:25

Nit afuni ninenggi hele warek hak were'ma, nineisena Allah nen fano weneba komotninaferek andiba fikhalninaferek. Halok, sa nen wene andi esanggo nek holfuluk he, onggot agarek fuk. We, higithogo futfuluk, oba eberek mondok logolik, wene andi higithogo hilingite halok, yi mene ti mene hilingitunem, Allah nen endawinggen agaiyekhogo lebethikhi logogino.

MAZMUR 128:1

Samban uogeluk wuni warik lagakhi lagaukwa mene. It afuni inendawinggenma nen eberogo anggigik Allah nen wene melalek yagaisikherek mene a'nogoba higithogo welagik, hilingitarek mene andoma re inagaiyek anggikhi logouwak.

YOHANES 13:17

An nen wene yagahisigi andi hinelu asimbik hilingiti logogun halok he, hinendwimo hinagaiyek hikhi logogun o.

LUKAS 1:6

At agwe emberek andi re, nineisena Tuhan nen he, ”Yi'nogo hilingi'no, ti'nogo hilingi'no,” iluk, yaganisigik, komotninafik, isikhe mene a'nogo, mondok higithogoat hilingiti lagaukwama re, at Allah nen he, ”It andi inobabut fano mondok,” iluk, enegat eilenggen isikhi lagaikhe.

MAZMUR 112:1

It afuni wene melalek futfuluk hilingitik, Tuhan awene melalek inamolorogo hilingitik, hilingitarek mene andoma re inagaiyek hikhi logouwak.

AMSAL 11:20

Tuhan nen afuni ina'mage weak mene andi abit inoba fikherek, oba nen afuni ineluk logolik weak hilingiti'lek welagaikharek mene andi re endawi hundik werek.

KISAH PARA RASUL 24:16

A'nogo logolik, nendawimo nen he, weak ekhe hilingiti, iluk nendawimo engginhogo welagi hanogoluk he, Allah elokhoma inom, afuni inelokhoma inom horek logoigeluk nomamerogo hilingiti lagi o.

MAZMUR 101:2

An he nebeba weaget fakhigik legengge ogal fakhaluk werek mene andi faget futfikhi lagi o, Hat he ki sambul an nambit wesigin nogo? An he nailoba andoma nebe enogo fakhaluk logogin namolo.

HOSEA 14:9

Hobuk afuni Israel mene nen tugwi kembu fogeratarek mene omanogo herak fisogoin. A'nogo herakfisugunem, An nen it ferinarek logolik, iren nayonggo fugunem inane nesanggo holhi logogin. E engga hokho mene a'ma kun welagarek andi hak, it inebe An nawe a'ma fano sebelinarek logogin. A'nogo were'ma, yi agayo ti agayo enggen iterek hak, yi mene ti mene fano mene andi ero Anat andi nen he, Anenat wogisikhi logogin, iluk An Tuhan nen nane arat igi o,” iluk yaganete.

WAHYU 22:14

Nen, it ekhe inasu fanorogo sobalogo fakhaluk logogun mene halok enek he, Allah nen fanorinafunem inendawimo inagaiyek a'luk, e enggen nunggunem inelugerinaferek mene a'nogo enggen ninggik, nen o kota andoma kwe ambe palekwe nen wulifik-kwigik, ikhi logouwogeluk eisewerek asimbik logogun.

MAZMUR 101:6

Afuni Allah ba tiphogo hilingitarek mene nek he an nen nendawirinafirek, it ariginik mene nek he An naiba ninom logogun fano. It afuni inebe weak hilingiti lek werek mene nek he, An nobaget hilingiti logogun fano.

2 KORINTUS 1:12

Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.

YOHANES 1:47

A'nogo yagatikhemo, at Nataniel Yesus oba wesigeluk wagunem at Yesus nen eilenggen yethasikhesik at abok mel yagaisasikhe: ”Ap ari ebe Israel eberogo mene. Ane pire ikherek mondok lek mene ari yethani!” iluk yagaisasikhemo,

AYUB 1:8

A'nogo yagatikhemo, At Tuhan nen heinok wokhikhi logolik he; An namingmingengge Ayub he futfegen a, lega? ”Afuni o kweangma yi awi ti awi welagaikharek mene inobabut he, an namingmingengge Ayub ebe An Nebe endawirogo logolik noba lombokhogo werek andi hak he ekhe werek lek. At andi re An nobaget fogetnafu logolik weak endephogo iluk ogo ekhe hilingiterek mondok lek.

AYUB 1:1

O Us andoma ap ekhe enu Ayub welagaikhe. Ap andi ebe Allah ailorogo logolik, oba lombokhogo mondok welagaikhe. A'nogo logolik, wene oba mondok legengge, weak endebat iluk ogo ekhe hilingiti'lek, obabut higit mondok welagaikhe.

2 RAJA-RAJA 20:3

”Yegei, Tuhan neisena, an nen Hat Hoba eberek logolik, nendawinggen hoba lakfuluk tiphogonek hilingitu welagi. An nen he Hat hendawimo anggegendek mene nek hilingiti lagi mene a'nogo ebethan o,” iluk samban isikhesik at Hizkia a'nogo le mondok filirogo agaikhe.

AMSAL 13:6

It afuni ekhe higithogo hilingiri'lagwi mene andi, inobabut higithogoat hilingiri'lagwi andiba re, fano higithogo ferinarek werek andi. Nen, it ekhe inobabut weak mene re, weagat hilingitarek andi nen he, afuni inebe weak hilingisogo fisikherek.

2 SAMUEL 22:22

An he At Tuhan nen awene melalek yi'nogo hilingi'no ti'nogo hilingi'no iluk yaganisugu mene a'nogo hologo nek hilingitu welagi. An nen At neisena Allahba nen kwanirogo amu fikhit laga lagi lek.

AMSAL 29:18

Afuni inunggulenu ekhe Tuhan ane yagaisikherek mene omanogo wanhi'lek hilingitarek aiba andi re, maro higit hilinglasugun. Ap Tuhan Awene lenggalek oba tiphogo hilingitarek mene andi re inagaiyek hikhi logouwak.