MAZMUR 118:6 - Allah Wene Fano Wene Hupla Inane

⁶ At Tuhan he an werekwe werek andi nen he, an he noak leigesu lek hak, afuni nen an noba yi'nogo ti'nogo ekhe hilingnobagaumo re elo'lek.

MAZMUR 118:6 ပူးပေါင်းရင်းမြစ်များ

MAZMUR 112:8

It aselei mene omanogo mabenet fisagain iluk endawimo anggikhi logolik he, aren endawimo ailo anggigik, endawi hokho mene fitik, hilingiti logogin mondok lek.

MAZMUR 146:5

It afuni ineisena Tuhan Allah oba inendawinggen himbitfuluk hilingiri'lagwi mene andoma re inagaiyek hikhi logouwak, it leberinafu mene re at Yakub eisena Allah andi hilingfuluk werek mene andoma re inagaiyek anggikhi logouwagat.

MAZMUR 23:4

An nebe tonggwe mum hikhaksekwe lagain halok ogore, Haren fetnarek mondok logolik, ap wam domba halherek mene nen, anggo ebe wasinogoluk, arigeba ebe telherek andi hak, telnafi lagen andi nen he, nailo lekhogo logogin.

MAZMUR 46:1

Ap Korah werekwe mene nen wuni felalogo Alamot wuni iluk watukwa mene.

MAZMUR 46:11

A'nogo hilingiti logolik Aren he mel ikherek, ”Weim yafi lagep mene ari re palfeni o. Yi afuni ti afuni o kweangma welagep mene hineisena Tuhan Allah esin mondok mene re, we An namuat welagirek andi nen he, tukhumhogo fut nobagani o,” iluk ikherek.

MAZMUR 56:10

Hat Allah an nebikhit welagen andi re an nelu hilingi'mo re, an nen Hat hoba nane hombuk paligin sambul andi re it naselei mene inebe wathigik lak fisano o.

MAZMUR 56:11

At Allah nen abok wene wa'nete andiba re, At ebe hundik-hundik fogerati lagi o.

MAZMUR 56:12

An nen At oba nendawinggen eberogo anggikhi lagi andiba re, an nailo lek welagi o. Andi nen he afuni nen an noba ninggi'nogo ekhe hilingnobagau hak nogo?.

MAZMUR 56:4

An nebe nailo agu sambul he, Hat hoba nendawinggen ebetfuluk welagi o.

MAZMUR 56:5

An he Aren abok wene watnete andiba re, At Allah nek fogerati lagi o. An nen At oba nendawinggen eberogo anggikhi lagi andiba re an nailo lek welagi o, andi nen he afuni nen an noba ninggi'nogo ekhe hilingnobagau hak nogo?.

MAZMUR 56:9

An nebe leil warik nikhi lagi andi re Haren linggene ti nen iluk henggi wenago welagen, nen an neil amusu tephogo pili'lago mene andoma mondogat he Haren mondogat wenagaisogo fikhi lagen lek nogo?

MAZMUR 94:16

It afuni Allah ane taganhogo hilingitarek mene andoma inoba nen he ap sa nen an nili wo'nabu hak nogo? It ap weak mene nek hiligitarek mene andoma inoba nen he ap sa nen an nebikhit asu hak nogo?

YESAYA 51:12

Tuhan nen ikhi logolik yi'nogo ikhe. ”An nenat hat konhabigin o. Nenahalok haren afuni legasugun mene andoma inoba inom, afuni engga hakhogo hugisogoin mene andoma inoba inom, hailorinafi lagen nogo?

YEREMIA 20:11

Oba nen he Tuhan neisena, Hat he an nebikhit mene welagen. Nen Hat mondok homame hokho logolik halong werek hagun welagen. Ap an sebelogo nobagauwogeluk mu'narek nikho mene re, ineisok tunghogo hulambesimbik iren yi'nogo ti'nogo ekhe hilingisu elo'lek asigin. Iren hilingisugun mene iluk eberek werek mene omanogo sugwi asumo re, iren inenggali hokho mene asimbik logogun mene andi re, inonggoragi'lek ebethugu mondok logogun.

ROMA 8:31

Wene mondogat andi faget, niren ninggi'nogo ugun. Allah nit werekwe aga halok, sa nen lebeleget ninabigin nogo? Elo'lego.

IBRANI 13:6

A'nogo anggikhi logolik, hinendawimo nen, Allah nen he, ”Henggi obokhogo herakhobagagin lego,” isikhe andi nen he, ninendawinggen hambukhogo logolik mel ikhi logogun, ”Neisena Enupogot he, an lebetniikherek mene o. Halok he, afuni nen an ninggi'nogo hilingnabugun nogo, An nailo lego,” iluk ikhi logogun andi.

1 SAMUEL 17:11

Ane asegen a'nogo wogisugunem, Saul agoromi tentara mene inom inesanggo holhukwasik he, ina'manggen hokho mene lagaukwasik he, inailo mondok agaikhe.

1 SAMUEL 17:37

Nineisena Tuhan nen, an hamingmingengge mene olomene obabut weak mene nen noasigiluk ugunem telnaferek andi hak, ap Filistin mene andi nen noasigiluk ugunem telnabigin aro,” iluk yagatikhemo, at Saul en he, mel yagatikhe: ”Fano, nineisena Tuhan nen enek lebetheoago,” iluk yagatikhe.