MAZMUR 118:27 - Allah Wene Fano Wene Hupla Inane

²⁷ Nineisena Tuhan andi re Allah aro, At he endawinggen mondok lebeksek logolik, fanotninaferek mene Allah anggo warogo fisaluk noletarek oba andoma, engga sombologo ninenggim waluk ninebe erarogo maset houwogo.

MAZMUR 118:27 ပူးပေါင်းရင်းမြစ်များ

YOHANES 8:12

Hobuk he, at Yesus nen it afuni omanogo wene ekhe mel yagaisasikhe: ”Afuni selegerinafirek andi re, an aro. Ap sa nen an nombo'ne nikhi logogin halok he, an nebe selek mene logolik inelugerinafirek mene a'nogoat wo'nabigin andi nen he, at andi o mum oba nikhi logogin lego,” iluk ikhi lagaikhemo,

MAZMUR 18:28

Afuni inendawi sebelfakhaluk hilingitarek mene inoba re Haren inagap telogo fisikhi lagen, oba nen he, afuni inonggwaregen legetfakhugu mene halok he, Haren sebelogo fisikhi lagen.

1 PETRUS 2:9

Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.

YESAYA 60:1

Hat Yerusalem yi re, selek hat hebe telhabigin mene a'nogo mondogat waga andi nen he hebe menla'luk selegabesin o, Allah ombak-bak he hat hoba fisari'lago.

YESAYA 9:2

Tuhan neisena, Haren it inoba inagaiyek hokho mene hoageluk hilingfisikhi lagen, nen afuni nen enggen ugu palek mene kabogeti logolik inom, hugulengge suburikhi logolik inom, inagaiyek hagarek hak it wonoget fakhoageluk harenat hiling fisikhi lagen.

ESTER 8:16

A'nogo hilingitukwama re afuni Yahudi mene omanogo re inendawinggen yamuk igik, inagaiyegetik, inalong anggigik, hilingitukwa.

MAZMUR 37:6

Nen hiren tiphogo nek hilingiti logogun mene andi re o selek andi hak hilinghinobagakhi logogin, nen hinobabut kuluk mene hakhogo hilingiti logogun mene andi re o linggene liarek andi hakhogo liathinafi logogin.

1RAJA-RAJA 18:39

A'nogo nunggunem, afuni omanogo ineilenggen hasukwasik he, inailo nen inebe kweangma si-sogoum isukwasik, mel isukwa: ”Tuhan andi re Allah eberogo mene o. Tuhan andi re Allah eberogo mene o,” iluk fogeratukwa.

MALEAKHI 4:2

A'nogo meneat he, hit An nane hologo tiphogo hilingiti lagep mene nek he, hinagap telhinabuageluk An nomame a'nogo re, mo asinandi tilelogo lakfei wagarek andi hak fanothinabi wesigin o. A'nogo hilinghinabi wesumo re, wam wundula nen wulakfei wagunem endawimo hagaiyegen helalue wanherek andi hak hilingisugun.

1RAJA-RAJA 18:21

A'nogo lagasukwama, at Elia ebe afuni omanogo inoba horokhogo wagaikhesik he, mel yagaisasikhe: ”Huli ki huli nen hinendawinggen pire logogun anggegep. Nineisena Tuhan andi ebe Allah halok, nineisena Tuhan Allah andiat fogerasugun o. Nen, tugwi kembu Baal andi ebe Allahat halok, tugwi kembu Baal mene andiat fogerasugun o,” iluk yagaisasikhemo, it afuni andoma andogotukwa mene omanogo inane endebat halok ogo ekhe igi'lek kamo isukwa.

KELUARAN 38:2

Unggut enggaminogo ambol fikhit andoma re. andimuk mezbah ebe inom hunogo wutfesikhesik he ebene mondogat no perunggu meneba saplirogo hilingfesikhe.

KELUARAN 27:2

Amboloba a yuguk ebene andoma unggut higithogore andimuk mezbah andi inom misik asuageluk hilingfeino. Andoma mondogat he, no perunggu oba saplirogo hilingi'no.

IBRANI 13:15

Andi nen he, at Yesus ninom hundik logolik, niren he, ”Allah neisena,” iluk wam warogo at faget wogeti logou hak, hundik-handik ninambeba Allah enu hokhorogo fogeratu mondok logouwogo.

1 TAWARIKH 29:21

Lingge ekhe ombo'ne re, iren wam Tuhan obaget warogo wogosugun iluk wagaukwasik, iren sumburogo re afuni mondogat omanogo wogisasukwa. Andi fena wam sapi ai mene 1.000 nen inom, wam domba ai mene 1.000 nen inom, nen domba ket kotorek mene 1.000 nen inom he watukwasik ebe abirengge, warogo nolhu mene obalik mezbah wurik a'nogoba nolhukwa. Iren ogore anggur omanogo warogo nolhu sambul andi waluk waga logouwageluk werek mene omanogo wogosi wagaukwaat.

MIKHA 7:9

Niren Tuhan oba weak mondok hilingitugumo re, yogondak nit hilingitugu onggo At anini ninoba fugunem ikhi lago. Oba nen he, aninurogo welagi'legat Aren nit ninebikhit asimbik ninili wanhik, ninobaget higithogo hilingninobagagik, Aren nit ninebe wo'ninarek o selek oba wilibi wagik igin. Aren telninabigin mene andi hilingitunem he nit ninebe lombogen hogoin enek.