MAZMUR 117:2 - Allah Wene Fano Wene Hupla Inane

² At Tuhan nen endawi hundik hilingninaferek mene andi re mondok hokho mene hilingik. Aren tiphogo nek hilingiterek mene andi re mondok-mondok logogin mene. Andi nen he Tuhan enek fogeratu mondok logouwak!

MAZMUR 117:2 ပူးပေါင်းရင်းမြစ်များ

MAZMUR 103:11

Oba nen he kweangma nen, pogot halianggen oba liakhugunem mondok uan andi higit, it afuni Allah oba inailorogo welagaikharek mene andi re, mondok hokhorogo endawirinaferek.

MAZMUR 146:6

Arenat pogot inom kweang inom elalhikhe, i laut inom, nen elonggoma welagarek mene andoma inom he Arenat elalhikhe. At he mondok-mondok andoma tiphogo nek hilingitu welagarek.

MAZMUR 85:10

Aren he afuni wene melalek futfuluk hilingiri'lagwi mene re ibi-eberogo nenat inagap telinabigin werek, At Allah mondok andungdang werek mene andi re nit ninaiba yoma logogin.

MAZMUR 89:1

Etan awi Ezrahi mene andi nen yanggulinafikhe awuni.

YESAYA 25:1

Tuhan Hat he an neisena Allah welagen, an nen Hat legeisogo hobagakhi logolik, Hat henu fogethafi lagi. Haren hilingiti lagen mene andoma mondogat he elalin mene nek hilingiti lagen, Andiba re Haren o attak andoma nen wene melalogo fesigindik tiphogo nek hilingiti logolik welagen.

MIKHA 7:20

Hagainafuri Abraham inom, Yakub inomen tagomangge mene andoma, ninombawi attak welagaukwaba honggwaregen henu hombuk palogo wene warisasigin andi nen he, Hat hebe it inoba hendawi hundik logolik he tiphogo hilingfisikhi logoino o, neisena.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

1 YOHANES 5:6

At Yesus Kristus kweangma pi wagaikhesik were'ma ima nek pelafukwa fuk. Ima pelafik, amep wulagaisogo watik, isukwa. A'nogo hilingitukwa iluk, at Allah Areagun nen wene eberogoat enek yaganisikherek mene a'nogo nen fakhogo yaganisikho welagarego.