MAZMUR 115:3 - Allah Wene Fano Wene Hupla Inane

³ Nineisena Allah ebe pogoroba werego. Logolik he, At endawimo amolo anggikherek mene higithogo nek hilingiterek.

MAZMUR 115:3 ပူးပေါင်းရင်းမြစ်များ

1 TAWARIKH 16:25

At Tuhan andi ebe hokho agun hilingi'mo legeisogo fugu mondok welagaikharek. Afuni nen kembu dewa ba inailo anggagarek andi re maben hak oba nen he At oba re mondok alonghogo ninailo anggikhi logogun.

AYUB 23:13

At Allah andi re mondok agaum eterek lek. Afuni nen At ekhe ane sagalogo fou lek hak. Nen, Aren he onggwarek endawimo agaiyek anggili'lago mene nek hilingiterek.

MAZMUR 103:19

Nineisena Tuhan ebe pogoroba logolik, yi'nogo hilingi'ni ti'nogo hilingi'ni iluk melalinafu were'ma, yi afuni ti afuni ekhe mene-ekhe mene mondogat he, at a'ma nek welagarek.

MAZMUR 123:1

Allah awi wuri'mo lagakhi logolik wuni watukwa awuni. Tuhan neisena Hat hebe o pogoroba melalinafi lagen mene a'nogo, an neilenggen Hat hoba liakharek logolik welagi.

MAZMUR 135:6

O pogoroba inom, kweangma inom, i laut oba inom, i laut unggut uanhogo yenggele'ma andoma inom, At onggwarek endawimo wenggelherek mene higithogo nek hilingiterek.

MAZMUR 2:4

A'nogo ugunem he, nineisena Tuhan ebe pogoroba at obulu'mo welagarek oba logolik he, inane esanggo holheresik, ”Hiren a'nogo hilingisu hak nogo a?” iluk ina'mage leget fisigik, endo yaginafik ili'lago andi.

MAZMUR 68:4

Oba nen he afuni wene melalek fanorogo futfuluk hilingitarek mene re inagaiyegen inanggiluk kwelafi logogun, iren At Allah eilhanem andoma nen he inagaiyegetik, inabunuk oba fogerakhigik ikhi logogun.

YESAYA 46:10

An nen o attak andomaat hobuk hilinglasigin mene faget yagahisasigi aro, attagenat An nen hobuk yi'nogo hilinglasigin iluk mondogat isigi. An nen ikhi logolik, ”An nane tekhogo igi mene andi mondogat he hobuk higithogoat hilinglasigin o. An nendawimo anggigi mene hilingi'mo re eberogo nenat An nen tiphogoat hilingisigin aro.

DANIEL 4:32

Andi nen he, hat hebe afuni inoba nen mugusogo lakhobagaumo, yi wam ti wam hinom o leimo andoma logogun. Andoma 7 tahun logolik, engga wam sapi nen ninggerek hak ninggi logogin. A'nogo 7 tahun arat logombik haren he, Ap inebe raja logolik afuni ferinarek welagaikharek andi re, At Allah Enupogot enggiba welagarek higi. A'nogo enggiba logolik, Aren, At andi hak ebe raja logouwak, iluk anggikherek higithogoat inebe raja logouwagaluk menfisikhere'ma, higi o, iluk hambeba nen fakhogo igin o,” iluk yaganete.

DANIEL 4:35

Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.

MATIUS 6:9

Halok he, samban ikhi logolik he, yi'nogo ikhi logoino: Nineisena pogoroba mene honggwarek henu esinet fikhi logouwageluk, hilingninabime o. Ninebe hawe a'ma logouwageluk ninobagaime o. It pogoroba hat hendawimo anggegendek mene hilingitarek hak, nit kweangma a'nogoat hilingiti logouwageluk, hilingninabime o.

ROMA 9:19

A'nogo hilingiterek andi nen, hat ekhe nen an mel yaganesigin anggikhi lagi: ”At Allah endawimo anggaluk hilingiterek mene andi, sa nen, Nabit, iluk legetfagain nogo. A'nogo legetfagain elo'lek meneat he, nenahalok wene ninoba fili'logo,” iluk ugun anggikhi lagi.

EFESUS 1:11

At Allah nen he, ”Yi'nogo hilinglasuak, ti'nogo hilinglasuak,” iluk endawimo anggikherek higithogoat yi mene ti mene mondogat hilingitunem hilinglagarek andi nen he, ”It inebe an nonggwarek nagainafuri asuageluk,” wenagaisogo wo'ninafikhemo re, eisewerek agagu andi.