MAZMUR 115:14 - Allah Wene Fano Wene Hupla Inane

¹⁴ Hit hinebe inom tagomangge mene inom, Nineisena Allah nen he, hinagainafuri mondok hokhorogo wokhisikhi logouwago.

MAZMUR 115:14 ပူးပေါင်းရင်းမြစ်များ

KEJADIAN 13:16

An nen he, haren tagomangge mene inebe mondok hokhorogo, ilingage kweangma inenggi wenasu mondok elo'lek welagarek andi hak, hinebe inenggi wenasu mondok elo'lek mene hilinghinabigin o.

KEJADIAN 17:7

An nen hat hebe inom, haren tagongge mene nen ta'larik laga logogun mene inom, yi'nogo wokhisagain o, iluk wene wathisigi mene andi munenhi'lek higithogoat wokhisugu mondok logogin o. Hat heisena Allah Anaro, nen haren tagongge mene ineisena Allah Anat logogin.

2 SAMUEL 24:3

A'nogo yagatikheba nen he at Yoab en raja a'nogoba ikhi logolik he, ”Hat heisena Tuhan Allah andi nenat it afuni Israel mene inebe yogondak lambulogo werek mene andem he we endep hak werek kwelek, ekhe seratus nen hakhogo oba loukhogoat hilinghobagakhi logouwak, nen noe hebe heluk ekhe inomat logolik heilenggen isagainat logou hak. Oba nen he hun hokho haren inenu lisu pali lani iluk yaganisikhi lagen yi re ninggi'nogo mene faget nogo?” iluk yagatikhe.

YESAYA 27:6

Lingge hobuk wesigin meneba re it inunggulenu Israel mene andi re, e omanggen pelagaisogo fano wiliferesik enggen hokhorogo igisogo sagaikherek andi hak o kweangma yoma mondogat saga ugun o.

YESAYA 56:8

Tuhan Lego Mondok logolik, Israel mene huginabi lagaukwama nen sugulogo woginarek wagaikhe mene a'nogo nen ikhi logolik, ”An nen afuni amu mene woginarek wesimbik, it mondogat andogorek werek mene ninom seberogo kabogeti logogun nen fisa wesigin o,” iluk ikhe.

YEREMIA 30:19

Afuni andoma logogun mene nen he, wuniba An foget nafik, inagaiyegen inanggilugetik hilingiti logogun. An nen it inalong anggaluk legeisogo fisikhi logouwageluk hilingfisamo re, iren ekhe li'norinafi logogun lek, it inebe re ekhe inom oba louk ikhi logogun.

YEREMIA 33:22

An nen he namingmingengge Daud ambisangma mene inom, imam inunggulenu Lewi mene inom he inebe iren tagomangge mene ekhe inom sebet fisugunem he, it inebe hilingik logoggun mene re ial i laut esanggokwe welagarek andi hak inom, nen hesagalenggen pogoroba liakhugunem werek andi hak hilingi'mo inenggi wenasu mondok elo'lek logogin.

HOSEA 1:10

A'nogo yaganetesik he, ekhe mel yaganeteat: ”Meneat he, hobuk An nen he, afuni Israel mene inebe ial i laut hokho yenggelek mene era'lukwe inenggi wenatik, iwak elema kwelagaisogo kilo walhigik, u mondok elo'lek andi hak, inebe mondok hokhorogo hilingisogo fisagain o. Yogondak An nen he, Hit An nagainafuri lego, iluk yagaisigirek aro. A'nogo meneat he, hobuk, hit An Allah neluk mondok welagirek mene nagainafuri o, iluk yagaisagain oba werego.

ZAKHARIA 10:8

An nagainafuri andoma re An nen wolinabimbik misi'mo andogorogo fisa wesigin. It inebe re An nen lologo fisambik attak inebe sik-pikhogo hilingik welagaukwa hakhogo hilingisogo fisagain.

KISAH PARA RASUL 2:39

At Allah nen, Nareagun wokhisagain, iluk wene watnisasikhe andi re, hit hinebe inom, hinagainafuri inom, it ekhe inaiba yatma mene andoma inom, hinebe nineisena Tuhan Allah nen, we'ni o, iluk wolhisili'logo mene halok, mondogat faget wene hirat wathisasikhe o,” iluk yagaisasikhe.

KISAH PARA RASUL 3:25

Allah nen wene wa'nisasikhe mene it ap attak at ane yagaisikhi lagaukwa mene omanogo nen yagaisikhi lagaukwa andi, hit fageraro. Nen, Allah nen nit ninombalak wene warogo woginafikhe andi, hit fageraro. At Allah nen Abraham yagati logolik he, Haren tagongge mene andiba afuni kweangma mene yoma yi afuni ti afuni inunggulenu lombok fanorinabigin o, iluk wene waretikhe.

ULANGAN 1:11

Hinobagasikhemo re Aren wene abok yagaisasikhe hakhogo hit hinebe sik-pikhogo mangot hinobagagik, hit hinunggulenu mene re hinangge yi mene ti mene mondogat hinenggim werek enek hilinghinafik ikhi logouwak.

WAHYU 7:4

A'nogo yagatikhesik he, afuni Israel mene nen tagongge mene inunggulenu lombok mondogat inendawinggen wenggelogo Allah asilo inelhaba fisilik lagaikhasik, ”Inebe huli 144.000 nen silo fisilik lagoma,” iluk ugunem holhi o.

WAHYU 7:9

A'nogo higiri'mo nen, ombo'ne neilenggen isigi re, yi afuni ti afuni inunggulenu lombok, inagap lombok, inawi lombok, inane lombok, su kut uandek laberek mene, afuni nen wuni wati logolik, feigengga sombologo inenggim wanharek andi hak, e engga mene inenggim waluk, Allah kain welagarek obuluk oba andoma Domba Eak emberek were'ma ineilhanem andogorek inebe huli yiba iluk, inenggi wenasu mondok elo'lek logolik, inane hokhorogo mel ikhi lagaikha: