MAZMUR 115:12 - Allah Wene Fano Wene Hupla Inane

¹² At Tuhan nen nit ninoba eberek logolik, ninebe fanot ninafi logogin. Nen Arenat it afuni Israel mene inom, nen it ap imam Harun nen tagomangge mene inom fanorinafi logoginat.

MAZMUR 115:12 ပူးပေါင်းရင်းမြစ်များ

KEJADIAN 8:1

Allah nen a'nogo inoati logolik, at Nuh ebe inom, wam, sue, paik, yi mene ti mene inom, kapal a'nogo elema kwisukwa mene inom, enek he, inoba inonggot agi'lek eberek mondok welagaikhesik, Allah nen sogoi funhoageluk hilingitikhemo, funhikhi logolik, i a'nogo pi wesigiluk isikhe.

MAZMUR 135:19

Hit afuni Israel mene yi sani, hineisena Tuhan enek fogerati logoni! Hit ap imam-imam mene nen he, Arenek fogera'ni!

MAZMUR 136:23

Nit ninebikhit mabenet ninobagagu sambul andi re At he nit faget onggot agarek mondok lek. Endawi hundik hilingninaferek mene andi re mondok-mondok logogin mene.

MAZMUR 25:7

An nebe souge logolik naweak hilingiti mene inom, kwanirogo hilingiti mene inom, Haren leget nobagambik he, Hat hobabut fano logolik, hendawi hundik hilingiti lagen andiba an noba ebetniugu nogo.

MAZMUR 67:7

Allah, Allah nit nineisena, yi mene ti mene yago mene ebe hokhorogo wo'nisikhi lagen, ninebe fanotninafi lagen.

YESAYA 44:21

Tuhan nen ikhi logolik, ”Israel yei, hat he An namingmingengge mene hilingik welagenma re, mondogat andoma ebeti logoin o. Hat An namingmingengge logoinogeluk elalogo hobagasigi, Israel ao, hat he hoba nonggorasigin lego!

BILANGAN 6:27

A'nogo yagatikhesik ekhe mel yagatikhe: ”An nen afuni Israel mene fanorinabuageluk nenu hombuk palogo yaganetunem he, An nen fanorinafi logogin aro,” iluk yagatikhe.

KISAH PARA RASUL 10:4

Yagatikhemo, at Kornelius eilenggen at oba lurogo fikhi logolik, ailo agaikhesik he, ”I, noe. Nenahalok,” iluk isikhemo, aren he, ”Hat samban igik, afuni inenggi lek inelagaik mene leberisigik, ikhi lagen andi re, Allah elu agasik hoba eberek werego.

KISAH PARA RASUL 3:26

Allah nen he, wene andi waretikhe hak, hit weak hilingiti lagep mene hinebe lombok hinambotma herakfisoageluk amlogo ebe fanothinabigin mene hit tak hinoba pelakfei wagaikhe andi,” iluk komorinafikhe.

GALATIA 3:14

At Allah nen he, Abraham fanot fesikhe hak, yi afuni ti afuni mondogat Kristus Yesus inom hunetunem fanorinabuageluk, Yesus wa'lagaikhe andi. At a'nogo wa'lagaikhesik oba nen, Allah Areagun wokhisagain iluk abok tak yaganisasikhe a'nogo, ninendawinggen At oba himbiret fugunem wo'nisikherek andi.

GALATIA 3:29

Hit hinebe Kristus mene halok he, hinebe Abraham en tagongge mene welagep. Halok, Allah nen Abraham abok yagatikhe mene a'nogo, hit wokhisagain higiraro.

EFESUS 1:3

Ninoe Tuhan Yesus Kristus eisena Allah at fogerati logouwogo. Nit Kristus ninom hundik were'ma, at Allah nenat fano mene mondogat ninendawinggen faget pogoroba nen wo'nisasikhemo welago.