MAZMUR 113:7 - Allah Wene Fano Wene Hupla Inane

⁷ Afuni inenggi lek mene re fesimo wula'lakse'ma andoma nen legeisogo fisili'lago, nen afuni inebe mondogat lebelek a'luk werek mene re wul oba nen menfisili'lago

MAZMUR 113:7 ပူးပေါင်းရင်းမြစ်များ

1RAJA-RAJA 16:2

Attak he haren yi'nogo ti'nogo ekhe hilingiten lek oba nen he, An nen hat hebe it nagainafuri Israel mene inobaget inoe kain logoinogeluk menhobagagi. Nen, yogondak he Yerobeam en hilingiti lagaikhe hakhogo re haren weak mondok hilingiti lagen andiba An na'mage kwelabi'lagwi.

AYUB 2:8

A'nogo fesikhemo re, at Ayub ebe yi mene ti mene hugisa lagaikharek oba wea'ma omanogo hurek logolik, piring serelek meneba ebene kibilhi logolik welagaikhe.

AYUB 5:11

At Allah nen he, afuni sebelek mene legeisogo fisigik, inendawimo weak were'ma, fanorinafik, ikherek.

MAZMUR 107:41

A'nogo meneat he, it afuni inangge lek mene re, it weak were'ma telinafi lagaikhesik, inanggo sik-pikhogo wogisikhi lagaikhe hak, inebe ogo hokho pokhorogo hilingfisikhi lagaikhe.

MAZMUR 22:15

I kweisalhugunem lek agarek hak, nomame mondok lek agik, noak mondogat enggalim oba nen orolhigik lagunem hangge welagik, nendawinggen kwe wam sei nunggunem hakhogo amok le'legenggetunem welagik, hilingiti lagi o.

YESAYA 26:19

Hat againafuri endamat wa'lagaukwa mene omanogore inambotkwe ineluk asugun, it inebe warek nekhengge menlasugun. Ap kweang elema salinafa mene re, menlasimbik inagaiyekhogo wuni wati logogun. Lilengge nen kweangma sakhoraterek hak, Hat againafuri o endam wa'lagaukwa mene omanogo inambotkwe inelugerinabigin.

YEHEZKIEL 17:24

Andiba re yi agayo ti agayo o kweangma welagarek mene mondogaren he An Tuhan a'nogo fut nobagagun. E uan mene re An nen musigin. Horok mene re An nen uanhogo lagauwageluk hilingisigin. E ket fano wiliferek mene re An nen puget fembik iringik mene hilingisogo fagain, nen e iringik meneba re asimit wulak figik, owil ik figik, igin. Iluk An Tuhan nen nane mondogat igi, nen An nane igi mene andi re tiphogo nek hilinglasigin o,” ikhe.

YAKOBUS 2:5

Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.

1 SAMUEL 24:14

Omanggum inalue nen inane lagokhogo ikhi logolik he, Afuni inobabut weak mene nenat weak hilingitarek, iluk ikhi lagaukwa andi hat he helu o. Andi nenat, an nen hat hoba weak ekhe hilinghabigin mondok lego.