MAZMUR 113:5 - Allah Wene Fano Wene Hupla Inane

⁵ Nit nineisena Tuhan Allah andi inom higit mene re sa ekhe werek anggegep? At ebere takhta ba obalik mondok legoma omanogo hurek logolik werek.

MAZMUR 113:5 ပူးပေါင်းရင်းမြစ်များ

MAZMUR 103:19

Nineisena Tuhan ebe pogoroba logolik, yi'nogo hilingi'ni ti'nogo hilingi'ni iluk melalinafu were'ma, yi afuni ti afuni ekhe mene-ekhe mene mondogat he, at a'ma nek welagarek.

MAZMUR 11:4

Tuhan he awi fanoma horek oba omanogo werek, o Sorga andoma re At ebe hurek werek oba. A'nogo logolik he afuni mondogaren hilingitarek mene omanogo faget eilenggen penetu werek, andi nen he it inobabut yinik-hunik hilingitarek mene andoma mondogat he At elu mondok welagarek.

MAZMUR 35:10

An nendawinggen nebe mondok abirenggeba nen nane ikhi logolik he, ”Tuhan Hat hinom higirabesu mene re ekhe werek lek!” Harenat, it inomame lek mene re, it inomame werek mene inenggimo nen telogo fisikhi lagen, Nen it inangge lek mene inom, inelagaikhogo werek mene inom he, sebelinarek werek mene omanogo inenggimo nen fikhalogo fisikhi lagen.

MAZMUR 89:6

Andiba re it pogoroba andogorek werek mene omanogo nen he Haren wene hokho mene hilingitigin mene andi faget foget hafarek. Nen Haren tiphogo nek hilingiti lagen mene andi faget he Hawuni watu welagaikharek andi.

MAZMUR 89:7

O pogoroba andoma re, Tuhan hebe higit mene ekhe werek lego, nen it pogoroba ineluk welagaikharek mene andoma Hat hinom higit mene ekhe werek legaro.

MAZMUR 89:8

Hat he it ekhe inebe fano horek welagaikharek mene omanogo inanggele'ma nen he legeisogo hobagaluk agaugwet hafarek, Nen it ekhe Hat hera'lukwe haningisogo welagaikharek mene omanogo nen inailot hafarek.

MAZMUR 89:9

Nineisena Tuhan Allah, Homame Mondok Hokho mene, Hat Homame welagen andi hakhogo re ap sa hak ekhe werek? Neisena Tuhan, yi wene ti wene faget Hat he katokhogo nek hilingitu hagun welagen.

KELUARAN 15:11

Afuni ekhe inawesa meneba himbirik welagaikharek andi hangge, Hat he andi hinom he higitsek lek, Hat hamunek tegelek mondok were'ma fogethafarek. Hebe futfagauwageluk elalin mene hokho hilingiten andi hak, Sa hagen a'nogo hilingisu hak nogo?

YESAYA 16:5

(Hobuk he ap misik ekhe Daud en tagomangge mene nen raja menlasimbik he, aren at unggulenu mene re endawi hundik oba inom higithogo hilingitarek meneba inom fanorogo halinafi logogin. Aren wene higithogo inoba figik kotik agarek mene menfigik, nen eberogo mene hilingisigiluk weak-weakhogo nek hilingitik, ikhi logogin.)

YESAYA 40:18

A'nogo hilingi'mo re haren Allah andi re sa inom iliret ikhi lagen? Ap sa Allah inom higitsek anggikhi ikhi lagen?

YESAYA 40:25

Allah Horek Mondok werek mene andi inom he, sa nen an ninom higitsek anggaluk hilingiti lagen nogo? Haren ap sa hinom At nemberek higirap esigin iluk hilingiti lagen?

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

YEREMIA 10:6

Tuhan Hat he esin mondok welagen, Hat hinom higit mene ekhe werek lek, Hat henu re mondok lego were'ma homame hokho mene welagen.

ULANGAN 33:26

A'nogo yagatikhesik, afuni Israel mene lambulogo faget mel yagatikhe: ”Hit afuni Israel mene yi, afuni nen hunogo mene faget, ”Nineisena ebe andi aro,” iluk agarek mene andi, nit nineisena Allah hangge ekhe mondok lego. Halok he, at ebe fogeratu kwelek pogoroba wagik, hit lebethisagaluk ohena anggele'ma heakhogo wagik, ikhi logouwago.