MAZMUR 112:9 - Allah Wene Fano Wene Hupla Inane

⁹ Aren he angge yi mene ti mene it afuni inenggi lek mene leberisigik, nen at ebe along werek mene hilingik logolik lego were'ma re, afuni nen along anggaluk legeisogo fugunem, aren fano mene nek it inoba hilingfisugu, welagarek.

MAZMUR 112:9 ပူးပေါင်းရင်းမြစ်များ

MAZMUR 111:3

At Tuhan nen yabu hilingiterek mene andoma re esin mondok hilingi'mo andungdang mondok welagarek, Aren katokhogo nek hilingiterek mene andoma re etok mondok logogin mene.

MAZMUR 112:3

It ineisok erokwe mene re inenggi werek mene agik, inangge yi mene ti mene hokho pokhorogo welagik, hilingik logogun, nen it andi re ninhup nanhup andoma fanorogo nek logogun.

MAZMUR 75:10

Oba nen an enek he At Yakub eisena Allah a'nogo faget enek fageti logogin. Nen At obaget wuni fogoratarek awuni iginafu mondok logogin.

MAZMUR 92:10

Tuhan neisena, it Hat haselei mene andi re inebe felelenghogo leget fisigik, it afuni inanini weak mene mondogat telfol isigik igin mene andi re, nit mondogaren he ninelu welago.

MAZMUR 92:11

Haren he an nebe no banteng eil polok mene omame welagarek hakhogo hilingnobagasigin, nen an nebeba nagaiyek mene nek fanotnobagagik isigin.

AMSAL 14:24

Ap hebelek mene foget fikhi logogun andi re aren hebel-hebel aple hilingiti logogin andiba. Ap morue mene iluk inelu logogun andi re at ebe morue logogin andiba.

AMSAL 19:17

Afuni inenggi lek mene leberisagarek andi re inangge Tuhan oba elama faget wogotarek, hobuk At Tuhan nen it leberisogoin mene a'nogo inangge oak waganogo wogisagainat.

AMSAL 21:26

Linggene hundik-handik he at endawimo amolo anggikherek mene omanogo faget wenggelhu mondok welagarek. Hebekhogo re, ap higithogo hilingiterek mene nen he angge yi mene ti mene palfigi'lek wogisikherek.

PENGKHOTBAH 11:6

Yi mene ti mene awi hubet yasugun mene fano asigin he a? Hu'mokokwe yasugun mene fano asigin he a? Emberegat fano nek asigin he a. Hinonggot andi nen he, hubet yati la'luk hu'mokokwe set warigi'legat yati logoino o,” iluk isikhe.

PENGKHOTBAH 3:6

At Allah nenat he, o ti sambul longgoikhe mene herakhoak, nen, ti sambul ebe longgouwak, nen, o ti sambul fakfembik logouwak, nen, ti sambul herakfisoak,

YESAYA 32:8

Oba nen he fano mene nek wenggelharek mene re hilingisugun mene iluk wenggelogo fikhi logolik inom, nen hilingiti logolik inom he, fanorogo nek hilingitarek.

YESAYA 58:10

Afuni inamburu nele werek mene inoba noageluk wogisikhi logoino, ap sebelek werek mene inoba leberisikhi logoino. Hiren a'nogo hilingiti logogun halok he, hit hinera'lukwe mumhogo hilingik mene andoma linggene selek welagarek andi hak selek mondok asigin.

YESAYA 58:7

Nen afuni nelerogo werek mene inoba hit nunggu mene sumburogo wogisigik, ap inawi lek mene hiren woginafik, afuni inalfulukwa werek mene inasu labetfisigik ikhi logolik, it hinagaila'lak ekhe leberisa elok werek kwelek hikhiphogo herakfisa fugo.

MATIUS 6:4

Hinagaisogo wogisamo re, hineisena Allah pogoroba mene afuni hinagaisogo hilingitarek mene eilenggen isikherek andi nen onggo wokhisagain o,” iluk yagaisasikhe.

MARKUS 14:7

It afuni inangge lek mene andi, hit hinom mondok logogun o. A'nogo logolik yi'nogo leberisogoin, iluk hinendawimo nen anggalugat leberisamo re fano o. A'nogo meneat he, an enek he, hit ninom mondok logogun lego.

LUKAS 11:41

Halok he, hit mene yi mene ti mene piring elonggoma fikhi lagep mene andi, afuni inagarek lek mene sumburogo wogisegep halok he, hit faget yi mene ti mene mondogat fenakwe sobalek logou hak fano logogin o.

LUKAS 12:33

Hit hinagarek mene andi onggo hunisimbik he, onggo uang hunisugun mene omanogo it inagarek lek mene inelagaik mene andi sumburisano o. Sumburisaluk he, uang awi fili agarek lek mene waganogo fuluk, kwalogo fikhi logou hak, hinagarek fano mondok lek asigin lek mene, it ap ineil masi weak mene nen yogot hinasi kwigik, elugengge nen palhik, ikherek mondok le'ma pogoroba andoma kwalogo hinobagauwageluk lakfakhikhi logoino o.

LUKAS 16:9

Andi halok he, an wene ekhe yagahisak: ”Hinagarek yi mene ti mene kweangma mene, ineilmasirogo weak hilingitarek mene andi lek aga halok, hinawi fano mondok logogun oba wokhinabuageluk he, yogondak ya hinagarek andiba hinagaila'lak hinom enggawerakhikhi logoni o,” iluk yagaisasikhe.

LUKAS 18:22

at Yesus esanggo holhikhesik he, mel yagatikhe: ”Wene misigat enek ekhe hilingiti'lek welagen o. Hat hangge andoma felelenghogo it ekhe inoba onggo pali lano. Onggo paliluk he, onggo wokhesugun mene andi it afuni ekhe inagarek lek inelagaik mene andi mondok sumburogo wogisano o. A'nogo arat wogisegen halok he, hat pogoroba mene hokhorogat eisewerek asigin o. Halok a'nogo arat sumburogo wogisaluk he, an nombo'ne nikhi logoinogen we'no o,” iluk yagatikhemo,

YOHANES 13:29

A'nogo futfigi'legat logolik, at Yudas andi agaila'lak inom inarupiah awinggaba fisogo welagaresi'mo andi nen he, mel anggasukwa: ”Yesus nen nit seni isatu mene faget yi mene ti mene onggo pali loageluk yagate he a? Ia, athe afuni inagarek lek mene rupiah ekhe misiktek sumburisa loageluk yagate he a,” iluk inendawimo anggasukwa.

KISAH PARA RASUL 20:35

Wene ninoe Tuhan Yesus onggwaregen mel yaganisasikhe andi: It afuni ekhe nen wokhisugunem helaluk hinendawimo agaiyek hakhogoin elo'lego. We, athe, hit hinonggwaregen it ekhe wogisikhi logolik hinendawimo agaiyek hakhogoin o, iluk yaganisasikhe andi ninendawimo eberek logolik he, an nen it ekhe inomame lek mene leberisikhi lagi andi, hiren futnobagambik an nobabut waganogo hinenggi omamerogo leberisikhi logobagaigeluk hinelurogo hilingiti lagi andi,” iluk yagaisasikhe.

ROMA 12:13

Allah againafuri mene ekhe yi mene ti mene le'ma werek halok sumburisigik, ap pok inebe hinonggot mene wagunem hinaiba fanorogo woginafik, ikhi logoino o.

2 KORINTUS 8:9

Ninoe Enupogot Yesus Kristus obabut fano nen endawitninafikhe a'nogo hit hinelu mondok anggigi. Athe, ebe Allah mene logolik he, eilmo werek welagaikhe meneat he, at elagaik agaikhe andiba, hit ebe mene hineilmo werek asubagaigeluk, at ebe nit afuni mene agaikhesik elagaik agaikhe andi.

ULANGAN 15:11

Hit afuni Israel mene hinanggele'ma re, afuni inenggi lek inelagaik mene it ekhe nen lebetnisoageluk hinoba lagu halok he, an nen hit hinendawinggen sakhorek oba leberisikhi logobagaigeluk melalhinafi o.” iluk yagaisasikhe.

ULANGAN 15:14

We hinendawinggen sakhorek oba hineisena Tuhan Allah nen hit wokhisikherek mene, kambing, domba, halok ogo, anggur, gandum halok ogo ekhe wogo'no.

ULANGAN 24:13

We, at angge andi hup fisogo nogo ikhi logouwagaluk, o hubagi'lek werek kwelek ambotkwe wogoti logoino. A'nogo wogoti logogun halok, aren hai wathinafunem he, nineisena Tuhan Allah agaiyek hit hinoba fikhi logogin o.

1 TIMOTIUS 6:18

It andi fanorogo hilingiti logolik, inagarek hokhorogo logou hak he, afuni ekhe fanorogo leberisikhi logolik, inagarek lek mene wogisigik, sumburisigik, ikhi logouwageluk komorinafi logoino.

IBRANI 13:16

A'nogo hilingiti logolik, afuni ekhe fano hilinginafik, leberisigik, ikhi logouwok. A'nogo hilingiti logogun andi re, Allah endawimo fanorogo anggo waretarek andi hak hilingiti logogunmo re, oba ninonggot asugun mondok lego.

IBRANI 6:10

At Allah obabut he, weak hilingiterek mene fuk. At higithogo nek hilingiterek andi nen he, hiren at faget hilingiti logolik hinerugwi hinagaila'lak Allah againafuri mene ekhe hinendawi nen attak leberisigik, hobuk leberisigik, ikhi lagep mene andi, aren hit hinoba onggot asigin lego.

WAHYU 22:11

Yagaisugunem sa nen obabut weak enek hilingiti logogin anggikhe halok he, weak enek hilingirikhi logouwago. Nen, sa nen weak inabit mene nek hilingiti logogin anggikhe halok he, andi meneat hilingirikhi logouwago. Nen, sa nen Allah endawimo anggikherek mene nek hilingiti logogin anggikhe halok he, andiat hilingiti logouwago. Nen, sa nen ebe Allah faget fisaluk logogin anggikhe halok he, ebe Allah fagerat tegelogo fisaluk logouwago,” iluk yaganete.

1 SAMUEL 2:1

At Hana nen Allah fogerati logolik, samban oba mel isikhe: ”Neisena Tuhan nen fanotnafenma nendawimo nagaiyek hikhi lagi o. Haren hilingitendek mene andi re, nendawimo nagaiyek anggigirek mene nek hilingiti lagen o. Hat neisena Allah nen lebetnafenma, nendawimo nagaiyek oba it naselei mene nen inane asegen wo'nabi'lagwi mene omanogo re, an nen ogo pilibinafi logogin aro.

1 SAMUEL 2:30

An hit afuni Israel hineisena Tuhan Allah nen attagat wene wathisikhi logolik: Hit hinagainafuri inom, iren tagomangge mene inom, inebe An eisewerek a'luk mondok logogun o, iluk wene warisasigi andi. A'nogo meneat he, afuni An agaugwetnabugun mene halok An nen it agaugwerinafirek, nen inendawimo seramet nobagagu mene halok An nen seramet fisigiregat, andi nen he yogondak An nen wene warisasigi mene andi herakfisagain o.