MAZMUR 112:5 - Allah Wene Fano Wene Hupla Inane

⁵ It afuni inendawi fanorek logolik inagaila'lak ekhe hobuk obali'mo fagain nen iluk kino ugunem wogisigik, yi wene ti wene faget tiphogo nek hilingiti logolik henarogo hilingiti'lek higithogo hilingitarek mene andoma re inagaiyek hikhi logouwak.

MAZMUR 112:5 ပူးပေါင်းရင်းမြစ်များ

NEHEMIA 4:13

A'nogo ikhi lagaukwa andi nen, an nen he, ap inebe mondogat karok inom, sikhe sige inom, sumburogo wogisasigi. A'nogo wogisasigisik, leget pa'leget oan huniti'lek welagaikhe kwe omanogo ebe lombok kagalek logouwageluk inunggulenu lombok sumburogo fisasigi.

MAZMUR 37:21

It afuni inobabut weak mene andi nen he, yi mene ti mene it ekhe mene elama faget wanharesik he, hobuk inonggwarek wogisagarek lek. A'nogo meneat he, afuni inobabut higithogo hilingitarek mene andi nek he, inendawinggen sakhorek oba weat wogisagarek.

AMSAL 12:2

Ap fano hilingitarek mene inobaget he Tuhan nen agaiyek anggikherek, oba nen he ap weak mene faget awene melalherek mene halok he weak onggoat helagain.

AMSAL 17:18

Ap ekhe nen are ombalegengge faget an nen onggo fagain iluk wene wasigin andi re ebe kembu nen hilingisigin.

AMSAL 18:9

Ap ekhe eabu higithogo hilingiterek lek mene andi re, ap weaget fisagarek mene andi emberek higit.

AMSAL 2:20

A'nogo hilingik enggere, namlogo e, hat he ap higithogo hilingitarek mene inobabut wanimbik he, Allah endawimo anggikherek mene higithogo hilingiti logolik, logogin fano o.

AMSAL 24:27

Hineabu waganek legengge nen he hinagagwi tak woginabu fuk, nen yabu oan herakhigi'legengge nen he hinawi tak wusu fuk.

LUKAS 23:50

A'nogo hilingitukwama re, ap ekhe enu Yusuf, aiba Yahudi mene inawi sili ekhe enu Arimatea andi mene. Endawimo nen he, ”Allah nen awe a'ma mera nen fisagain,” iluk nenangorogo logolik, obabut fano higithogo hilingiti lagaikhe mene, ebe Yahudi inogogwi kaindek wene pilingisuogeluk inom andogoti lagaukwa mene. A'nogo meneat he, it agaila'lagen, Yesus abok palogo watukwa andi, aren, ”I o, wasuok,” iluk igi'lek welagaikhesigen,

LUKAS 6:35

It a'nogo hilingitarek meneat he, hiren he, hinom weak mene hinendawirinafik, fanorogo leberisigik, onggo iren ekhe wo'nesuak, iluk anggigi'legat we hesangge wogisigik, ikhi logogun halok he, hinebe Tuhan Allah againafuriat were'ma re, onggo hokho mene wokhisagain o. Afuni nen, at ebe hai wati'lek weak hilingitu kwelegat he endawirinaferek andi.

YOHANES 6:12

Inalabut ninghogo nasukwama re, at agoromi ane wanhi lagaukwa mene omanogo yagaisikhi logolik he, mel yagaisasikhe: ”Sumburu nenggasik ando tindelogo herakfisaga mene aroma alomat lasinogo nen he, misi'mo andogorogo feni o,” iluk yagaisasikhemo re,

ROMA 12:11

Allah Areagun en hinendawimo agaiyegeratu kwelek, nineisena Tuhan faget hinaberali agi'lek, ninghogoat hilingiti logoino o.

ROMA 5:7

Ap ekhe nen he, ”An nebe at obabut higit mene andi faget, obali'mo wa'lasigin,” iluk igin he, enggin aro. A'nogo meneat he, ap ekhe ailo lek mene nen he: ”An nebe ap obabut fano mene andi faget obali'mo wa'lasigin,” iluk anggagain o.

EFESUS 5:15

Andi nenat, hinobabut hebelogo hilingiti logoino o! Afuni inendawinggen mum mene nen hilingitarek andi hak hilingiti'lek, inendawinggen wenggelek mene nen hilingitarek hak hilingiti logoino o.

FILIPI 1:9

An nen samban hit hinobaget ikhi logolik, mel ikhi lagi: ”Yi mene ti mene awi yatunem ero hokho a'luk wuliferek hak, hit ebe wene furogo hinelu agik, fut figik, ikhi logolik, afuni inebe hinendawirogo welagep andi mene hokhorogoat hinendawirinafi logobagaigen,” iluk, samban ikhi lagi aro.

KOLOSE 4:5

It afuni Allah ane inonggot mene faget he, hit hinendawimo mondok kagalek logolik: ”Nit Allah againafuri hilingisugun mene fanoasuak yabaat hilingiti logouwok,” iluk andi meneat hilingiti logoino o.