MAZMUR 112:3 - Allah Wene Fano Wene Hupla Inane

³ It ineisok erokwe mene re inenggi werek mene agik, inangge yi mene ti mene hokho pokhorogo welagik, hilingik logogun, nen it andi re ninhup nanhup andoma fanorogo nek logogun.

MAZMUR 112:3 ပူးပေါင်းရင်းမြစ်များ

AYUB 5:24

Hat hebe re hawi tenda wuri'mo andoma fanorogo habolo'lek logogin o. Nen, hanggo domba lombolik lagunem he, mondogat longgo igi'lek fano were'ma nek hikhi logogin o.

MAZMUR 111:10

Ap sa nen obabut hebelek mene logogin amolo halok he, aren Tuhan oba along anggaluk legeisogo fikhi logogin fano. Nen, afuni At ane hologo nek hilingitarek mene inoba re fanorogo wenggelharek mene wogisikherek. Inenggi mondok-mondok andoma re Tuhan nek fogerati logogun.

MAZMUR 111:3

At Tuhan nen yabu hilingiterek mene andoma re esin mondok hilingi'mo andungdang mondok welagarek, Aren katokhogo nek hilingiterek mene andoma re etok mondok logogin mene.

MAZMUR 112:9

Aren he angge yi mene ti mene it afuni inenggi lek mene leberisigik, nen at ebe along werek mene hilingik logolik lego were'ma re, afuni nen along anggaluk legeisogo fugunem, aren fano mene nek it inoba hilingfisugu, welagarek.

MAZMUR 34:10

It afuni Tuhan inailorogo welagaikharek mene re, inelagaikhogo welagaikharek lek andi nen he, hit At againafuri mene nen he, At agaugwerati logoino o.

MAZMUR 34:11

Mene singa ebe oan mene amburu legen nele welagarek, meneat he, afuni Tuhan murok nikharek mene re, yi mene ti mene fano mene inelagaikhogo ekhe logogun mondok lego.

AMSAL 15:6

Ap fano hilingiterek mene aiba re angge yi mene ti mene hokhorogo welagarek, nen ap weak hilingiterek mene enggimo re, angge yi mene ti mene weagerinaferek mene nen leget fikherek.

AMSAL 21:20

Ap obabut hebelek mene re inangge hokhorogo agunem inenggi werek welagaikharek, oba nen ap kembu mene re angge mondok legabeti logolik werek.

AMSAL 3:16

Hebelagaikharek mene andi nen he, hebe umur uanhogo logouwageluk inom, henggi werek asuageluk inom, henu werek logouwageluk inom, hilinghobagakhi logogin.

YESAYA 32:17

Afuni inebe lombogen he, eberogo mene nek hilingirik lagunem he, inenggi mondok-mondok andomaba fano liokhogo mondok welagik, inagaiyekhogo nek welagik, ikhi logogun.

YESAYA 33:6

Nen At againafuri mene inoba re fanorogo liolek logogun mene wogisagain, nen it inagge inagap telinabigin mene re nendawinggen kagalek welagik, inelu agik, Tuhan oba inailorogo welagik, agarek mene andiat eise asugun.

YESAYA 51:8

It mondogat he su eluk- elugengge nen palherek andi hak, kain domba esi mene pel-pel en palhunem hangge mondogat legasugun o. Oba nen he, inagap telhu mene An nen wogisagain mene andi re mondok-mondok logogin, nen An nen inalonget fisagain mene andi re hinerembul oba andoma mondok-mondogat logogin o,” iluk ikhe.

MATIUS 6:33

Halok he, hineisena Allah nen awe a'ma logolik hilingiti logogun andi faget inom, nen aren, yi'nogo ti'nogo hilingi'no, iluk yagahisugunem hilingiti logogun andi faget inom, esinet fikhi logogun halok, yi mene ti mene andi oba loukhogo wokhisagain aro.

2 KORINTUS 6:10

Ninendawinggen weak logoligat he, ninagaiyek hikhi logolik welago. Yi mene ti mene ninenggim lek meneat he, afuni hokhorogoat ebe mene ineilmo werek asuageluk hilingfisikhi lago. Ninagarek mondok lek meneat he, ebe mene mondogat eise agosik welago.