MAZMUR 112:2 - Allah Wene Fano Wene Hupla Inane

² It andi inagainafuri re o kweang yoma mondogat sebelogo logogun, it afuni fanorogo hilingitarek mene inagainafuri re fanoabet fisikhi logogin.

MAZMUR 112:2 ပူးပေါင်းရင်းမြစ်များ

KEJADIAN 17:7

An nen hat hebe inom, haren tagongge mene nen ta'larik laga logogun mene inom, yi'nogo wokhisagain o, iluk wene wathisigi mene andi munenhi'lek higithogoat wokhisugu mondok logogin o. Hat heisena Allah Anaro, nen haren tagongge mene ineisena Allah Anat logogin.

KEJADIAN 25:11

Andem sambul he, at Ishak i mogo nit ninaneba, ”An futnobagali'lagoba,” iluk u hak Lahai-Roi agarek oba horokhogo andoma welagaikhe. At eisena Abraham wa'lagaikhemo Allah nen Ishak fanot fikhi lagaikhe.

MAZMUR 102:28

Oba nen he Hat enek he hebe hetok mondok logogin, Hat hebe heluk ambisangma lek asi lagain oba ekhe werek lek.

MAZMUR 25:13

It inebere inangge yi mene ti mene mondogat were'ma nek logogun, nen it inagainafuri inombawi inom he, inaggweang it eise agaikha mene andi fisogo logolik mondok logogun.

MAZMUR 37:26

It afuni inobabut higithogo hilingitarek mene andi re, inangge afuni ekhe elama faget wogisigik, ekhe weat wogisigik, ugunem he, it andi inagainafuri inom, iren tagomangge mene inom, fanot fisikhi logogin o.

AMSAL 11:21

Afuni ina'mage hokho mene andi re ibi-eberogo nenat unggum helogoin, oba nen afuni fano hilingitarek mene andi re inagap telogoin.

AMSAL 13:22

Afuni inobabut fano hilingitarek mene andi re inalolegengge andoma iren taginabugun mene eiserakhambik logogun. Oba nen he, it ap weak hilingitarek mene inangge andoma re afuni inendawinggen fano higithogo logolik hilingitarek mene inobaget kabogetarek.

AMSAL 20:7

Yenggerugwi ineisugwi inobabut fano logolik higithogo hilingitu mene werek halok he inebe fano werek.

YEREMIA 32:39

Iren An foge'nabuogeluk inebe misik inobabut misigat a'luk hilingiti logouwageluk wogisagain mene andi re, inenggi mondok-mondok andoma faget An noba inailorogo hilingiti logouwageluk hilingfisagain. Andiba re it inebe inom iren tagomangge mene inom fanorogo nek logogun.

KISAH PARA RASUL 2:39

At Allah nen, Nareagun wokhisagain, iluk wene watnisasikhe andi re, hit hinebe inom, hinagainafuri inom, it ekhe inaiba yatma mene andoma inom, hinebe nineisena Tuhan Allah nen, we'ni o, iluk wolhisili'logo mene halok, mondogat faget wene hirat wathisasikhe o,” iluk yagaisasikhe.