MAZMUR 111:2 - Allah Wene Fano Wene Hupla Inane

² At Tuhan nen hilingiterek mene andoma eberogo nen he enggin mondok hokho mene hilingitere'ma re afuni inendawimo inagaiyek werek mene nek he fifurogo pilingiti logoumo re higiro.

MAZMUR 111:2 ပူးပေါင်းရင်းမြစ်များ

AYUB 37:14

Ayub ao, eil misik ya logolik hesanggo holek logoin o, Allah nen mondok elalin hilingisu elo'lek mene hilingite andoma fogesin.

AYUB 37:7

Aren enek hilingitarek iluk inelu asuageluk he, it afuni nen yabu hilingitu mene omanogo mondogat aloget fisikherek.

AYUB 5:9

At Allah nen, elalin mene mondok hokhorogo hilingiri'lago mene andi, niren futfigik, ninenggi wenatik, u re mondok elo'lek. At Omame hokho meneba hilingiri'lago mene andoma re mondok hokho-pokhorogo hilingi'mo re legasu lek hak.

AYUB 9:10

Aren mondogat walhasikhe mene andoma re, mondok hokho-pokhorogo hilingi'mo re, wenasu re mondok elo'lek, Aren elalin mene mondok alonghogo hilingitikhe mene andoma niren mondok higithogo wenasu re elo'lek.

MAZMUR 104:24

Neisena Tuhan, Haren yi mene ti mene elalhigin mene andoma re Hat hendawinggen wenggelek oba nek elalhigin o, Haren yi mene ti mene elalhigin mene omanogo O kweangma mondogat peterek werek.

MAZMUR 104:34

Aren an nendawimo nagaiyeget fugunem an wuni wati lagi andiba, At oba liok ikhi logouwak.

MAZMUR 107:43

Hit ekhe hinendawinggen kagalek mene re, wene mondogat andi oba ebesimbik, hineisena Tuhan nen, endawit hinaferek wene andi, mondogat futfikhi logoino o, iluk wuni watukwa.

MAZMUR 118:15

Nineisena Tuhan, At omame mondok hokho mene a'nogo At againafuri inoba hilingfikhemo inomame agaikhasik, inawi su mene wuri'mo o silikwe omanogo inagaiyegen wuni wari'lagwi andi hinesanggo holini!

MAZMUR 139:14

Hilingisu elo'lek mene, elalin mene hilingnafigin. Haren hilingiti lagen mene andoma re, mondok inailo asu hak mene iluk an arat futfigirik, hokhorogo fogethafi lagi o.

MAZMUR 143:5

An nen nenggi attak welagagi mene omanogo faget ebethigik, Haren hilingitigin mene omanogo faget ebethigik, Hat henggiba nen elalhigin mene omanogo faget menenei ebetik, hilingiti lagi.

AMSAL 17:16

Ap kembu mene nen inendawinggen kagalek mene andi herati logolik uang hokhorogo leget fikherek andi re alomarogo hak, meneba nen at andi re fanorogo wenggelhu mene ungguloa'ma lek andi nen hilingiterek.

AMSAL 24:14

Andi hakhogore inendawinggen kagalek mene andi hebe heluk logogin mene faget helikhi logoin. Nen, hat hebelogo nek logogin halok he hebe hobuk logogin huli andoma selekhogo nek hilinghobagakhi logogin.

PENGKHOTBAH 3:11

At Allah nenat, yi mene ti mene mondogat, O ti sambul ti'nogo hilinglasuwak anggigik, Nen Aren nit hobuk mondok-mondok logogun mene andi nelu logoile, iluk anggikhi logouwageluk hilingninafikhe meneat he, ero ba nen elugun oba Allah hilingiterek mene andoma niren fut fou re mondok elo'legat welagorek andi.

YESAYA 40:12

Ap sa hagen i laut yagamaksek mene ari enggi agut oba ilirenggerogo walesu hak nogo? Athe pogot honggolek kweang honggolek tulem oma enggi si misik oba walesu hak nogo? Ap sa nen kweang oma enggin walhugu meneba walesu hak nogo? Athe tom inom punu inom obabut palhagarek meneba palu hak nogo?

DANIEL 4:3

At ebe futfouwageluk enegengge mondok hokhorogo hilingitik, elalin mene mondok wesarogo hilingitik, ikhere'ma o. Andi nen at Allah ebere mondok-mondok faget raja mandok logogin o, At he ninhup-nanhup andoma faget omame werek logogin.

ROMA 1:28

Iren he: ”Allah ebe ninelu logogun he, ninabiro,” iluk at ebe it inendawimo sebelfesukwama re, aren he: ”It inendawimo anggili'lagwi andi weago. Nabit. Iren he weak meneat he fano, iluk anggagarek andi, a'nogo inoba lombok anggikhi logolik hilingisu lek mene hilingirikhi logonik,” iluk inebe herakfisikherek.

ROMA 8:6

Afuni inobabut inetogat logolik hilingitarek mene oba ebeti logogun halok, wurep oba inebe mondok wa'lasugun andi. Meneat he, Allah Areagun inendawimo kagalhunem hilingitarek mene oba ebeti logogun halok, inendawinggen hambukhogo ineluk mondok logogun andi.

EFESUS 1:19

at omame mondok hokho mene a'nogo nen, nit ninendawinggen at oba eberogoat himbiret fesugu mene halok, omamerogo hokhorogoat lebetnisili'logo mene andi hinelu asubagaigen iluk ayonggo fikhi lagi. At omame andiba re, Kristus ebe wa'lagaikhemo eluget fuluk pogoroba liak fesikhesi'mo re, at era'lu enggi ebekwe kain Enupogot logouwageluk menfesikhe andi higithogoat he, At omame a'nogoba lebetnisili'logo andi.

WAHYU 15:3

A'nogo logolik, at Musa Allah amingmingengge a'nogo awuni inom, Domba Eak a'nogo awuni inom, emberek inawuni wati logolik mel ikhi lagaikha: ”Allah nineisena, Hat homame hokhoma re, Yi mene ti mene hilingisu hagenek, Elalin mene hokhorogo inailo mene nek hilingitendek. Hat yi afuni ti afuni ineisena Henupogot logolik, Higithogo nek hilinginafendek, Fano nek hilinginafendek, Nineisena.