MAZMUR 110:3 - Allah Wene Fano Wene Hupla Inane

³ Hat hebe Handom horek oba andoma homamerogo wagunem he, o hubet lilengge welagarek hak, hat hagoromi ap alage mene inendawinggen nenat yabugun iluk, esa hokhorogo logalugun.

MAZMUR 110:3 ပူးပေါင်းရင်းမြစ်များ

1 TAWARIKH 16:29

At enu mondok ombak-bak werek mene andi nek fogera'ni o, Wam warogo At obaget hilingitu mene re waluk At awi wuri'mo kwini. Tuhan apne wanhi logolik he, su Allah obaget hilingisuogeluk labetarek asu a'nogo labet fuluk apne wanini o!

NEHEMIA 11:2

Nen, it ekhe fena inanggele'ma omanogo nen he, nit he o Yerusalem femhogo logogun fano iluk isukwama, iren a'nogo isukwa mene a'nogo faget he it afuni omanogo nen fogerinafukwa.

MAZMUR 29:2

At Tuhan enu ibi ebe mene andi fogera'ni o, At obaget hilingiti logolik su labetu mene andoma laberogo apne wanhi logoni o.

MAZMUR 96:9

Hit hinebe mondogaren Tuhan awe a'ma hineindep awi yagaisogo hinasu Tuhan obaget hilingisuogeluk labetarek mene laberogo At faget fogerati logoni! Hit afuni o kweangma yoma welagep mene re At elokhoma nen hinoak leigeti logoni!

YEHEZKIEL 43:12

O Tuhan Awi andi obabut amu lenogo hilingik mene re yi'nogo, o sili era'lukwe punu legokwe ebene andoma mondogat he hihorek mene werek,” ikhe.

MIKHA 5:6

Tuhan nen he yi mene ti mene yago meneba lilengge ebene figik, meiso pelabi wagik, ugunem fano agarek andi hak, afuni Israel mene fena ekhe ineluk werek mene andi afuni inunggulenu lombok inanggelekwe logolik, afuni mene inoba himbirik welagi'lek Allah oba himbirik were'ma, Aren fanorinabigin.

KISAH PARA RASUL 1:8

A'nogo meneat he, Allah Areagun hinoba pi waga halok, hinomame asigin. Hinomame asimbik he, o kota Yerusalem en, propinsi Yudea nen, Samaria nen, huli o yi awi ti awi esanggo-esanggo andomaat laga logolik, an yi mene ti mene hilingirik nugunem hineilenggen neegep mene a'nogo, an faget yagaisilik laga logoino o,” iluk yagaisasikhe.

KISAH PARA RASUL 19:20

A'nogo hilingitukwama re, Tuhan Allah ane andi hokho agik, omame agik, ikhi lagaikhe.

KISAH PARA RASUL 2:33

At ebe Allah nen eluget fikhesik, era'lu kain logouwageluk menfikhemo werego. Logolik, Allah nen, Nareagun wokhisagain, iluk wene wa'nisasikhe hagat Yesus wogetemo, aren hokhorogoat nit ninoba pelakfei wagama re, nit hilingitunem hineilenggen nisigik, hinesanggo holhik, ikhi lagep andi.

KISAH PARA RASUL 2:41

A'nogo komorinafikhemo re, it wene wanhukwa mene halok ima pelaginafukwa. Andi sambul inebe 3.000 hangge ima pisukwasik he, hobuk inom lambukhogo welagaukwa.

KISAH PARA RASUL 21:20

Yagaisasikhemo, Allah hilingitikhe mene andi fogeratukwa. Fogeratukwasik, Paulus yagati logolik he, ”Paulus nagailak. Afuni Yahudi mene inebe 1.000 hangge nek fuk. Mondok hokhorogoat inendawinggen Yesus oba himbiret fagasik werego. Logolik he, wene Allah nen komotninafikhe wene a'nogo it mondogaren fisogo logouwogeluk inomamerogo hilingiri'lagwi andi hat helu anggigi.

KISAH PARA RASUL 4:4

A'nogo meneat he, it Petrus Yohanes emberek a'nogo oan kwelakfisigi'lek werek kwelek, afuni yagaisasukwama inesanggo holhukwa mene omanogo inebe hokhorogoaren, ”Wene andi eberogoat,” iluk wanhukwama re, it attak mene inom, hobuk mene inom, lambukhogo, ap enek inenggi wenaginafunem 5.000 hangge hilinglagaikhe andi.

2 KORINTUS 13:4

At Kristus ebe lebelek were'ma eba menfuluk watukwa meneat he, at Allah omameba eluget fesikhemo elugat welagarek. Andi hagat he, nit at ni nom hundik logolik lebelek welago meneat he, at Kristus ninom hundik nineluk logolik he, Allah omameba hit faget hilingisi wesugun o.

2 KORINTUS 8:12

Hit hinangge lek mene fuk. Athe, werek mene hinendawinggen oba nen it andi fisogoin halok he, at Allah nen, ”Fano faga,” iluk anggagain.

2 KORINTUS 8:16

Niren hit faget ninghogo hilingisuogeluk hilingiti lago hak, at Titus a'nogoat hilingiti logouwageluk Allah nen endawimo kagalhunem hilingiri'logo andi nen he, Allah hai wati logouwogo.

EFESUS 1:4

At Allah nenat ninebe at onggwarek faget fakhaluk, at eilhanem tegelek logouwageluk, pogot kweang oan elalhi'lek logolik, wena'ninafikhe andi ebe at Kristus nenat wena'ninafikhe o.

1 TESALONIKA 4:7

Allah nen, nit weak hilingiti logouwageluk ninayonggo fesikhe lego. We, ninebe at onggwarek faget fisaluk, horek logolik, higithogo hilingiti logouwageluk ninayonggo fesikhe andi.

TITUS 2:14

Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.

IBRANI 13:21

Hit Allah endawimo amolo anggikherek mene nek fano hilingisubagaigen he, yi mene ti mene fano mene mondogat wokhisoak. A'nogo wokhisugunem, nit ninom mondogaren Allah endawimo fanorogo hilingiti logouwageluk, ninobabut aren wo'nisagain andi ebe re, Yesus Kristus nen wo'nisoago. At Kristus andiat fogeratu mondok logouwogo. Ebe asuak u hak, ”Amin,” igi andi.

WAHYU 7:9

A'nogo higiri'mo nen, ombo'ne neilenggen isigi re, yi afuni ti afuni inunggulenu lombok, inagap lombok, inawi lombok, inane lombok, su kut uandek laberek mene, afuni nen wuni wati logolik, feigengga sombologo inenggim wanharek andi hak, e engga mene inenggim waluk, Allah kain welagarek obuluk oba andoma Domba Eak emberek were'ma ineilhanem andogorek inebe huli yiba iluk, inenggi wenasu mondok elo'lek logolik, inane hokhorogo mel ikhi lagaikha:

HAKIM–HAKIM 5:2

Afuni Israel mene inogogwi kaindek omanogo weim yabugun iluk sikhiphogo aga, ap inebe mondogaren inendawinggen oba nenat yabi logoin aga andi nen, nineisena Tuhan fogerasuogo.

HAKIM–HAKIM 5:9

Ap Israel mene inogogwi kaindek weim awene agarek mene inom, afuni holhu mene inomen inendawimo nen anggaluk weim yabugun aga andi, Nendawilage, iluk hai wathinafi lagi o, Tuhan enek fogerati logouwok!