MAZMUR 11:7 - Allah Wene Fano Wene Hupla Inane

⁷ At Tuhan andi re katokhogo nek hilingitunem he, afuni fanorogo nek hilingitarek mene re Aren endawi hundik hilinginaferek, nen afuni higithogo hilingitarek mene re Tuhan ebe ineilenggen haluk inelu agarek.

MAZMUR 11:7 ပူးပေါင်းရင်းမြစ်များ

AYUB 36:7

Afuni inobabut higithogo hilingitarek mene re, Aren futfisaluk hilingfisikherek, it inebe re ap raja-raja logolik melalinafarek omanogo hakhogo inalong logouwageluk hilingfisugunem he, it afuni nen inenggi hundik-handik omanogo re inalong anggaluk foget fisikhi logolik enek werek.

MAZMUR 146:8

afuni ineilenggen mum mene ineilenggen yethoageluk fenggen fisigik, afuni pule pugu mene Aren omamerogo menfisigik, afuni higithogo hilingitarek mene Aren endawi hundik hilinginafik, ikherek.

MAZMUR 17:15

Oba nen he, an enek he weak hilingiti lagi le'ma re, Hat hebe neilenggen heagain o. An nebe nogokhi lagiba nen neluk a'luk he, Hat hebe ninom hundik welago mene andi faget ebethealuk he, nendawimo nagaiyek mondok aga lagi o.

MAZMUR 21:6

Haren lebethuguba nek at ebe ap lego mene hilinglaga, Harenat at ebe enu lego logolik anggiluk werek mene logouwageluk hilingisogo fegen.

MAZMUR 33:18

It afuni wene melalek fifurogo hilingiri'lagwi mene inom, nen endawit ninabuageluk oba eberek mondok werek mene inom Aren ferinarek mondok werek.

MAZMUR 33:5

Aren he higithogo hilingitarek mene andi inom, katokhogo hilingitarek mene andi inom he, endawi hundik mondok werek. O kweangma yoma yi awi ti awi mondogat he Aren endawi hundik hilinginaferek mene a'nogo nen hoporek werek.

MAZMUR 34:15

Inobabut weak hilingitarek mene andi agaiserogo herakfisaluk, fano mene nek hilingiti logoino o. It ekhe hinom lambul fuluk, hinebe fano seberogo welagaikharek mene andi, hinomamerogo hilingiti logoino o.

MAZMUR 37:28

At Tuhan nen he fano hilingitarek mene inom, katokhogo hilingitarek mene inom endawi hundik anggikherek. Afuni At oba tiphogo nek hilingitu welagaikharek mene re hesanggema obogerisikherek lek. Aren mondok-mondok andoma awe a'ma fisaluk ferinarek mondok werek, oba nen he, ap weak hilingitarek mene nen tagomangge mene re mondogat wathigik lakfisagain.

MAZMUR 42:5

O attak afuni inebe hokhorogo andogosuogeluk lagunem, At Tuhan Awi wuri'mo laga logolik, it afuni esa logalogo lagu kwelek attak laga logolik, wuni At fogeratarek awuni watik, nagaiyegetik, hilingirik laga-lagagi mene aremnogo ebet haluk he, an nendawimo mondok heiselhi lagi o.

MAZMUR 45:7

Haren ferinarek logouwageluk At Allah nen homame wokheterek, hat homame andi re mondok-mondok logouwak, haren he mondok katokhogo nek it hagainafuri melalinafi lagen.

MAZMUR 45:8

Haren weak mene faget habiret fuluk he, eberogo wene faget enek he hamukhirek logolik welagen, andiba re At Allah, hat heisena Allah a'nogo nen hebe wenak hafesik, it raja-raja omanogo elo'lek hak werek kwelek, harenek he mondok fanot hobagaikhe andi.

MAZMUR 5:12

It afuni Haren hawea'ma fisaluk ferinarek werek mene re inagaiyek haluk, mondok-mondok inanggilugeti logouwak. It afuni Hat hoba inendawi hundik anggaluk hilingiri'lagwi mene andoma re Haren ma'murogo ferinarek logoin, iren Hat faget enek inagaiyegeti logouwak.

MAZMUR 7:11

Afuni inendawinggen mondok higit mene, inagap telinaferek mene andi ebere, Allah an nebe awe a'ma nobagaluk telnaferek mene andi aro.

MAZMUR 7:9

We, Haren enek afuni inawene ayo wurogo pilinginafi lagenma re, Tuhan neisena, an he weak hilingiti le'ma re we Harenat nawene katokhogo palnobagain o.

MAZMUR 99:4

Hat he Raja homame hokho mene welagen, higithogo hilingitarek mene andi nek hendawirogo welagen. Haren enek eberogo wene a'nogo omamet fikhi lagen, Harenat he it afuni Israel mene were'ma andoma higithogo hilingfisigik, wene melalek omanogo menfigik hilingiti lagen.

AMSAL 15:9

Tuhan he, ap obabut weak hilingitarek mene andi abit isikherek. A'nogo meneat he, it ekhe at Allah endawimo amolo anggikherek mene faget inomamerogo hilingitarek mene andi nek he endawirinaferek.

YESAYA 61:8

Tuhan nen he, mel ikhe: ”An he, afuni inobabut weak logolik, yi enggin ti enggin hilinginafarek andi re mondok nabit logolik, higithogo hilingiti logogun andiat namolo welagirego. An he, nebe hit hinoba lomborogo logolik, onggo fano mene wokhisigik, wene mondok logogin mene warogo wokhinafik, ninom hundik welagik, igin o.

1 YOHANES 3:2

Nerugwi nagaila'lak, nendawilage. Yogondak nit ninebe Allah againafuri welago meneat he, hobuk ninebe logogun mene weinamet figi'lek oan hinago werego. A'nogo meneat he, nit ninelu re, Yesus ebe yogondak werek mene nineilenggen furogo hogoin andi nen, at wesigin andi sambul ebe wagunem, nit ninebe at ebe werek andi hak hilinglasuguno.

WAHYU 22:4

A'nogo logolik, Allah enu it inelhaba lisu pale'ma re, iren at elokhonggen ineilenggen hikhi logogun.