MAZMUR 11:6 - Allah Wene Fano Wene Hupla Inane

⁶ Afuni weak hilingitarek mene halok he Aren enggin-fenggin ekhe mene-ekhe mene inom, endu oba inom, helebenggen endu meneba inom, nen sogoi aganhan nen nolinaferek meneba inom unggum inoba fikherek.

MAZMUR 11:6 ပူးပေါင်းရင်းမြစ်များ

KEJADIAN 19:24

Aremnogoat Allah nen meiso endu mene inom hendali al hangge amben weak mene enu belerang inom o Sodom Gomora pelabi wagaikhe.

KEJADIAN 43:34

A'nogo hilingfisasikhesik, it a'nogo at Yusuf angge meja talek oba nageluk fesikhe mene omanogo wogisasikhe. Wogisikhi logolik he, at Benyamin a'nogo nek he hokhorogo enggi fuap oba wogetikhe, oba nen it ogogwi omanogo nek sebelogo wogisasikhe. A'nogo wogisasikhemo it a'nogo lambulogo inamburu ninggik, inagai ninggik ikhi logolik inalabut ninghogo nasukwa.

AYUB 18:10

At obaget kweangma hele wephogo hinago werek, nen ebekwe at lagain kwe re asi pelabek welagik, sapna lego welagik, hilingik werek.

AYUB 18:15

At awi wurik he meiso endu pelerang mene oba kweisalogo nolfoumo re aldamukhogo nagain.

AYUB 20:23

At alabutmo kwalikherek mene faget aseng-seng paseng-senghogo hilingitu sambul aremnogo re, At Allah nen anini at oba fikhesik he unggum wogete.

MAZMUR 105:32

Andi nen, ombo'ne re o meiso obali'mo, meiso sogenggen mene lakfei wagik, nen o ekhema-ekhema andoma eilabut kulunghogo lakfigik wakfigik uageluk lakfei wagaikhemo, mondogat yegel-fegel hasikhe.

MAZMUR 16:5

Tuhan Neisena, an nebe re Hat mene welagi. Yi mene ti mene an nelokhoma lek mene re Haren wo'neti lagen, an nebe re Hat henggiba welagi.

MAZMUR 18:13

At elokhe mo asinandi hangge omanogo nen he, anggulok hik mene inom, meiso es mene inom, nen endu mene inom omanogo terenghogo lakfikherek.

MAZMUR 32:10

Afuni weak hilingitarek mene re, yi enggin ti enggin inoba hokhorogo wagarek. A'nogo meneat he, it ekhe inendawinggen nineisena Tuhan oba himbirik welagaikharek mene re, inebe endawi nen he, ferinarek mondok werek.

MAZMUR 75:8

Oba nen he, At Allah amu nenat inawene pilingisogo ayo wurinabigin. Arenat it ekhe sebelfisigik, nen ekhe legeisogo fisigik, igin.

YESAYA 51:17

Yerusalem yei, helugame o! Helugame o! Tuhan anini nen unggum hokho mene hoba pelabi wagama hikhi logolik welagen mene a'nogo mondogat lek aga o.

YESAYA 51:22

Hineisena Tuhan nen he yi'nogo ili'logo. Hit hineisena Tuhan Allah hit hinili wokhinaferek mene a'nogo nen he mel ikhe, ”An na'mage nen enggin-fenggin hinoba fikhi lagi mene andi re hobuk hit hinoba nen An nen lisogo wanigin o. Nen An nanini hinoba fikhi logogin mene a'nogo legarik lagunem he hit hinoba enggin-fenggin ekhe hogoin mondok lego.

YEREMIA 13:25

Hiren An nebe hinonggot a'luk ilah amu mene omanogoba tibet fuluk hilingiti lagepma re hit hinoba fagain mene iluk An nen fouget figi mene re andoma o.

YEHEZKIEL 13:13

Tuhan Lego Mondok welagarek mene a'nogo ane ikhi logolik, ”An na'mageba, leget pak waganek mene andi lilibukhogo feigiluk he An nen sogoi sielu inom, meiso sogenggen hokho mene inom, meiso es mene inom lakfei wesigin.

YEHEZKIEL 38:22

Athe An nen unggum wogeti logolik, ou amben weak meneba inom, amep wulagaisogo inom, wene oba fagain. Nen meiso sogenggen hokho mene inom, meiso es mene inom, endu belerang mene inom oba re, at oba inom ap agoromi tentara andoma inoba inom it inunggulenu hokhorogo at inom seberek mene andoma inom inoba kweisal fisagain.

HABAKUK 2:16

Nen hiren a'nogo hilinginafi lagep andi nen he yogondak asi waga mene andi re hit fano agaugwet hinabigiluk waga re fuk, athe hinenggali wagoro weaget hinabigiluk waga o. Agaugwet hinafarek mene andi hebekhogo hinenggali asu mene hilinghinobagagin. Tuhan nen unggum i amusu arik weak mene hinago omameba wokhisamo nambik, talo-talongge hilingisugun.

LUKAS 17:29

ap Lot a'nogo o Sodom herakfisaluk wulibi lagaikhemo re, Allah pogoroba nen meiso endu mene inom, hendali hangge mene inom, pelakfei wagaikhemo re, it afuni omanogo inebe felelenghogo inoatikhe.

YOHANES 18:11

A'nogo lakfesikhemo, at Yesus nen he, mel yagatikhe: ”Petrus. Henggarok obali'mo hou a'ma kwelakfakhan o. Afuni nen i hinago wogisugunem nenggarek andi hak, an neisena nen, hat yi enggin ti enggin hilinghabugun o, iluk yaganetikhe mene andi higithogo, an hilingnafunem elo'lek anggegen a? Lego. Hilingnabugunaro,” iluk yagatikhe.

1 SAMUEL 1:4

A'nogo were'ma at Elkana nen wam warogo Allah noleti lagaikhe andi mene ebe lombok noleti logolik, wam senggelek fenakwe, he Penina eagwi mondogat inom inebe lombok wogisikhi lagaikhe.

1 SAMUEL 9:23

A'nogo hu'lagaukwama, at Samuel en ap isati lagaikhe mene a'nogoba mel yagatikhe: ”Wam kurik wokheti a'nogo tak isagaisogo ale'ma fei we'no o,” iluk yagatikhe.