MAZMUR 11:4 - Allah Wene Fano Wene Hupla Inane

⁴ Tuhan he awi fanoma horek oba omanogo werek, o Sorga andoma re At ebe hurek werek oba. A'nogo logolik he afuni mondogaren hilingitarek mene omanogo faget eilenggen penetu werek, andi nen he it inobabut yinik-hunik hilingitarek mene andoma mondogat he At elu mondok welagarek.

MAZMUR 11:4 ပူးပေါင်းရင်းမြစ်များ

1 TAWARIKH 17:5

It inunggulenu Israel inap o Mesir en fikhalogo wulaginabi wagagiba nen yogondak huli nen he An o wuri'mo ekhe welagi lek. An he leil warik nikhi logolik o sabu salek kwe nek nogolik nikhi lagi.

2 TAWARIKH 16:9

It afuni inendawinggen Tuhan oba tibet fuluk hilingitu halok At Tuhan nen omame wogisagain iluk o kweangma yoma mondogat Tuhan nen eil halinafi logolik werek. Haren mondok kemburogo hilingiten ma re yogondak huli nen he ap hinom weim yabi waga logolik enek were'ma hikhi logogin o,” iluk yagatikhe.

AYUB 24:23

We Tuhan nen he at ebe fano logouwageluk herak fisugunem werek, oba nen he, Aren oboget higi'lek kagalek mondok werek.

MAZMUR 103:19

Nineisena Tuhan ebe pogoroba logolik, yi'nogo hilingi'ni ti'nogo hilingi'ni iluk melalinafu were'ma, yi afuni ti afuni ekhe mene-ekhe mene mondogat he, at a'ma nek welagarek.

MAZMUR 113:5

Nit nineisena Tuhan Allah andi inom higit mene re sa ekhe werek anggegep? At ebere takhta ba obalik mondok legoma omanogo hurek logolik werek.

MAZMUR 139:23

Allah neisena, an nendawimo kwelaknealuk he, fanorogo peneti logoino. An nobabut palhi logoino Nendawimo ebetirek mene, Hat helurogo logoino.

MAZMUR 14:2

Tuhan ebe pogoroba nen afuni inobabut hebelek logolik At ebe fogeratarek mene ekhe werega lega iluk pelaginarek logolik eil woginaferek.

MAZMUR 18:6

Wa'lagaikharek mene a'nogo nen he an haningisogo kwelaknabi weri'lagwi, nen wa'lari'lagwi mene andi re hele wepsek were'ma hakhogo an neralukwe a'nogo wepsek logolik werek.

MAZMUR 2:4

A'nogo ugunem he, nineisena Tuhan ebe pogoroba at obulu'mo welagarek oba logolik he, inane esanggo holheresik, ”Hiren a'nogo hilingisu hak nogo a?” iluk ina'mage leget fisigik, endo yaginafik ili'lago andi.

MAZMUR 33:13

Nineisena Tuhan ebe pogoroba nen, eilenggen pela'lasi wagarek, nen At eilenggen he yi afuni ti afuni mondogat inoba werek.

MAZMUR 44:21

Niren ambi Allah nit nineisena a'nogo fogerati'legengge nen, niren allah amu mene hilingfuluk fogeratarek mene omanogoba fogerati logoumo nen he,

MAZMUR 66:7

At ebere andungdang mondok hokho mene logolik hundik-handik andoma melalinafu mondok werek, Ap wene oak lagalharek mene andoma re At elokhoma nen foget fakha nogoluk, Aren afuni inunggulenu lombok omanogo kagalinarek werek.

MAZMUR 9:11

Tuhan neisena, afuni Hat hebe inelu mene re Hat hoba nek inendawinggen eberek logolik werek, nen it afuni Hat herakhabi'lagwi mene re Haren ogo oboget isaluk lagalagen mondok lek.

AMSAL 15:3

At Tuhan he o yi awi ti awi mondogat eilenggen kogolhi logolik werek. A'nogo logolik he, afuni inobabut fano hilingitarek mene inom weak hilingitarek mene inom mondogat eil woginaferek.

YESAYA 66:1

Nineisena Tuhan nen he mel ikhe: ”Pogot andi An nebe hurek welagirek oba o. Nen, kweang he neisok sebelek welagirek oba. Andi nen he, hiren An nawi ninggi'nogo mene ekhe wurogo nobagagun nogo. Nen, An nebe logouwageluk obalik ninggini'mo ekhe nobagagun?

YEREMIA 17:10

An Tuhan nen he afuni inendawinggenma peneti lagi, nen inendawinggenma wenggelharek mene obabut palhi lagi. Afuni inebe lombok he inobabut hilingitu lombok An nen ambisangma hilingfisikhi lagi, nen it hilingitu higithogo An nen ogo a'nogo hilingfisikhi lagi aro,” iluk ikhe.

YEREMIA 23:24

An he yi kwe ti kwe pogoroba inom, kweangma inom welagirek enek hilingi'mo re, ap misigen ekhe An nelokhoma nen hina'lasumo re elo'lek.

MIKHA 1:2

Hit afuni hinunggulenu lombogen he an wene igin mene andi fanorogo holini o! Hit afuni o yi awi ti awi welagep mene nen he an nen wene igin mene andi furogo futfikhi logoino. Tuhan Lego Mondok welagarek mene a'nogo nen hit hilingiti lagep mene At eil oba nen fakhogo hinenggali wasigiluk, At onggwarek aiba mondok hore'ma omanogo nen ane ili'lago a'li andi hinesanggo holini o.

HABAKUK 2:20

Meneat he, Tuhan ebe onggwarek awi wuri'mo hore'ma welagarek andi nen he, yi afuni ti afuni o kweangma mondogat welagaikharek menere At a'ma nek inabolok legat logogun andi fano.

ZAKHARIA 2:13

Nineisena Tuhan o pogoroba ebe welagarek oba omanogo nen arat weri'lago andi nen he hit hinebe mondogat he At Elokhoma hinabolok lek logoni o.

MATIUS 23:21

Nen, sa nen Allah awi wurik andi enu hombuk palhu halok he, o wurik andi inom, Allah ebe o wurik eisewerek welagarek andi inom, inomat enu hombuk pali'logo o.

MATIUS 5:34

Meneat he, an nen ekhe yi yagahisak. Hiren he, at ekhe yagati logolik: Yi mene ti mene enu hombuk palogo yagaheti o, iluk, yagasugun mondok lego. Allah ebe pogoroba hurek welagarek andi nen he, pogot andi enu hombuk palugun mondok lego.

2 TESALONIKA 2:4

At andi ebe weinam asimbik, Allah awi wuri'mo menlasi kwimbik he, onggwaregen fogerakhikhi logolik yi'nogo igin: ”Afuni nen, yi mene ti mene oba himbirik logolik fogeratarek mene inom, hineisena ebe yi, iluk agarek mene andi mondogat inom, elo'lek enek meneat he, esin allah nebe an aro,” iluk ikhi logogin andi.

IBRANI 4:13

Allah eilhanem he, yi mene ti mene aren elalhikhe mene ekhe hinago werek nogo? Mondok lego. We, at eilhanem yi mene ti mene mondogat he weinamhogo selek mondok welagarek andi nen, nit hilingiti lago mene at elumo re ninoba lombogat wene ninom ugun o.

WAHYU 4:2

A'nogo yaganetu kwelek aremnogoat, Allah Areagun noba louk i wagama neilenggen yethigi re, pogoroba at kain welagarek obuluk oba were'ma yethigi. At ebe re obulu'mo aremnogo hurek welaga.