MAZMUR 109:23 - Allah Wene Fano Wene Hupla Inane

²³ An nebe re afuni inafumak o hubet palogo lagarek a'nogo hak lega'leba nen, no pulue tarogo lagarek a'nogo hak lega'leba nen.

MAZMUR 109:23 ပူးပေါင်းရင်းမြစ်များ

1 TAWARIKH 29:15

Nineisena Tuhan, Hat he mondogat helu o, nit ninambu ninombalak hakhogore nit ogo nineluk welago yi re ap pok hakhogo inom nogoukmo lagaikharek hakhogo inom welago. Nit nineluk yi re afumagengge attak hilinglagu mene wenggelhagarek andi higit hilingi'mo re, wa'lagu meneba nen hobuk ineluk asu lek hak.

AYUB 14:2

A'nogo logolik, engga sabelheresigen weak-weagat sawet a'luk, lologo pikherek andi hak welagik, nen, inafumak weinam a'lugen lek agarek hak hilingitarek andi.

MAZMUR 102:12

An nebe neluk a'nogo re o hubet inafumak palogo lagarek higit lek aga lagi, nen engga halongo ikherek hak an nebe puk agarik welagi.

MAZMUR 144:4

Afuni andi re sogoi misigam furogo lagarek andi hangge, nen inafumagengge palogo lagarek andi hakhogo inebe a'nogo werek.

KELUARAN 10:13

A'nogo yagatikhemo re, at Musa nen arige tomuk a'nogo lekhasikhemo, nineisena Tuhan sogoi mo lagai wagarek higit andoma nen lakfei wagaikhemo, hup hundik, lingge hundik, funhikho-fanhikho mondok werek kwelek, o hubagaikhesik ohealekwe weigiluk ugu kwelek he, sogoi a'nogo nen pulue mondok hokhorogo waluk wagaikhe.

KELUARAN 10:19

Samban a'nogo isikhemo, At Tuhan nen he, sogoi mo lagai wagarek higiren wagaikhe a'nogo hebekhogo mo kwikherek higiren omame hokho mene funha wesuageluk hilingitikhemo re, pulue omanogo o Mesir yi awi ti awi ekhe herakfigi'lek mondok felelenghogo sogoi en furogo waluk i enu Gelagah mogo yenggelek welagaikheba andoma lakfisa wagaikhe.

PENGKHOTBAH 6:12

Nit ninebe we eilhorogat logolik ebe ambisangma legengge faget were'ma nen we inafumak palogo lagarek hak lagarek mene andomaba re ebe ti mene iluk ninggi'nogo inelu asu hak nogo? Nen, at ebe lek agu kwelek hobuk o kweangma yoma asigin mene ninggi'nogo elu asu hak nogo?

PENGKHOTBAH 8:13

Agaumhogo re ap kwanirogo hilingitarek mene re enggin-fenggin hokhorogo hikhi logogun. At ebe eluk werek mene re inafumagengge palago lagarek hak weak-weak legasigin. Andi re aren eisena Tuhan oba tiphogo hilingiti logogin lek andi nen at ebe umur oan werek kwelek wa'lasigin andi.

YAKOBUS 4:14

Ohealekwe nit wene ninoba yi'nogo hilinglasigin, iluk hinonggorat logolik ikhi lagep andi ri! Nit ninebe andi nena mene hangge welagorek nogo. O hena endebat welagaresigen weak-weagat lek agarek andi hak, ninebe a'nogo welagorek andi.