MAZMUR 108:4 - Allah Wene Fano Wene Hupla Inane

⁴ Tuhan neisena, an he it afuni inunggulenu ekhe mene ekhe mene inanggele'ma andoma nen, hai wathafi logogin. It afuni inanggele'ma andoma nen, an nen wuni Hat fogethafu awuni ikhi logoile namolo welagi.

MAZMUR 108:4 ပူးပေါင်းရင်းမြစ်များ

2 SAMUEL 22:50

Andi faget he it afuni inunggulenu lombok inanggele'ma nen legeisogo hobagakhi logogin o. Nen Hat hobaget wuniba fogethafu mondok logogin.

MAZMUR 103:11

Oba nen he kweangma nen, pogot halianggen oba liakhugunem mondok uan andi higit, it afuni Allah oba inailorogo welagaikharek mene andi re, mondok hokhorogo endawirinaferek.

MAZMUR 113:4

It afuni inunggulenu lombok welagaikharek mene andoma mondogat he At Tuhan omameba nek sebelinarek werek, At andungdang werek mene andi re pogot ambolkwe po'limaba hilingik.

MAZMUR 36:5

At ebe nogoikherek oba omanogo nen he weak hilingitu mene faget wenggelherek, At obabut he fano hilingiterek mene ekhe werek lek, nen weak mene re nabit iluk herak fisikherek legat.

MAZMUR 85:10

Aren he afuni wene melalek futfuluk hilingiri'lagwi mene re ibi-eberogo nenat inagap telinabigin werek, At Allah mondok andungdang werek mene andi re nit ninaiba yoma logogin.

MAZMUR 89:2

Neisena Tuhan, Haren hendawi nealuk, hendawi hundik hilingnafi lagen mene andi faget, an nen wuni watu mondok logogin o, Nen Haren tiphogo nek hilingnobagakhi lagen mene andi faget he, inebe ekhe ta'lagik ekhe ta'lagik hilingirik wagu kwelek andoma an nen fakhogoat yagaisugu logogin o.

MAZMUR 89:5

Hat hebe kain henupogot logolik ferinarek logogin oba andi re, inenggi mondok-mondok andoma faget An nen nenggi omamerogo fisogo logogin o, nen mo lagagik-pigik andomaba re hat hagainafuri tagomangge mene nen ferinarek logogun,” iluk yagati, isigin a'nogo.

YESAYA 55:9

Kweangma nen pogoroba eil uan welagarek andi hak, An nen wenggelhirek mene andi re ambolkwe hak werek kwelek haren wenggelhi lagen mene re a'makwe hak werek, An lagirekwe re poma hak werek kwelek hat laga lagen kwe re a'makwe hak werego.