MAZMUR 108:13 - Allah Wene Fano Wene Hupla Inane

¹³ Nit afuni nen lebetninabi'lagwi mene andi re we alomarogo hangge hilingi'mo re, it ninaselei mene were'ma andoma nen Haren lebetninabin o.

MAZMUR 108:13 ပူးပေါင်းရင်းမြစ်များ

2 TAWARIKH 20:12

Nineisena Allah re, we Hat hamuat! Nit he niren hilingisu elo'lek mene nek agama re, Haren lebe'nisan iluk Hat hambit wagoma re, niren ap tentara hokho-pokhorogo andoma nen nit noasuogeluk hilingitunem nit he ninomame legen he, haren it unggum wogisan,” iluk samban isikhe.

MAZMUR 144:1

Daud en isikhe mene. At Tuhan andi re an nebe awea'ma nobagaluk fetnarek werek mene hilingi'mo re Arenek fogerati logouwok! Aren he weim yafarek mene andoma an yanggulnafik, o pin talogo inoatarek mene andoma an yaganetik, ikherek,

MAZMUR 18:42

Iren inane humeri'lagwi, oba nen he aben ekhe leberisili'lagwi lek, nen iren Tuhan oba inane yagari'lagwi, oba nen he Aren inane onggo yagaisili'lago legat.

MAZMUR 60:12

Neisena Allah, Hat he nit ninom lagu aple re habit a? Hat he nit ninagoromi tentara inom seberogo lagu aple re habit ara?

YESAYA 25:10

Tuhan enggi Punu Sion oba sebelek logogin, oba nen Moab he gandum enggen ineisogen perelharek hak alperelogo fogoin.

YESAYA 63:3

Tuhan nen onggo ikhi logolik, ”An nagainafuri ekhe nen lebetniigi'lek, we, namuat anggur enggen sagalharek oba andoma kwigirik, na'mage afuni inunggulenu lombok inoba figirik he, anggur enggen sagalharek andi hak, inebe neisogen alpiril perelhogo inoatimo it inamep he singgiringgi palogo An nasu bene wagama re, An nasu mondogat emerogo fikhe andi o.

ROMA 16:20

At Allah afuni inendawinggen hambuget fikherek mene a'nogo nen, at Iblis andi hineisogen alperelogo herakfisoageluk weak-weagat hinawe a'ma fei wesigin werego. Ninoe Enupogot Yesus Kristus obabut fano a'nogo nen kwelakhinarek logouwago.

1 KORINTUS 15:10

A'nogo igin elo'lek meneat he, Allah obabut fano nen nayonggo fesikhemo yi'nogo agagisik welagi o. Nayonggo fesikhe andi we tulemat fesikhe lek andi nen he, it ekhe mondogat yabu endebat hangge wanhu kwelek, an enek he, hokho hangge wanhi lagi o. Mene re, a'nogo wanhi lagi andi re, an nen wanhi lagi fuk. Allah obabut fano nen nemberegat logolik wili'logo o.

2 KORINTUS 2:14

A'nogo meneat he, at Kristus omame agaikhe andiba elokhe wanhu kwelek nugunem, nit at ninom hundik mene Allah nen Kristus ombo'ne wo'ninarek nikherek, iluk fogerasuogo. A'nogo wo'ninarek nikhi logolik, amben fano mene sang-panghogo lagarek hak, at Kristus hilingitikhe wene a'nogo niren wialogo o yi awi ti awi waluk loageluk wo'ninarek nikherek.

HAKIM–HAKIM 15:8

A'nogo yagaisasikhesik, hobuk a'mageba it afuni Filisitin mene inoasigiluk lagaikhesik inebe hokhorogo inoatikhe. A'nogo inoa'luk, at ebe punu enu Etam oba andoma wagaikhesik oumo hinago welagaikhe.