MAZMUR 107:7 - Allah Wene Fano Wene Hupla Inane

⁷ Aren he ebekhe pikhithogo yago kwe nen woginarek laluk he, o kota afuni inebe werek oba omanogo fisa laga lagaikhe.

MAZMUR 107:7 ပူးပေါင်းရင်းမြစ်များ

YEREMIA 31:9

A'nogo waga logolik le arik-arik wagunem he, An nen koninafik, inendawimo fanorogo hondogoisogo fisa wagik, igin o. An nen he i hokhorogo werekwe nen hondoginarek wagik, kweang tonggorekwe nen it ineisok unggut tunghogo wara lekwe hondoginarek wagik, igin. Ariginigin andi re An he it Israel mene ineisena welagi nen Efraim he An namlogo manggusa mene werek andi nen hilingisigin o,” ikhe.

IBRANI 12:22

It andi hangge meneba wagaukwa meneat nen, hit enek he, tom Sion Allah eluk welagarek mene awi sili o kota Yerusalem pogoroba meneba wagep andi. Andoma re, malaikat esa yi esa ti esa hokhorogo inom,

MAZMUR 77:20

Hat hebere i laut agum founalhukwe ambolebene andoma lagendek, oba nen Heisok sebelhukwe re obalik werek lek.

2 PETRUS 2:15

It andi re, kwe higithogo lagaikharekwe andi herakfisaluk he, attagat at Bileam Beor amlogo kwe kwanirogo lagaikhe andi kwe laga logogun andi. At Bileam endawimo nen he, ”An weak hilingitunem onggo wo'nesuak,” iluk endawimo amolo anggasikhemo,

IBRANI 11:16

We, it ebeti lagaukwa andi re, inawi ebe fano mondok pogoroba mene faget inamolo anggikhi lagaukwa andi nen he, Allah nen it faget inawi arat tegelogo fisasikhemo andi nen he, aren, ”An it ineisena,” iluk, enggali legat ikherek andi.

YESAYA 30:21

Hiren ebekwe herak fisaluk taganhogo wulibi logoin oba nen, hinambotkwe nen yagahisikhi logolik, ”Ebekwe re yi o, yiba lani,” iluk yagahisikhi logogin.

MAZMUR 107:36

Afuni inamburu nele mene re, o andoma fisikhi lagaikhe. Fisugunem inawi kota sili pumbukhogo wurogo kwikhi lagaukwa.

MAZMUR 107:4

Afuni nit mene ekhe, it afuni ekhe inawi kota welagaikharek oba, kwe lagukwe inonggot mene o leikwe afuni le'ma andoma, leil warik ya lagik ta lagik nikhi lagaukwa.

MAZMUR 78:52

A'nogo hilingfisaluk he, Aren it againafuri a'nogo domba esa uluk-pambialhogo hilingik welagarek hakhogo o leikwe omanogo nen woginarek lagaikhe.

NEHEMIA 11:3

Nen o kota amu-amukwe andomaba re it afuni Israel mene inom, imam inap inom, Lewi inap inom, it ap TUHAN Aiba yabu hilingiti lagaukwa inap omanogo inom, nen it hun Salomo obaget yabu hilingiti lagaukwa mene omanogo inambisangma mene inom, it inawi kota lombok he inanggweang inonggwaregen meneba nek welagaukwa.

2 PETRUS 2:21

It andi ebe wene higithogo murok lagaikharek andi inelu agi'lek logoilepma re, fano hak logoilep. Meneat he inelu a'lugen, wene Allah nen komotninafikhe wene andi herakfisaluk kwanirogo lagaikharek andi nen he, mondok weak asugun o.

YEREMIA 31:24

Afuni inebe re o Yehuda ba inom desa-desa andoma bene inom logogun. Andoma re afuni yabu wanharek mene inom, nen wam domba, sapi tatarek mene inom logogun.

YEREMIA 6:16

Nineisena Tuhan nen againafuri faget mel ikhe: ”Hit hinebe ebekhe lagaikharek oba kwe handogalma andoma mendek logolik he hineilenggen fanorogo penesino o. A'nogo pene'luk he, kwe attak laga lagaukwa kwe andi, hiren wenakhaluk he, Fano re yi kwe iluk hinendawinggen hambukhogo logobagaigen he, kwe fanokwe andiat laga logoino o,” iluk ikhe. A'nogo ikhe meneat he, iren mel aga, ”Kwe haren egen kwe andi nen laga logogun he ninabiro,” iluk aga.

YESAYA 48:17

Allah Israel mene Horek Mondok logolik hinagap telhinaferek mene a'nogo nen yi'nogo ili'logo, ”An he hit hineisena Tuhan Allah welagi o, hit hinoba fano asigin mene faget yagahisigik, kwe lagukwe wokhinarek lagik, igirek mene welagi.

MAZMUR 136:16

At againafuri omanogore Arenat woginapluk o leikwe lagaikhe, Endawi hundik hilingninaferek mene andi re mondok-mondok logogin mene.

BILANGAN 9:22

At ohena a'nogo Tuhan Awi Sabu mene wuri'mo andoma o inenggi pire hea, tugi misigat oba hea, tahun misigat oba hea, ekhe inom hea, o andoma werek halok, irogo re, o andomaat welagaukwa. Were'ma nen ohena a'nogo lagugu halok enek he, inambotkwe waga lagaukwa.

YESAYA 32:18

Allah againafuri re enggin-fenggin meneba omanogo nen fikhalogo wilibimbik he liok layokhogo logolik inabolok lek mondok logogun.