MAZMUR 107:4 - Allah Wene Fano Wene Hupla Inane

⁴ Afuni nit mene ekhe, it afuni ekhe inawi kota welagaikharek oba, kwe lagukwe inonggot mene o leikwe afuni le'ma andoma, leil warik ya lagik ta lagik nikhi lagaukwa.

MAZMUR 107:4 ပူးပေါင်းရင်းမြစ်များ

AYUB 12:24

It ap inogogwi melalinafu mene omanogo re inendawinggen nong-honget fisugunem he, iren o koma laga-lago iluk mel halek-legengge hesangge leil warik nikharek.

MAZMUR 107:40

At Tuhan nen, it weagarinafi lagaukwa mene omanogo, inogogwi kaindek sebelogo fisasikhesik, o leimo afuni le'ma andoma, ebekwe mondok yago lekwe omanogo nikhi logouwageluk, yagaisasikhe.

YEHEZKIEL 34:12

An nen he ap gembala nen at anggo domba heraginabi laluk, hesangge pesangge werek mene omanogo misi'mo kaboget fisa we'luk halinafarek hakhogo, It nagainafuri andi re inebe linggene mum mene weagerinaferek mene andiba nen nalek falek werek mene andoma woginarek fisa wesigin.

YEHEZKIEL 34:6

Andiba re An nen mene domba omanogore punu uan meneba inom, tom ebene inom andoma yugunat nikherek. It he o kweangma mondogat sagare'ma re ap misigen ogo futfisigik, heraginafik ili'lagwi lek.

BILANGAN 14:33

Nen hit hinobabut lombukhogo hilingiti lagep lek andi nen he, hit hinagainafuri o leimo afuni le'ma yoma 40 tahun logolik wam konik nikhi logogun. A'nogo hilingirik nugunem enggin-fenggin hikhi logogun-logogun he ambisangma nen inagainafuri andi mene wurep kobokhogo wa'lasugun.

BILANGAN 32:13

Tuhan nen it inunggulenu Israel mene inoba a'mage inoba fikhesik he, o leikwe andoma leil warik nikhi logouwageluk hilingfisasikhemo 40 tahun nikhi lagaukwasik ap At ane sagalhukwa mene omanogo mondogat wa'lagaukwa.

ULANGAN 32:10

O ekhema lagik, ekhema lagik nugunem, inebe woginafikhe, o leimo afuni inareng le'ma, nugunem woginafikhesik, elele waganogo, ferinarek welagarek, Nen at onggwarek mene lugouwageluk, ferinarek logolik, eilen woginarek nikherek.

ULANGAN 8:15

At nineisena Tuhan hit hinebe wokhinarek, o leik hokhokwe afuni inebe le'ma, inailorekwe, kisu afuni inoaterek mene inom, elilim aik anini weak mene inom, mondok hokhorogo were'ma wokhinarek waga laga andi. i mondok le'ma kweang amusu mondok le'ma wokhinarek waga logolik, hit hinoba hambukhogo nobagaigeluk, i helep elema nen elesi wulibisogo wokhisikhe andi.

IBRANI 11:38

It andi mondogat inobabut fano a'nogo hilingiti lagaukwa andi nen, afuni inom kweangma yoma logogun he, elo'lego. It andi inawi wurik hangge le'ma re, pugulogo o leimo afuni le'ma inom, tom ebene inom, nikhi logolik, oumokwe inom, kweang anggwe folelekwe inom, welagaukwa.

WAHYU 12:6

A'nogo waluk lagu kwelek, at he a'nogo o leimo afuni le'ma logogin oba, Allah nen obalik ekhe tegelogo fisasikheba andoma heise lagasik were'ma nenangorogo werek kwelek, enggi 1.260 nen welaga yethigi o.