MAZMUR 107:3 - Allah Wene Fano Wene Hupla Inane

³ Hit hinebe ap pok higit afuni inaiba polikwe malikwe elikwe yikwe, were'ma andogorogo hinobagasikhemo welagep andi.

MAZMUR 107:3 ပူးပေါင်းရင်းမြစ်များ

MAZMUR 106:47

Tuhan Allah neisena, Haren nit ninagap telninabin, niren Hat hai wathafik, nen Hat henu mondok fano horek mene andi fogethafik, hilingiti logogun nen he, nit afuni amu mene inaggelekwe andoma were'ma Haren andogorogo ninobagakhi logoin o.

YESAYA 49:12

An nagainafuri yatkwe nen wagu mondok logogun, o abel utara fikhiren inom, abel barat fikhiren inom, o Sinim selatan fikhit andoma nen inom waga logogun o,” iluk ikhe.

YESAYA 54:7

”We eil misik ya faget An nen hat hobagaluk welagi o, nendawinggen mondok hundik oba An nen hat nekhengge wokhabigin o.

YESAYA 56:8

Tuhan Lego Mondok logolik, Israel mene huginabi lagaukwama nen sugulogo woginarek wagaikhe mene a'nogo nen ikhi logolik, ”An nen afuni amu mene woginarek wesimbik, it mondogat andogorek werek mene ninom seberogo kabogeti logogun nen fisa wesigin o,” iluk ikhe.

YEREMIA 29:14

Eberogo nenat hit he An ninom ambi asugun aro. Hit hinebe yi afuni ti afuni inanggelekwe andoma nen inom, yikwe tikwe telfolhisasigi kwe andoma nen inom, andogorogo kaboget hinobagambik, nekhengge hit hinebe An nen wokhinarek wesimbik he o kweang eroma yoma hinobagai wagik, hinebe hilingik logogun mene halogo hinobagagik, igin o. Iluk An Tuhan nen nane mondogat igi,” ikhe.

YEREMIA 31:10

Tuhan nen ikhi logolik, ”Yago, hit yi afuni ti afuni hinunggulenu lombok andoma nen holini o! I laut fena fikhit andoma An nane ikhi lagi mene andi yagaisa lani. An nagainafuri An nen telfol isasigi mene omanogo re, An nen andogorogo fisa wesimbik afuni nen domba halharek hak, An nen halinafi logogin.

YEREMIA 31:8

An nen it inebe nekhengge utara fikhiren woginarek wesigin, it inebe kweang wurep-wurep andoma nen waganogo andogerinabi wesigin. Afuni ineilenggen humunik mene inom, ap ineisok hambelek mene inom he it inom seberogo wesugun, andi nen hemi ineagwi ket takhogoin mene inom, inomalik inalabutmo mondogat wurik asigin mene inom ogore, inom wesugunat. It inebe re esa hokhorogo o kweang yiba wesugun.

YEHEZKIEL 36:24

It yi afuni ti afuni inunggulenu hokhorogo werekwe andoma nen inom, o kweang ekhema-ekhema hokhorogo andoma bene nen inom, nen hit An nen kaboget hinobagaluk hinambotkwe sugulogo hinonggwarek hinanggweang oba lakhinobagai wesigin.

YEHEZKIEL 39:27

An nen he it ap inaselei mene inanggweang ebene omanogo nen nekhengge sugulogo woginarek wesigin, nen An nebe mondok horek welagirek mene a'nogo re An nen a'nogo hilingisigin andiba yi afuni ti afuni inunggulenu mondogat andoma nen inelu asugun.

ULANGAN 30:3

nineisena Tuhan Allah nen endawithinabigin o. A'nogo endawithinabimbik, o hinebe pugulogo afuni inunggulenu hunogoat mene inanggele'ma lakhinobagagin oba andoma nen hinambotkwe hinobagai wesimbik he, attagat fano logogun andi hak logouwagaluk hilinghinabigin o.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.