A'nogo yagatikhemo at Daud en onggo ikhi logolik he, ”Eige! An a'nogo re alomat lagi o! Oba nen he At Tuhan andi re endawi hundik hilinginafu aple andi re mondok hokho hilingi'mo afuni nen unggum noba fogoin andi re elo'lek hilingi'mo we nit ninebe mondogat At Tuhan nen unggum ninoba fagain andiat fano o,” iluk yagatikhe.
MAZMUR 106:41 - Allah Wene Fano Wene Hupla Inane41 Andiba re Aren it a'nogo inebe afuni inunggulenu amu mene inenggimo fesikhesik, it inaselei mene andoma nen sebelinarek logouwageluk herakfisasikhe. အခန်းကိုကြည့်ပါ။ |
MAZMUR 106:41
16 ပူးပေါင်းရင်းမြစ်များ
Yogondak An nen hat unggum wokhesigiluk hilingiti lagi. An nen fanot hobagakhi lagi mene omanogo oak waganogo wanigin. An nen hat hebe waganogo re ap Filistin mene nen inanini hoba figik, hobabut mondok weakhogo nek hilingitunem hebak inaferogo kumut hiigik ikhi logouwageluk it inenggiba hobagakhi lagi.
Hiren At hineisena Tuhan Allah ane hologo hilingiti lagep lek halok he hit hinaselei mene nen hinomame leget hinobagakhi logogun. Nen hiren fanorogo hinebe eratfuluk weim yabi laga logogun oba nen wulifi logolik he hesangge nalek-falek wulifi logogun. Hit a'nogo hilingitunem weak mene hinoba nek aga logogin mene andi faget, it afuni inunggulenu amu mene nen hit hinoba inamel-melhogo nek kwelakhisikhi logogun.
A'nogo hilinghinobagaumo lingge enggen tulem hilingik kwelek he ap ineil humunik mene nen yafak-tafak hilingitarek hak hilingiti logogun, oba nen he kwe herasugun mondok lek. Hiren walhogoin iluk hilingisugun oba nen he nonghong enek ikhi logogin. A'nogo nek hilinglagunem afuni nen hit sebelenek hinobagakhi logolik hinangge telugunem ap amu mene ekhe nen lebethinafi logogun mondok lek.
Andiba re, hiren it ap hinaselei mene At hineisena Tuhan nen hit hinom weim yabuageluk lakfisa wesigin mene andoma inobaget hilingiti logogun. Hit hinebe hinamburu ouwak agik, hinagai nele agik, hinalfulukwa kogouk welagik, yi mene ti mene mondogat hinelagaik logolik hinenggi lek welagik hilingiti logolik, At hineisena Tuhan nen a'mageba fethinarek werek kwelek enek hit hinebe mondogat wa'lasugun.
A'nogo yagaisasukwama, afuni Yehuda mene inesanggo holhukwasik he, ap inebe 3.000 nen logalfesukwasik punu Etam andoma at Simson ebe oumo were'ma oba lagaukwasik he, mel yagatukwa: ”Afuni Filisitin mene nen nit fetninarek werek a'nogo honggot agendik yoma welagen a? Haren nit ninggi'nogo halok a'nogo hilingninafi lagen?” iluk yagatukwa. A'nogo yagatukwama, at Simson nen he, ”An he, we it afuni Filisitin mene nen an lalnafa andi nen onggo feigiluk hilingiti lagi o,” iluk yagaisasikhe.
ကြော်ငြာတွေ