MAZMUR 106:34 - Allah Wene Fano Wene Hupla Inane

³⁴ At Tuhan nen yagaisasikhe hakhogo iren afuni inunggulenu amu mene omanogo inebe leget fisigi'lek enggere,

MAZMUR 106:34 ပူးပေါင်းရင်းမြစ်များ

BILANGAN 33:52

Hiren he afuni o kweang andomaba werek mene mondogat pugulogo wulak fisogoin. It inanggembu helep mene inom logam mene inom, nen iren wene kabogeti logolik fogeratarek oba andoma inom he mondogat felelenghogo legetfisano.

ULANGAN 7:16

Nineisena Tuhan nen afuni inunggulenu lombok inebe hinenggiba hinobagagin mene andi, inebe ekhe hinendawirinafi'lek mondogat legetfisikhi logoino o. Hiren it afuni andi nen, Nineisena ebe andiat, iluk agarek mene andi fogeratunem, hinebe alomat laga logogun andi nen he, fogerati logogubo.

ULANGAN 7:2

Nineisena Tuhan Allah nen it afuni andi hit hinenggiba foumo, hiren it mabenet fisambik inebe hinendawi nen ekhe herakfisambik, ninom hundik logouwok, iluk wene warisogoin mondok lego. We, inebe mondok felelenghogo inoa'no o.

YOSUA 15:63

Kota Yerusalem andi ogo re it Yehuda nen meneba nen he. it Yehuda inap en he ap Yebus inap o andoma welagaukwa mene mugusogo wulak fisasukwa lek. Yogondak huli nen he it Yebus inap andoma re it Yehuda mene inom seberogo o kota andiba werek.

YOSUA 16:10

Oba nen he, it inunggulenu Efraim mene nen he ap Kanaan mene re o Gezer oba andoma nen mugusogo wulakfisasukwa lek. Andiba re. yogondak huli nen ap Kanaan mene re o Gezer andoma it Efraim inap inom seberogo welagaikharek, oba nen it ap Efraim mene nen he inamimingengge a'luk yabu hilingiti logouwageluk inane ninghogo yagaisugunem it ineabu hilingitu mondok welagaikharek.

HAKIM–HAKIM 1:21

Unggulenu Benyamin mene nen ap unggulenu Yebus mene o kota Yerusalem en mugusogo wulak fisa elo'lekhogo hilinglagaikhe. Andiba re ap Yebus mene re ap Benyamin mene inom seberogo welagaikharek andi.

HAKIM–HAKIM 2:2

Andi nen he, hiren afuni o andoma welagaikharek mene ekhe hinom wene wa'luk hinom hunitubo. Hunogo mene faget anggo warogo noletarek oba obalik andi meisak'lambukhgo potfisano o, iluk yagahisasigi andi. A'nogo meneat he, An nen, Yi'nogo hilingiti logoino, iluk yagahisasigi a'nogo hak hilingiti'lek logolik, An nen, Hilingitup, iluk wene palhigimene andiat hilingiti lagep andi. Ma re, yogondak wene yagahisagain yi hinesanggo fanorogo holini o.

1 SAMUEL 15:3

Halok he, afuni Amalek mene were'ma weim lambik, inebe inom, yi mene ti mene inom, ekhe herakfigi'lek mondok legetfisano o. Afuni mondogat ap inom, hemi inom, yenggerugwi inom, omalik inom, inanggo sapi, domba, unta, keledai inom, mondogat wulil tagalogo legetfisano o,” iluk yagatikhe.