MAZMUR 104:5 - Allah Wene Fano Wene Hupla Inane

⁵ Kweang tik warogo ninghogo fesiginmo werek mene andi re, mondok-mondok andoma abolok igi'lek, etok mondok logogin.

MAZMUR 104:5 ပူးပေါင်းရင်းမြစ်များ

AYUB 26:7

At Allah nen he pogot i yenggelek mene amboloba talogo fikhe. Nen kweang he we selek pele'ma kologo fesikhe.

MAZMUR 119:90

Haren tiphogo nek hilingiti lagen mene a'nogo agam eti'lek yogondak huli nen hobuk huli andoma logogin, Harenat kweang talfesigin mene andi re abolok lek werek andi.

MAZMUR 136:6

Aren kweang ari i amboloba talogo fesikhe, Endawi hundik hilingninaferek mene andi re mondok-mondok logogin mene.

MAZMUR 24:2

Aren kweang elalhi logolik, i laut uan yenggele'ma, tik ninghogo warogo fesikhemo werek.

MAZMUR 93:1

At Tuhan andi re Raja. At ebe homame hokho were'ma foget fagarek mene andi re su labetarek hak laberek werek. Kweang he tik ninghogo warogo fesikhemo re, abolok ikherek lek.

MAZMUR 96:10

Hiren afuni inunggulenu amu mene inoba yagaisikhi logolik he, Tuhan andi re ebe Raja werego! Kweang he mondok ningmanibere'ma re abolok u lek hak, Aren afuni kweangma werek mene katokhogo nek inawene pilingisogo ayo wurinafarek, iluk yagaisikhi logoni.

AMSAL 8:29

isikhesik, i laut yenggelek huli warek mene ambe heilanghogo wulifi logoinogo iluk yagatik, isikhe andi an neilhanem aro. Nen, kweang tik watikhe andi re an nebe werek kwelegat.

PENGKHOTBAH 1:4

Inagainafuri attak tagomangge mene nen taginafu mene wa'lagu kwelek, hobuk tagomangge mene nen taginafu mene weinam asi wagik, hilingirik wagu kwelek meneat he kweang he munen agi'lek etok mondok werek.

2 PETRUS 3:10

A'nogo werek meneat he, afuni inonggorat werek kwelek yi mene ti mene yogot wani kwagarek andi hak, ninoe Enupogot wesigin andi re, a'nogoat wesigin o. Andi sambul, pogot ebe misik sambulat sogoi ane hangge ilik-ilik legagik, yi mene ti mene pogoroba welagarek mene ero inomat endu ninggik, kweang ebe inom, yi mene ti mene kweangma welagarek mene inom, mondogat legagik, igin o.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

WAHYU 6:14

pogot andi re, lisu palek yinggilik mene andi hak, yinggilogo legagik, tom unggul inom, i enggen kwe inom, welagarek kwe omanogo lombogen higilogo amumu lagunem yethigik, ugunem yethigi o.

1 SAMUEL 2:8

Afuni inangge lek mene mondok weak were'ma woginafik, hele warek hangge weak welagaikharek mene andi fikhalogo inenu werek mene inom fano hilingisogo fisigik, agaugwerinafi logouwageluk ineabu fano mene wogisigik, egendek. Kweang helage tik warek he, nineisena Tuhan mene andi nen he, kweang hat mene andiba loukhogo walhasiginmo welagarek.