MAZMUR 103:7 - Allah Wene Fano Wene Hupla Inane

⁷ Aren yi'nogo hilingisigin iluk eberek welagaikhe mene a'nogo at Musa oba yagatikhe, nen At obabut hilingiti lagaikhe mene a'nogo re, it afuni inunggulenu Israel mene inoba inugisasikhe.

MAZMUR 103:7 ပူးပေါင်းရင်းမြစ်များ

NEHEMIA 9:14

A'nogo yagaisikhi logolik, o inenggi 6 en wela'luk ekhe 7 andiba hat honggwarek faget weat logouwagaluk hamingmingengge Musa yagatiginmo, aren yagaisasikhe andi.

MAZMUR 106:22

O kweang andomaba nen he mondok fulu polan mene hilingitikhemo nen, i Laut Gelagah yenggele'ma omanogo nen ogore wesa polanhogo ekhe hilingitikhe mene inonggot agaukwaat.

MAZMUR 111:6

It afuni inunggulenu amu mene inanggweang mene omanogo re, At againafuri mene wogisasikhe andiba re At omame werek mene a'nogo weinamet fesikhe.

MAZMUR 147:19

Aren awene melalek menfikhe mene omanogore at Yakub yagatikhe, nen wene yi'nogo hilingiti logoino ti'nogo hilingiti logoino iluk werek mene omanogo re, againafuri Israel mene onggwaregen wenago mene omanogo inoba yagaisasikhe.

MAZMUR 77:20

Hat hebere i laut agum founalhukwe ambolebene andoma lagendek, oba nen Heisok sebelhukwe re obalik werek lek.

MAZMUR 78:11

Iren he, At Allah nen yi wene ti wene hilingiti lagaikhe mene omanogo inom, nen Aren elalin mene hilingiti logolik it inoba weinamet fikhi lagaikhe mene omanogo inom iren inonggot agaukwa.

MAZMUR 78:5

It inunggulenu Israel mene inoba re, Aren Awene melalek inelurogo logogun mene wogisasikhe, nen it Yakub ambisangma mene inoba re wene yi'nogo hilingiti logoino ti'nogo hilingiti logoino iluk awene melalek a'nogo wogisasikhe. Aren it inambu inombalak inoba yagaisikhi logolik he, hit hinagainafuri inoba yagaisikhi logoino aro, iluk yagaisasikhe.

MAZMUR 99:7

O hena anggulok oba nen Aren it inoba ane yagaisikhi lagaikhe, iren he Aren wene melalek ikherek mene a'nogo inom nen yi'nogo hilingi'no ti'nogo hilingi'no iluk yagaisikhi lagaikhe mene a'nogo inom hologo nek hilingiti lagaukwa.

KELUARAN 19:20

At Tuhan ebe tom Sinai oba pi wagaikhesik, Musa punu ebeba lagauwageluk woletikhemo, oba lagasikhe.

KELUARAN 19:8

A'nogo yagaisasikhemo, it inebe mondogaren inane lambulogo ikhi logolik, mel isukwa: ”Niren he, nineisena Tuhan nen yi wene ti wene yaganisikhe mene andiat hilingisugun o,” iluk yagatukwa. Wene iren isukwa mene andi at Musa nen Tuhan oba yagatikhemo, Aren he mel yagatikhe: ”An nebe ohena mumeak mene laberogo hoba pi wesigin. A'nogo pi wesimbik wene hat holhen mene yagahetunem afuni inesanggo holimbik he, huli andem sambulen, Aren eberogoat wene oba fikhemo yaganisili'logo iluk, futfikhi logogun.

KELUARAN 20:21

Yagaisasikhesik, it afuni omanogo inebe yatkwe mendek werek kwelek, at Musa a'nogo nek he, o hena eil mondok mum hik-hak se'ma At Allah ebe werek higit asi lagaikhe.

KELUARAN 33:13

An hat faget hilingiti logolik, hendawimo hamolo mene nek hilingitu mondok logoigen he, haren yi'nogo hilingisigin iluk anggegen mene andi yaganom o, neisena. Haren he, afuni yi, an nagainafuri logouwageluk, wenagaisogo fisasigin a'nogo hendawimo ebesin o, neisena,” iluk yagatikhe.

BILANGAN 12:7

A'nogo meneat he, An namingmingengge Musa nek he, An nagainafuri mondogat inanggele'ma logolik obabut mondok hombunsek andi nen he, a'nogo yagatirek lek.

ULANGAN 34:10

Afuni Israel mene, ap ekhe Allah ane yagaisagarek mene, at Musa nineisena Tuhan emberek weneane inolokheba lakfigik-wakfigik ikhi lagaukwa andi hangge ekhe welagaikharek mondok lek.