MAZMUR 103:6 - Allah Wene Fano Wene Hupla Inane

⁶ At Tuhan nen, afuni ekhe weak hilingfisagarek mene, inebe mondogat inawene pilingisogo wene higithogo inoba figik kotik ikherek.

MAZMUR 103:6 ပူးပေါင်းရင်းမြစ်များ

MAZMUR 12:5

Iren ikhi logolik he, ”Nit ninamelinggen ninonggaregen halamo re higiro, yi wene ti wene we ninggi'nogo wene andoma mondogat he higit ikhi lagoma re amu mene nen ekhe kwe palninabu lek hago!” iluk agarek.

MAZMUR 146:7

Afuni sebelogo fisagarek mene re At Tuhan nenat inebikhit a'luk inili woginaferek, afuni inamburu nele were'ma Aren nunggu mene wogisikherek. It afuni hele warek were'ma Aren lologo wulak fisikherek,

MAZMUR 35:10

An nendawinggen nebe mondok abirenggeba nen nane ikhi logolik he, ”Tuhan Hat hinom higirabesu mene re ekhe werek lek!” Harenat, it inomame lek mene re, it inomame werek mene inenggimo nen telogo fisikhi lagen, Nen it inangge lek mene inom, inelagaikhogo werek mene inom he, sebelinarek werek mene omanogo inenggimo nen fikhalogo fisikhi lagen.

MAZMUR 72:12

Andi re aren afuni nen yi enggin ti enggin inoba fugunem inamu nen hilingisu elo'lek mene omanogo fikhalogo fisigik, afuni inenggi lek logolik at oba yagatarek mene omanogo fikhalogo fisigik, ikhi logogin.

MAZMUR 72:4

At raja nen he afuni inenggi lek mene inangge faget ili wanhi logouwak, nen aren it afuni inelagaik mene inom athe afuni sebelogo fisagarek mene omanogo mondogat leget fisigik, ikhi logouwak.

MAZMUR 9:9

Aren he it afuni inunggulenu lombok omanogo katokhogo nek melalinaferek, nen it inebere inawene ayo palogo pilingfuluk mondok higithogo nek tegeterek.

AMSAL 14:31

Ap ekhe nen ap enggi lek mene fanot fikhe halok he eisena Allah legeisogo fili'lago, nen ap ekhe nen enggi lek mene andi sebelfikhe halok he eisena ebe Elalhe mene a'nogoat sebelogo fikhe.

AMSAL 23:10

Hinenggi misigam iluk ogo kweang inamuligen huli warek mene andoma higili lagik, yenggerugwi suarek mene inanggweang andoma heligik u fuk.

YEHEZKIEL 22:7

Afuni haren mene werekwe oma nen ap misigen ogo ekhe ineisugwi inagaisawi legeisogo fisagarek mene ekhe werek lek. Hat hane nen ap pok mene lalinafi logolik, hemi sogwe mene inom, yenggerugwi suarek mene inom inangge omanogo ekhe inomat mangorogo helikhi lagen.

LUKAS 14:22

A'nogo yagatikhemo, at ap a'nogo lagaikhesik ambotkwe wagaikhesik he, oe a'nogo mel yagatikhe: Noe. Yaganeten a'nogo woginarek wagi meneat he, o fena mondok selek werego, iluk yagatikhe.

YAKOBUS 2:6

A'nogo wenaginafikhe meneat he, hiren it inenggi lek mene halok hinendawimo sebel fisikhi lagep andi. Meneat he, sani nen hit hinebe weagethinafik, pemerintah mene nen hinanema wanuageluk inoba wokhinarek lagik, ili'lagwi nogo. It afuni inenggi hokhorogo werek mene andi nenat hilinghinabi'lagwi anggigi.