MAZMUR 103:20 - Allah Wene Fano Wene Hupla Inane

²⁰ Hit Allah agoromi malaikat hinomame hokho mene, At ane hologo hilingiti lagep mene omanogo hinebe mondogaren, At Tuhan andi nek fogerati logoino.

MAZMUR 103:20 ပူးပေါင်းရင်းမြစ်များ

2 RAJA-RAJA 19:35

A'nogo isikhesi'mo nen, o hubanggo andibaat, nineisena Tuhan agot malaikat ap tentara Asyur mene inawi tenda wuri'mo wagaikhesik, inebe hokhorogo 185.000 nen inoatikhe. A'nogo inoatikhemo, ohealek hubet he, ap warek mondok hilinglagaikhemo hasukwa.

MAZMUR 148:2

Hit Allah agoromi malaikat en inom, Hit tentara pogoroba mene hinebe mondogaren inom, At fogerati logoino.

MAZMUR 148:5

Hit mondogat Allah aneba, hinebe elalhinafikhe andi nen he, hiren Tuhan enu nek seralhi logoino.

MAZMUR 29:1

Hit pogoroba hineluk welagep mene yi sani, Tuhan fogera'ni o, At andungdang werek andi faget inom, omame werek andi faget inom, fogera'ni o.

MAZMUR 78:25

Aren it nunggu mene faget mondok sik-pikhogo wogisikhi lagaikhe, nen roti re malaikat en nenggarek mene ninggi lagaukwa.

YESAYA 6:2

A'nogo were'ma era'lukwe haningisogo andoma re it ineluk welagaikharek mene it inebe re endu amulok hangge hilingi'mo re inebe lombok inagerabul falfaligen werek mene were'ma isigi. It inebe lombogen inagerabul pire re inelokhe salek welagaikha. Nen, pire ekhe re inebe salek welagaikha, nen pire ekhe re tarogo lagu mene faget langhogo welagaikha.

DANIEL 11:1

”At andi nen he Darius o Media mene andi nen ferinarek welagaikhe ba tahun attak meneba an lebetnafik, fetnarek welagik ikhi laga mene.

YOEL 2:11

Nen at agoromi tentara omanogo inendawi wenggelogo iluk enegengge re Tuhan ane unggunggu ane hangge supuk ikherek. At agoromi ane hologo weim yafarek mene re inomame mondok hokho mene logolik, inebe esare inenggi wenasu mondok elo'lek. O Tuhan onggwarek awi wei igin andi re, mondok elalin wesa polan awi wei igin. Inenggi andi sambul andi re afuni nen inailo lekhogo hambuget haluk logou re elo'lek asigin o,” iluk yagaisasigi.

MATIUS 26:53

Yogondak an nebe elele wo'nabuageluk he, neisena kino yagasumo, aren it malaikat Allah nen pogoroba yonggo pelakfisa wagarek mene omanogo inebe esa 12 nen endebat meneat he, esa mondok hokhorogo inayonggo foumo, folfuluk telnabi wesugun elo'lek anggegen?

LUKAS 1:19

at malaikat a'nogo nen he, ”An Allah eilhanem mendek welagirek mene nenu Gabriel andi re nebe an aro. Fano wene yi yagahesuageluk, at Allah nen yonggo laknobagai wagama wagi o.

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.